عزيزي ساري الليل
قرأت قصتك مع طليقتك من بدايتها صحيح انك اخطأت في بعض الامور وطليقتك رأت انك اهنت كرامتها لكن اعتذارك وتكرار الاعتذار ومحاولاتك العديده كافيه لرد اعتبارها ونسيان ما مضى لكنها عندما رأت اهتمامك بها زادت في مكابرتها لأنها لم ترى منك مثل هذا الاهتمام عندما كانت على ذمتك طوال السنوات الماضية هي مستمتعه بمحاولاتك وترضي كبريائها المجروح منك حتى زواجها من غيرك كي تثير اهتمامك وتعلقك بها ولا اقول انها تريد العودة لكنها مستمتعه بتعذيبك معها كما يوحي لها عقلها ومابنت عليه من تصور من خلال ترددك عليها الحل في نظري هو ان تتزوج وتعيش حياتك وهنا ستكون هي في صدمة كبيرة لأنها تتوقع انك لاتعيش بدونها تزوج من اجل نفسك وضع في حسبانك انك ربما تعيد طليقتك لأنها لن تستمر مع زوجها الحالي والله اعلم لأن زواجها ليس مبني على شيء سوى اغاضتك فقط هذا رأيي والله اعلم واتمنى لك حياة سعيدة |
لا تزيد المواجع خلني قد نسيت
لا تقلب بقلبي صفحة الذكريات انتهى الحب وانت من حياتي انتهيت كل منا تخير له طريق الحياة ما اريد اتذكر ماضي به شكيت منيتي بس انسى ما تعدى وفات لا ذكرتك حبيبي من فؤادي بكيت وامطر الدمع الاحمر وجنتي والشفات ليتني ما عرفتك ليتني ما هويت لا رسمتك في عيني اجمل الامنيات لا جعلت القصيده تبكي بكل بيت لا كتبت المشاعر من فؤاد وزاد اعتبرني محباً في غرامك وفيت ابـعـدتـه الليـالــي عن عيونك ومــات او مجرد خيالاً غاب عنك وسليت مر بالنوم واصبح في نهار الشتات بعد ما انته بغيري يا حبيبي رضيت ابتعد عن حياتي ما تفيد الاعذار اطلب الله بقربه يسعدك ما حييت واطلب الله لقلبي عنك صبر وسلاة الحمدلله على كل حال مرتااااااااااااااااااااااااح والله يعوضني بأحسن منها |
هالكلام مايوكل عيش وانا اخوك اترك هالاشعار وركز معي صحصح
انا توني مطلق زوجتي رابع أيام عيد الاضحى صارت بيننا مشكله وكبرت اكثر واكثر وفقدت اعصابي وكل واحد فينا يحس انه تحمل الثاني فوق طاقته وانفصلنا. قبلها بأسبوع كنا نقول احبك واموت فيك هههههههه نفسيا ما تأثرت يمكن لأني ماشعرت بالاستقرار ومع كثرة طلبها للطلاق توقعت حدوثه فعادي عندي وهي ماتأثرت ابدا كانها ماصدقت على الله حصل الطلاق وافتكت مني هههههه فيه مشكله بيننا وحلقة ضايعه عندي الآن بعض الخيارات للزواج مرة اخرى وهذي المرة ماراح انتظر سنة مثل أول لا بالكثير 3 شهور متملك و 3 شهور متزوج ان شاء الله اذا صلحت لي الانسانه اللي برتبط فيها حاليا مشغول يومي كله ماعندي وقت أفكر فيها او باللي صار اودي العيال للمدارس واروح للشغل اطلع من الشغل للبيت اذاكر للعيال ونخلص مذاكرة اكلم 2 من الشباب نروح للنادي النادي اقضيها تمارين وحديد وسباحه ارجع للبيت 9 ونص نتعشى وانوم العيال وانام انتهى اشغل وقتك وعيش ياعزيزي |
لي عن طليقتي 8 شهور ماشفتها ابد . ولا لي تواصل معاها .. ولا ابغى اتواصل معاها ومن يوم اخوها جاب زميله وتزوج طليقتي
معاد شفتها ابد . وخلاص بعد ان هي تزوجت طاحت من عيني وقلبي . وأرتحت نفسياً وكل من حولي قال هي اقدار والله يدبر الأمر . وارضى بما قسمه لك امس وأنا ماشي بسيارتي العصريه ورايح المكتبه وتعدتني سياره وطالعت في اليمين وأتضح ان طليقتي راكبه بالخلف وأنا تجاهلت الموضوع وأنا واصلت المشي ورايح للمكتبه ووقفت عند المكتبه وجاء أخوها ووقف بالسياره عند المكتبه وماانتبهو لي . وهي نزلت من السياره وماانتبهت لي . وشفتها ... اقسم بالذي رفع السماء وبسط الأرض اني بكيت .. بكيت من العِشرَه وهي 11 سنه عِشرَة عُمَر اللي كانت بيننا حب وإحترام . بكيت من الفراق اللي حصل بيننا بكيت وتذكرت احلى ايامي معاها بكيت لاني حبيتها بصدق بكيت وقلت في نفسي يمكن خيره .. انا تركت المكتبه ومشيت .. وأقول في نفسي يمكن خيره .. صحيح كرهتها كره العمى .. ولكن مانسيت احلى وأجمل ايام عمرنا قضيناها بالخير والشر .. موقف صعب يوصف .. الشاهد الله ان قلبي مثل الحجر مايلين الا بذكرالله . ولاني ضعيف .. لكن بكيت وأقول في نفسي الحمدلله يارب .راضي بما قسمته لي . وهي اقدار والله كاتبها .. والله يعوضني بأحسن منها . فمانعلم وين الخير . الله يعلم وأحكم وهو يعدل بين عباده . فالحمدلله . وأبشركم بأني قررت للزواج بشهر 7 السنه الجايه عام 1440 إن شاء الله . ولقيت عروسه معلمه تسوى الدنيا ومافيها وذات دين وحسب ونسب وجمال وأخلاق ومن بيت معروف والجميع يشهدلهم بالصلاح والخير والكرم والأخلاق . وهي متواصله مع اخواتي وتبغاني العروسه . انسانه طيبه.. وراضيه بأني راح آخذ اولادي ويعيشو معانا بالوقت اللي راح اخذ فيه اولادي ووافقت .. وأنا من فضل الله ومو مدح لنفسي . وسيم وشباب ووظيفه معروفه ورسميه . ومحافظ عالصلاه ولا ادخن ولاني حق خراب والحمدلله سمعتي طيبه . فرحم الله والدي اللي رباني على الطيب . اسأل الله سبحانه التوفيق والسداد .. والخيره فيما يختاره الله . ماتمنيت نفترق انا وطليقتي .. ولكن الحمدلله على كل حال . والله يسامحها ويسعدها .. ويوفق كل من في طريقه والشاهد الله انه مقدر ومكتوب |
مواقع النشر |
ضوابط المشاركة |
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك
BB code متاحة
الابتسامات متاحة
كود [IMG] متاحة
كود HTML معطلة
|