موضوعك ليس بذلك المشكل الكبير، لأن أغلب الرجال حياتهم بهذه الطريقة، وجيد أن زوجك على أقل تقدير يشعر فيك والدليل حتى ولو يأخذك عشر دقايق حتى لو عن قولت ، ولكن الاحساس موجود
الحل هو في المصارحة والمواجهة، قولي اللي بقلبك، ترى أحياناً بعض الناس يغفلون ويتعودون على الرتم ولا يشعرون بالحرقة اللي انتي فيها، لذلك كلميه بكل صراحة، لابد احيانا من المواجهة لابد أن ترمي حجراً يحرك الماء الراكد.
متأكد أن هناك تغييرات ستحدث إذا تحركتي خصوصاً إذا كان خلوق وعنده ضمير

__________________
ياصبحِ لاتِقبل !!
عط الليل من وقتك..

مشكلتك مشكلة الكثيرات ملخصها او سببها الجفاف العاطفي بين الزوجين
كل واحد في صوب وبس يجمعهم سقف واحد.
كيف تتخلصين من هالشي بانج تشغلين نفسج..
بالدراسة او بالشغل.
لو هالشيين غير ممكنين انج تمارسين هوايتج بالبيت او تتعلمين شي مثل الاشغال اليدوية
دوري شي محتاج تفكير ومجهود ذهني.
اما بابنسبة لزوجك دوري شي هو يحبه وابدي انتي حبيه..يعني فيه ازواج يحبون الكوره طالعي وياه وتفاعلي بس مب تزعجينه
انا نفسي امر بين فترة والثانية بهالشعور احس مافيه شي يجمعنا غير الاكلة والشربه.
بس في النهاية اقول الحمدلله دام عيالي مبسوطين ماراح ازعزع استقرارهم بسبب افكار وردية تخطر في بالي.

لا ياحلوة ..ما أشوف انها جفاف عاطفي .. أنا ما أبغى كلام حلو أو غزل ! أبغى واحد في الوقت القصير اللي يجمعنا يكون باله معي مو يعد الوقت حتى يخلص ويروح للأشياء الثانية ! والمشكلة لما أحاول أدخل في هواياته مثلا المسلسلات ع أساس نشوف هالمسلسل في البيت ..في النهاية يروح يشوف كم حلقة قدام مع أصحابه لوحده !

الحمد لله أولا وآخرا ..بس هذي الحياة رح نعيشها مرة وحدة وأشوف إني شخص كويس وأستحق هالشيء ..

هنا المشكلة انه تعود
يعني انا مع الوقت للاسف صرت اقتنع ببعض النصائح اللي تقال لي سابقا اول ماتزوجت
اللي من نوعية لا تعوديه ع كذا وكذا ..افرضي وجودك ..الخ