لا قصدي خليه يشوفك خايفه و متوترة من دون ادعاء القوة
عشان ما يقول بعدين ليش خايفه و من هالكلام
صعب تتصنعين خليك تلقائية من البداية لحد ما يروح الخوف تماما من نفسه
وكذا ماراح تشيلين هم لقائه
اعتقد انك ماتقبلتي وجوده لانك طول الوقت تتظاهرين بعكس اللي فيك
وخايفة يشوف عليك التوتر هذا الشي يوترك اكثر
التلقائية زينه 🙂

لا اعلم يا اختي
لان الطبيبه اخبرتني قبلها ان اكون طبيعيه جدا
فانا فهمتها ان لا ابين توتري وخوفي !!
حتى عندما ذكرت لها ماحصل
لم تتطرق لهذا الموضوع
الله يسعدك يا اختي والف شكر لك
ان شاء الله في المره المقبله اكون على طبيعتي

اروااح والله رحمت زوجك خلاص خذيتو حقكم منه
انتي في صفك ابوك واخوك والدكتوره وامك ونحن كلناااا معك
بس زوجك من معه !! ماحد يعرف ايش في قلبه
المسكين ياكل نفسه من هم وتفكير حتى اهله اكيد ماعارفين شي
وجالسين يلوموه ويحققو معه
ادري مابيدك شي بس ديري بالك عليه وتواصلو معه يوميا
عسى الله يفرج همكم وترجعو مثل اول واحسن

__________________
اللهم اغفر لي ولوالدي واخواني واخواتي الاحياء منهم والاموات .. اللهم نسألك حسن خاتمه يارب .. لاتنسوني من دعواتكم

يا اختي مو موضوع اني ارحمه او اكون ضده او معه
انا مو جالسه اعاقبه وربي يشهد علي
او حتى انتقم منه
وبعدين ابوي لا واقف معي ولا معه
يعني مثلا ابوي يجي يقول لي
اذا ماتبين تكلمينه او تشوفينه مافي شي يجبرك
اهم شي صحتك ولو تجلسين عندي سنه ماعندي مانع
وبعدين يقول بس حطي ببالك ان اول مره يصير بينكم مشكله كذا كبيره واول مره انه يظلمك
وخذيها بعين الاعتبار
بس ارجع اكتشف من محادثتي معه ان ابوي يقوله
انا حاولت اقنعها تطلع معك مع العيال وانا وانا
لما سالت ابوي يقول لازم اشد من جهة وارخي من جهة
وصراحة زعلت منه
ولا قدرت اساله مره ثانيه
وطنشت الموضوع
لاني مافهمت وش مقصده

....

كنت متواصله معه
اما الان ودي اني اقطع تواصلي معه
لان فعلا اتعبني وارهقني
امس الصباح تكلمت معه وسوالف والوضع عادي بينا
3 من صديقاتي زاروني امس
كنت احاول اصرفهن بأي طريقه من شهر
استقبلتهن امس
ومن العصر اغلقت جوالي
تفرغت بالجلسه معهن والضيافه
وفتحت الجوال بعد الساعه 11
جاتني رسايل منه واتصالات
اعتذرت له اني كنت مشغوله
قال لي غريبه من العصر وانتي مسكره جوالك
قلت له لهيت مع العيال وانشغلت
خفت اقوله صديقاتي كانوا هنا
بسبب المشاكل اللي كانت تصير
قال لي ليه تكذبين
انا كلمت اخوك قبل وقال ان صديقاتك زايرينك
قلت له انت كنت تدري تسأل ليش ؟
قال بس اشوف وش بتقولين
قلت له يعني للحين تشك
وتتبع خطواني وتشوفني وين اروح ومين يجي
وقعد يتعذر ماكان قصده
قلت له انت اتعبتني ومو اول مره تسويها
وصحيت الصبح على رسايله
يتاسف ويعتذر


انا نفسيا تعبت منه
والله مادري كيف اتصرف معه

تكلمت مع الطبيبة
قالت لي اني غلطت يوم اني كذبت
ومن اليوم ورايح لا تخافين مهما سويتي
تعزمي صديقاتك تطلعي تروحي تيجي
قولي له ولا تكذبي ولا تخافي مارح يمنعك من شي
ودامه اعتذر
بكره اطلعي معه نزهة مع أطفالك
فقط اطفالك من نصف ساعه الى ساعه
قلت لها صعب ماقدر
قالت جربي ومارح يصير شي بإذن الله
وسالتها عن يوم الخميس يعني ماخليه يجي ؟
قالت لي
طلعتك بكره معاه ومع اطفالك تمهيدا ليوم الخميس
وانا بعطيك التعليمات وثقي فيني
لاني ابغى مصلحتك ومابغى اضرك