|
|
14-07-2017, 01:23 AM
|
المشاركة الأصلية كتبت بواسطة العقل نعمة
يا أختي للأمل حكاية اسأل الله أن يجعل الأمل مصاحبا لكلّ حكاياتك وينهيه بالفرج ,, أنت مشاكلك متداخلة وجمعت فيها تركيبة معقّدة من ردّات الفعل كلّ هذا لا يمكن أن ينكّ ويُحلّ إلا بإرادة منك قويّة ولن تصلي للسلام مع من حولك ومع نفسك إلّا إذا تغالت عن الماضي بكلّ آلامه لا يمكن أن تعيشي بهناء وألام الماضي تعصرك وذكرياته حاضرة في كلّ ردّة فعل منك على أيّ سوء تفاهم حاولي لأن تبدئي حياتك من الحاضر ومن المتوفّر لديك في هذا اليوم اعتبري حملك وولادتك إن شاء الله ميلاد جديد لحياة جديدة تجبّ ما قبلها حسرتك ووجعك وندمك وذكرياتك ووووو, لن تعدّل حياتك المستقبلية, أنا أستشعر كل وجع كتبتيه وأحس بكلّ ألم وصفتيه ممكن أقول لك أنّها أشياء لا تطاق ويصعب تحمّلها لكن أمر الإنفصال له تبعات عليك أن تدرسيها خارج أوقات الإنفعال والغضب كم من أزواج انفصلوا وندموا رغم أن انفصالهم حدث بعد قناعة حسب زعمهم وناقشي موضوعك مع أهلك أيضا, هم الأقرب إلى الفصل معك وهم من سيتحمّل التبعات معك ... |
14-07-2017, 01:37 AM
|
المشاركة الأصلية كتبت بواسطة للأمل حكاية
كيف أنسى الماضي وأثره في نفسي قوي كل يوم انام ودموعي على خدي أنا كنت اشوف انسب حل الانفصال العاطفي بس داخل البيت ماراح يقدر زوجي وأعرفه مو عشان حب. بس مايستغني عن وجود امرأة بجانبه مايعرف ينام لوحده كلامك وكلام ميموما يعني انه ارجع له زوجه محبه وعاشقه ومهتمه وهذا والله صعب بعد كل الجروح اللي سواها فيني أتمنى بس يخلي يومي يمر بسلام وانا بتحمل وبكمل لين يكبروا عيالي بس هو نظامه يانعيش تحت ظله بسعادة يانعيش بنار بدونه مايستحق أني ارجع اتعامل معاه طبيعي والله مايستاهل يقول إنتي مغرورة وشايفه نفسك طيب هو ايش أنا اللي ماأرضاه لنفسي ماأرضاه على غيري بس هو عكسي ...عموما اهلي زي كل أهل مايبغوا بنتهم تتطلق واصبري من قبل مايتزوج أكلمهم ويقولولي اصبري الدنيا ماتسوى وعامليه لوجه الله ...طيب والضحايا اللي كل فترة يزيد واحد ايش ذنبهم |
14-07-2017, 07:00 AM
14-07-2017, 01:45 PM
|
المشاركة الأصلية كتبت بواسطة غـادة..
عزيزتي للامل حكاية ❤
انتي جالسة ترهقين نفسك وتحملينها فوق طاقتها .. ارحمي نفسك طيب وتزوج زوجك ؟! منتي أول ولا آخر وحدة يتزوج عليها ، صح هالشيء متعب نفسياً والله يلوم اللي يلومك لكن ماهي آخر الدنيا ! الحمدلله عندك بيت وعيال التهي فيهم واستمتعي بتربيتهم ، وزوجك تعاملي معاه باعتدال بدون انفصال عاطفي وبدون عشق ووله .. خليك وسط حاولي تسعدين نفسك وتسعدين اطفالك.. دوري الأشياء اللي تحسن من معيشتك مثلاً اطلبي منه خادمة تساعدك ببيتك و على الأطفال . أعيدي صبغ بيتك مثلاً أو جددي الصالة .. روحي للسوق واشتري لك ملابس جديدة وقصي شعرك قصة جديدة أسعدي نفسك بنفسك يا أختي ، واعتبري زوجك موظف وعنده شفتات يوم يروح لبيته الثاني تخيلي انه رايح للعمل ارفضي كلامه عن بيته الثاني رفض نهائي .. لا تسمعين منه وانهريه اذا تكلم قولي رجاء لا تجيب لي طاريها .. باليوم اللي هو مو موجود روحي لأهلك او اطلعي للحديقة .. ابدًا لا تجلسين بالبيت ولا تطاوعينه لو رفض انك تطلعين ، هو يطلع وباله مرتاح ليه تجلسين انتي بالهم ؟ قولي له اطلع اريح لي من الهواجيس والافكار. اهله ابدًا لا تقطعينهم نهائي وغلط عليك كذا .. هم أهل زوجك واعمام عيالك ليه تتركينهم ؟ بالعكس كلمي ام زوجك واعزميها ببيتك ع العشاء او اتصلي فيهم وقوليلهم اذا ماعندكم شيء اتعشى معاكم مشتاقة لكم .. ابحثي عن صديقاتك وتواصلي معاهم .. ع الاقل خلي تواصلكم ببيت اهلك لو هو رافض ابدًا لا تخضعين له يدفنك بالهم سامعة ؟ انتي قلتيها هو تزوج والتهى ليه انتي تظلين بالشقا ؟ بس بالهداوة لا تتصادمين معاه ولا تشدين معه .. خلي سياستك لينة حتى تكسبين وتاخذين .. اطردي الوساوس من راسك ماتجيب لك الا الهم وترا كلها من الشيطان حتى يوقعك بالحزن .. انتي جالسة تتخيلين وتبنين خيالات وكأن حياتهم جدا رومانسية وسعيدة .. زوجك هو هو سواء معك والا معها والن القرية مستحيل يتغير زي مايعاملك بيعاملها وصدقيني بيفرض عليها اشياء اشد منك عشان يثبت للناس انه مو خروف ع قولتهم وانه للحين كلمته تمشي .. لا تصدقين اي احد ينقل لك عن حياته حتى لو هو صدقيني مسسستحيل يوصل لك الصدق فسكري الباب من اساسه . الان ابدي بالتجهيز للبيبي وجددي في بيتك وحاولي تتعلمين ع هوايات جديدة تشغلين نفسك فيها .. وزوجك بالاساس ماعيشك بدلال من قبل عشان تفقدين هالدلال بصراحة ، كنتي شاقية بعياله وغثاهم .. فـ ارتاحي الحين .. الله يطمن بالك يارب |
| مواقع النشر |
ضوابط المشاركة
|
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك
BB code متاحة
الابتسامات متاحة
كود [IMG] متاحة
كود HTML معطلة
|
العرض المتطور