دبي توقفت فيها مرتين كل مرة تقريباً تسع ساعات كترنزيت
المهم رحت لدبي مول (رغم أن المولات لاتستهويني) وكلها متشابهة وليس فيها روح، وفوق هذا كله تشفط الجيب دون رحمة ، ولكن بما أنه أشهر معلم بجانب برج خليفة والنافورة الراقصة رحت له.

هناك مولات أخرى، أكيد البنات ماراح يقصرون بالنصايح فيها، لكن نصيحتي طبعاً هو فيها أسواق لدول مختلفة مثل السوق الصيني، وسوق عالمي، من خلاله تطلع عل بعض ثقافات العالم، هناك منتجعات وفنادق راقية وسعرها مناسب (أمس شيكت مع صديق لي وجدناها بين ال 180 الى 300 ريال) بشهر سبتمبر. ولو زرتها في آخر سبتمبر وأكتوبر وحتى نوفمبر وديسمبر وجانوري يكون احلى لأن الجو قريب للاعتدال، لأن الصيف شوي مرهق في نظري، وعند غيري طبعاً ممتع.

دبي مليئة بالأنشطة المتنوعة وترضي الاهتمامات المختلفة، ولكن نصيحتي التي جعلتني أرد عليك هنا هي أن تكتب ماترغب زيارته، أن تقرأ أكثر عن الأماكن، مثل تكتب في قوقل (وين أروح بدبي) وتطلع لك الكثير من الاقتراحات، وشوف اللي يناسب ذوقك واهتمامك وروح له، أيضاً اقترح تروح بسيارتك أفضل من الطيارة إذا صرت رايق مثلي وتحب تنقم فصفص وتاكل فستق وتشرب شاهي بالطريق وتشرب قهوة قبل ذلك مع تمر، رغم أني أعتقد أنك بمكة وهذا يصعب من المهمة لأن القيادة لمسافات طويلة خصوصاً إذا لم يصاحبها توقف مرهقة جداً.

توي أشوف المدة، أربع أيام جيدة بس بدون يوم الاقلاع ويوم الوصول
الميزانية كويسة مرة وتستطيع توفر منها
وبما أن المدة قليلة فالطيارة أنسب إن كنتَ من أهل الغربية، إما إذا من الوسط أو الشمال فالسيارة ميهب شينة.

__________________
ياصبحِ لاتِقبل !!
عط الليل من وقتك..