هذي النديه المرفوضه
مثل ما انت عملت كذا بعمل كذا
تصرف استفزازي حبيبتي

اذا هدفك تسافري حتى تقهريه
لا تسافري واجلسي ببيتك
اما اذا بتسافري حتى ترفهي عن نفسك
مو بهذا الاسلوب الله يرضى عليك

لا تظني انه بيخاف منك
ويقول اجل خلاص ماني مسافر
لا حبيبتي
كذا تحفزيه اكثر لعنادك وقهرك
وبداخله يقول: يصير خير!
واحتمال يحلف عليك بالطلاق لو عملتيها
لانك جايه تطلبي منه مقايضه
وتهدديه بسفره بدون الاطفال
وكأن سفرتك عقاب له
مو ترفيه لنفسك


اهدأي وروقي واسترخي
زوجك تصرفه اناني ومستفز صحيح
لكن تصرفاتك انتي غلط غلط
وهو واضح تعود على اسلوبك
وماعاد يفرق معه شي
بدليل ان السفرات اللي قبل خربت
وهذي بتمشي وبيسافر
يعني اختبرك بما فيه الكفايه


اعترضتي على سفرته بالكلام
وصرحتي عن رفضك
خلاص انتهينا
طنشيه واتركيه مع نفسه
لا تاخذيه بالاحضان
ولا تعملي حرايق بالبيت
طنشيه هو وسفرته
وفوضي امرك لله


بعدين اذا حابه تسافري خططي برواق
مو كرده فعل لسفر زوجك!