اولا اشكرك على ردك الجميل .. الله يسعدك يارب
المميزات والعيوب اللي فيه مثل اي انسان عادية جدا
واحب اذكر انه كان يقول انه سعيد معي ومرتاح وماتوقع انه بيتزوج وحدة نفسي
وبعد ماصارت المشكلة ( اللي سبب تدخلها الاهل) وبعد ماصريت انا على الطلاق ...
قالي انا بطلقك لكن مستحيل اتزوج غيرك ومستحيل القى مثلك
لكن انتي الله يوفقك باحسن مني وقالي انتي تزوجي وشوفي نصيبك
وانا ماراح اتزوج .....
وبعدها تطلقنا ومرت سنين بنكمل الان خمسة سنوات متطلقين ... )
وهو اسمع من الناس انه مايبي يتزوج
وفعلا الى الان لم يتزوج
مع ان بنات قرايبه يبونه وهو رفضهم
وهو قال لاخوي يوم جاء بيرجعني
انه ندم على الطلاق و قال هذاك الوقت ماقدرت اتفاهم بسبب المشاكل والضغوط


وحابه اعقب اخوي على كلامك اني اراسله واقول انني موافقة
هو خلاص قال الله يوفقها بغيري ؛ شلون ارسله بما انه انهى الموضوع
ابي مشورتك .... بما انك رجل
ويمكن تفهمه اكثر مني