المشاركة الأصلية كتبت بواسطة medo888

نصيحة لك اياكي ثم اياكي تقوليله بتعرف على واحد وابغى حنان ومن هالكلام لانه فعلا راح تتفاقم المشكلة ، في نقطة لازم تعرفيها وهية للاسف حقيقة مرة (بضم الميم وتشديد الراء)
الا وهي انه احنا المجتمعات الشرقية عبارة عن مجتمعات ذكورية يعني الذكر او الرجل هوة المحور الاساسي وصلاحياته اكبر بكثير من المرأة لذلك شوفي ايش صاير فيكي لانه هوة اخطأ انتي ساكتة ومو قايلة لاهلك وخايفة وحابة الحياة تستمر وترجع كما كانت بينما لو انه الي صار العكس وانتي الي كلمتي رجل وزوجك اكتشف هالشيئ راح يرميكي بالشارع ويطلقك ويفضحك والناس راح تصفقله
هذا الكلام تعليقا على انك بتواجهيه وبتقوليله ابغى اتعرف على واحد واعمل زيك فانا اقولك انتبهي لا تواجهي الرجل بهذه الطريقة لانه ممكن تنقلب عليكي ويستخدم كلماتك ضدك

انتي تقدري فقط تقوليله انه (( تخيل لاسمح الله انا كنت مكانك وسويت الي انت سويته كان اكيد راح تطلقني وتنهي الي بيننا ولا راح ترضى ابدا ،، شوف كيف انا استحملتك وسامحتك وسترت عليك لانك زوجي وابو عيالي واعطيتك فرصة ))

لكن للاسف انا شايف زوجك ماهو من نوعية الاتعاظ حتى لو تركته زميلته ممكن يشوف غيرها والله اعلم ، لذلك افصل حل تقولي لاهلك وخلو الموضوع يكبر ، وياريت تخلي المحادثات معك لكن لاتوريها لاخوانك لانه ممكن يتفاقم الموضوع اكثر واكثر وتاخذهم العزة ويكبرو الموضوع ، انتي فقط قوليلهم انه بيكلم بنت وانك شفتي المحادثة ، لكن في حال انه هوة انكر ذلك ساعتها طلعي المحادثة وخلي الكل يشوف ، والهدف اولا واخرا الاصلاح وانه يتعظ بالنهاية وترجعو لبعض

هذا رأيي الشخصي واتمنى لو احد عنده رأي او طريقة افضل مايبخل عليكي

بالتوفيق