أولا يا مبتعثة انا من زمان متابعة لمواضيعكِ لكن يمكن هاذي اول مرة ارد عليكِ
تعرفي انتِ إيش مشكلتكِ أنك تتصاحبي مع ناس مو من مستواكِ (وأتمنى أبداً ما تنفهم العبارة هاذي بشكل غلط)
يعني انتِ دكتورة المفروض دحين خلاص اغلب صداقاتكِ مع دكتورات زيكِ
عندكِ إنجازات معينة .. المفروض إنكِ تتصاحبي مع ناس عندهم نفس طموحكٍ وحققوا إنجازات في حياتهم تشبه إنجازاتكِ أو قريبة منهم.
تعرفي ليه؟
الفئة هذولا في العادة بحكم انكم من نفس مستوى الطموح والإنجازات ما يغاروا من بعض أو يحسدوا بعض لانه بالنسبة لهم حققوا نفس الشئ تقريباً .. بالعكس تلاقيهم ينبسطوا علشانكِ وكمان يعتبروا تحفيز لهم زيادة ينجزوا شيء ويطوروا .

ما أدري بصراحة إذا عرفت أوصلكِ الفكرة ولا
لاني يا مبتعثة بأقولك الكلام هذا عن تجربة

الله يوفقك ويزيدكٍ من فضله