مع انه متاخر بس بشارك
جميل طاقتك الايجابيه اسعد فتاه
ودورتي اجواء العيد داخل المستشفى
احس احيانا السعاده قرار
هالعيد كان جميل الحمدلله مع ان العموم مسافر الله يردهم سالمين غانمين
تعرفي عندنا العيد اذا صادف اجازه كثير يسافرون
مااحب السفر في عيد الا اذا سفر لزياره اقارب
بدا العيد بصلاه العيد ولانه عندي العذر
فكانت التجربه مختلفه قريب مايجوز تصلي بالمسجر
فاخذت كرسي وقعدت قدام المصلى اسمع الصلاه و الخطبه
وكان شعور غريب كاني استقبل المصلين
من دخل سلم علي وبارك لي بالعيد
بعد الصلاه لبست وكشخت طبعا جايبه اللبس من سفرتي
بالاضافه اني عايدت نفسي ولبست ذهب فانبسطت وانا البس هديتي لنفسي في يوم العيد
كل السناب كانوا يطبخون في ذبايحهم
ويطبخون كبده
غرت منهم وقلت لامي نبغى نصلح كبده وتغديناها
طبعا تقطيع اللحم وتوزيعه مالي علاقه فيه
ماادوخ من اللحم لكن مااحب
بعد صلاه العيد استقبلنا المعايدين
وعلى الظهر نمت لاني مواصله
وبالليل كشخت وجو المعايدين الجزء الثاني والعشا طبعا لحمه
واليوم الثاني كان الجزء الثالث من المعايدين وكان العشا لحمه
وانوقع اليوم الرابع او الثالث عزمت عيال اخويا على الغدا
جو جيرانا يباركون لنا بالعيد وغير التهاني بالجوال
بالاضافه لصواني الحلو وشوكلت العيد وترتيب البيت
وهكذا انتهى العيد السعيد الحمدلله يارب
بصراحه كنت دايم اذا شفت سنابات قريباتي وكيف هم مجتمعين بمكان واحد ازعل حبتين واغبطهم
اتمنى جمعتهم
لكن رد ميمويا خلاني احس بنعمه الاهل الحمدلله يارب
وان الكل بصحه وعافيه
الحمدلله