المشاركة الأصلية كتبت بواسطة الـــوحيد

السلام عليكم ورحمة الله وبركاته

عندي موضوعين واحد منهم حاس بتأنيب الضمير والثاني محتار كيف اتعامل معاه بطريقه ذكيه

الموضوع الاول واللي بصراحه حسيت بتأنيب الضمير ولكن انجبرت عليه
وهو انه اتصل علي واحد اعرفه معرفه سطحيه وهو من نفس القبيله ولكن معه جنسيه اماراتيه وعايشين في الامارات من قديم
المهم اتصل علي ويسألني عن اصل واحد لانه تقدم لهم وقايل لهم انه من الفخذ الفلاني والحقيقه خلاف ذلك
والمشكله اني اعرف الانسان الخاطب ونعم فيه اخلاق ودين وحاولت اني اتخلص من الرجال وقلت له دور غيري اسأله ورفض واصر علي وقالي بذمتك واعتبرها اختك لو كانت اختك تزوجه والا لا فـ اجبرت اني اقول الصحيح وتفركشت الخطبه
والله اني زعلت وحسيت اني قطعت نصيب الرجال والبنت ولكن وش اسوي

الموضوع الثاني وهو ان تقدم انسان محترم لبنت اختي اليتيمه وانا اللي قايم فيها بعد الله عزوجل والرجال محترم ولاينقصه شي ولكن حالته الماديه ضعيفه شوي وساكن في نفس المدينه اللي انا فيها بالصدفه
المهم فكرت اني اعطيه شقه لان الايجار في المدينه اللي انا فيها مرتفع جداً ولكن مدري كيف اوصل الفكره بطريقه مااحرج الرجال وبنفس الوقت اخليه يشيل المسؤليه ومايعتمد علينا ولايحس ان البنت بايره ورامينها عليه
فـ انا حاب اساعده عشان ترتاح بنتنا ويقدر يعيش اهله ابن الحلال عيشه كريمه وبنفس الوقت خايف تصرفي يكون خطأ ويترتب عليه امور ثانيه

المشاركة الأصلية كتبت بواسطة أدمنتك بعنف

الموضوع الاول

شيء مكتوب وخارج عن ارادتك, ولو كانت مكتوبه له ماصار اللي صار. والكذب لايجوز. دائما الصدق هو النجاح. ربما سويت خير فيه وفيها؟

الموضوع الثاني

اقترح تأجر الشقه عليه بسعر رمزي, ولا انصحك بمساعدتها بعد الآن الا عند الحاجة القصوى ومايكون زوجها على علم بمساعدتك. والله يجزاك خير ويكثر من امثالك.

.

المشاركة الأصلية كتبت بواسطة اسعد فتاة

والله من بدايه انصحك تخليه يعتمد على نفسه
لان بعص الناس مجرد ما تعاونهم وترفع عنه الثقل ع طول يصير اتكالي
انا لاحظت هذا بزوج احد اخواتي كلنا تعاطفنا معه مع انه مستواه عادي لكن
اقل منا شوي وابوي الله يحفظه كان مثلك حب يزوج اختي قريبه ويسانده
وحسيته صار يتكل ع ابوي كثير في اغلب مسوؤلياته وبدل ما ابوي يخفف ع اختي
يساندها زاد عليها ضغط لان الزوج سحب نفسه من بعض مسوؤليات لدرجه
انه اخواني واخواتي هم اللي يصلحو بعض امور في بيت وهم اللي يشترو بعض نواقص
واغلب مشاويرها معانا انا لا انكر انه رجل طيب وفيه
خير بس اصبح اتكالي جدا جدا والسبب منه من ابوي وتدخله في امورهم
واقول لك من هنا نصيحه لك من اخت لاااا تتدخل فيه هو رجال ويعرف يدبر اموره

المشاركة الأصلية كتبت بواسطة الـــوحيد

اقتراح ممتاز اخوي
ولكن وش رايك لو مثل ماتفضل الاخ ثنيان والاخت مسك اني انتظر واراقب الموضوع من بعيد واشوف واذا شفت ان الوضع صعب وهذا اللي اتوقعه ساعتها راح يحس باي شي يفك ضيقته
رأيك يهمني اخوي بارك الله فيك

المشاركة الأصلية كتبت بواسطة الـــوحيد

اقتراح ممتاز اخوي
ولكن وش رايك لو مثل ماتفضل الاخ ثنيان والاخت مسك اني انتظر واراقب الموضوع من بعيد واشوف واذا شفت ان الوضع صعب وهذا اللي اتوقعه ساعتها راح يحس باي شي يفك ضيقته
رأيك يهمني اخوي بارك الله فيك

المشاركة الأصلية كتبت بواسطة أدمنتك بعنف

الموضوع الاول

شيء مكتوب وخارج عن ارادتك, ولو كانت مكتوبه له ماصار اللي صار. والكذب لايجوز. دائما الصدق هو النجاح. ربما سويت خير فيه وفيها؟

الموضوع الثاني

اقترح تأجر الشقه عليه بسعر رمزي, ولا انصحك بمساعدتها بعد الآن الا عند الحاجة القصوى ومايكون زوجها على علم بمساعدتك. والله يجزاك خير ويكثر من امثالك.

.

المشاركة الأصلية كتبت بواسطة Ms. Spectacular

الموضوع الاول
كان نصحته أول انه لا فرق بين عربي ولا أعجمي الا بالتقوى.
وبعدين انت ما كنت السبب ، ماصار نصيب معناته (قضاء وقدر) وربي يرزق البنت والرجال بالأفضل ان شاءالله.

الموضوع الثاني والله هذا خير وشيء جميل منكم ماشاءالله ومين يرفض الخير..
خل احد يلمح له من بعيد انك (ناوي) تعطيه شقة وتفكر بالموضوع مو (أكيد ) هنا اعتقد الرجال راح يفرح وراح ينتظر الخبر الأكيد ولما يجي الخبر الأكيد منكم بإذن الله راح يقدر هذا الشيء لأنه ما جا بسهولة (من وجهه نظرهه) .
طول بالتفكير شوي يعني خذ وقت أسبوع أسبوعين الوقت اللي انت شايفه مناسب..
والله أعلم ،، الله يكتب لكم الأجر..