سلام عليكم ورحمة الله وبركاتة

بعديا عن النيكنيم اللي ندمان عليه من زمان , نبدء موضوعنا
الصراحة ما افكر بزواج كثير , يعني كل ما فكر اقول ما عندي فلوس
يعني ودي بس ما اقدر .
بعدها جاني ابوي قال : سلام عليك يالشايب متى تتزوج تراك وصلت للـ (*2)

قلت له ما عندي فلوس ؟

قالي لك مني 60 الف واخوي قال لك مني 15 الف واخوي الثاني 2000 وخواتي قالوا اللى نقدر عليه يمكن 8000
والبنك التسليف 60 وعندي كم قرش بحساب وفي ناس من اقربائي قالوا ندعمك , الزبدة اني جمعت فلوس تزوجني مرتين يمكن

المشكلة وين كل شئ تمام !

المشكلة من امي

امي قالت مالي خص فيك , رح دور لنفسك بنت وتعال بعدين كلمني
لازم انت تعرف البنت وتشوفها "كيف ما ادري" هاذي عشرت عمر , مو بعدين تحملني اي مسؤولية اذا صارت بينك وبينها مشاكل

قلت شكلها مشغولة , ولا اثرت عليها المسلسلات اللي تشوفها اكلمها بعدين (:
جيتها بعد اسبوع ,اسبوع وكم يوم اسبوعين ناقشتها كم مره وهي مصرة على كلامها
حسيتها قويه ما تبي تغير رايها "شي عجيب"

قلتلها طيب قولي اممممم كيف اقول يعني قولي في بنت جيرانا السابع مثلا وانا اجمع باقي المعلومات عنها , يعني وجهني لكم بنت .
قالت : لاااااااااااا

كلمت البنات ردوا علي "مالنا خص فيك , رح دور لنفسك بنت وتعال بعدين كلمنا
لازم انت تعرف البنت وتشوفها "كيف ! مشكلتك ذي" هاذي عشرت عمر , مو بعدين تحملنا اي مسؤولية اذا صارت بينك وبينها مشاكل" , امي هكرت مخهم

الصراحة ما ادري هم صح ولا غلط ولا انا مضيع وتغير الزمان علي

في ملاحظات احب اذكرها , عشان يكون كل شئ واضح
1- ماعندي قريبات ,كلهم متزوجين
2-الحي اللي ساكن فيه , جديد انا فيه يمكن حوالي سنتين وما اعرف الا جيراني و امام المسجد يمكن
3-جيرانا ما عندهم بنات , تزوجوا والباقي قاصرات
4-الحي القديم اللي سكنت فيه الصراحة كلهم عوائل فخمه وانا انسان بسيط
5- خطابة , موضوع محير جدا , وماقدر عرفت شخص او قصة حيه عن شخص تزوج بهاذي الطريقة فلموضوع مربك


ان شاء الله مايكون موضوعي في قسم غلط , وتكون لهجتي واضحه
استنى مساعداتكم او توجيهاتكم وخبراتكم على حر من الجمر

دمتم بود