باختصار ناقشيه في موضوع عدم رغبتك لإنجاب أطفال كثيرين
وتوقعاتي اذا كانت هذي اولوياته فهو من سيتركك

بتنازل لكن تنازل معقول ومايضرني
و احساسي يقول إني بلقى الرجل المناسب

شكرا لتواجدك

ماناقشته في هذا الموضوع
لأن أحس لو ناقشته يمكن يمثل علي انه اقتنع بكلامي و اللي أباه بيصير
ويتوقع انه بعد الزواج يقدر يغير رأيي
ويصير اصطدام ومشاكل

عموما موضوعه بالنسبة لي انتهى

خيال لا تحطين ببالك انها تنازلات.. بل ترتيب اولويات

ولا نحط ببالنا شخص كامل لأننا مش كاملين ولابد في منغصات

بشكل عام اعتقد كل بنت تحط المواصفات الضرورية اللي تهمها وماتقدر تستغني عنها بحيث تكون ماتتعدى 3-4

في بنات على سبيل المثال مستعدة تتحمل كل شي في سبيل انها تتزوج شخص فاحش الثراء فتستغني عن كونها زوجة وحيدة وتتجاهل عمره اذا كان كبير ومستواه التعليمي...الخ ولا تلتفت لهذي الامور

المستوى التعليمي جدا افهمك واتفهم اصرارك عليه لانه ضروري بالنسبة لي انا بعد وشخصيا تهمني التربية وبيئة العائلة هل هم متربين ببيئة تحترم المراة او لا؟... هالامور ماتهم بنات كثير لكن قاعدة اقول لك الامور الاختلافية عشان تقدرين تحددين الاشياء اللي ماتقدرين تستغنين عنها بعيدا عن كونه شخص كامل

بالنسبة للمادة اذا انتظرتي شخص بالمستوى التعليمي المطلوب بالتالي راح يكون عنده الحد الادنى انه يعيشك حياة كريمة على سبيل المثال

وهلم جرا

__________________

اختلافي عنك لا يعني اختلافي معك

كلامك يمثلني
فعلا يهمني المستوى التعليمي
وتهمني أيضا تربيته و بيئته اللي تربى فيها
ممكن اتنازل عن العمر لكن المستوى التعليمي صعب أتنازل عنه
إلا إذا شفت ثقافته و أفكاره أعلى من مستوى تعليمه
لأنه فيه أشخاص كذا .. أسلوبهم في الكلام وثقافتهم ووتفكيرهم وتخطيطهم للمستقبل وطريقة كتابتهم أعلى بكثير من مستوى تعليمهم .
لأنه بصراحة الرجل اللي تربى على أفكار معينه عن المرأة وإنها للاستمتاع و للإنجاب فقط
و تفكيره متحجر ماراح يتغير وراح أتعبه و يتعبني معاه

شكرا لتواجدك