عزيزتي ارواح الله يبدل حالك الى افضل حال


بكير بعد لتحكمي عالدكتورة واذا اخذتي علاج اقل شي لشهر ونص ليعطيكي نتيجة والادوية لازم تمشي عليهن بإنتظام وما تخربطي فيهن

وممكن محقة الدكتورة بالعلاج بالادوية أول فترة ولمدة قصيرة لانو شافت حالتك وصلت للفوبيا من زوجك والخوف عم يسيطر عليك مهما حاولتي تكوني قوية
وخاصة آخر مشوار بالمستشفى بس غبت عن الوعي

ممكن بهالفترة بحاجة لشي يروقلك اعصابك ونفسيتك لتقدري تواجهي زوجك وتتخطي الماضي بالإضافة الى العلاج السلوكي


أنا اخدت ادوية نفسية لمدة سنة ونص ووقفتهن تدريجيا وصرلي تلات سنين بدونهن وحالتي افضل بكتير يعني 90% أحسن الحمد والشكر لله


ونفس الشي الدكتور كان يقلي رح تصيري منيحة وانا ما صدقه وقول ما عم اتحسن
لانو بالفعل كنت مش منيحة بس ما بدي اعترف


وحالتك أصعب من حالتي بس بإذن الله شفائك رح يكون اسرع لانو عندك ارادة وبدك بالفعل ترجعي متل قبل واحسن

وعزيزتي ارواح ما دام الخوف من مواجهة زوجك موجود ما دام بحاجة للذهاب عند الدكتورة لتساعدك بعد الله
بس كوني على ثقة انك بس تخلصي علاجك رح تصيري اقوى من قبل المشكلة


وجربي معها لفترة شهرين بعدين احكمي اذا مرتاحة او لا


دعواتي ترافقك


احترامي

__________________





اللهم إني أستودعك ديني و نفسي وأهلي وزوجي
وأولادي وأحبتي فاحفظهم يا من لا تضيع ودائعه