رد: طليقتي تزوجت
صدقني أخوي مستحيل تكون طليقتك سعيده 100% بوضعها الحالي
خاصة انها داخله على شريكه ،، وين وضعها قبل عن وضعها الحين
وشوفت عينك أخوها وداها للمكتبه مو زوجها
من وجهة نظري والعلم عند الله
زواجها تم بشكل سريع ومو مدروس يعطيك انطباع انها تبي فقط تتزوج عشان تحس انها انتصرت عليك
خاصة انها شالت الحضر عنك لفتره يوم تزوجت
كانت تتوقع منك رسالة وقتها بس عشان يزداد شعورها بالانتصار
وكلام أخوها لك ان ما يبيك تروح لبيتها الجديد
يحسبونك بتخرب عليها زواجها لأنك استمت بلم شمل أسرتكم
ما دروا انها بفعلتها هذي خربت على نفسها أي خيط أمل برجعتها لك
بما انك انسان فمن الطبيعي تحس بتقلبات في مشاعرك
والزمن يداوي الجروح صدقني
بتلقى فترات الحزن تجيك بين فتره وفتره لكن بتكون بشكل متباعد أكثر وأكثر ومدتها بتقل كل مره عن الثانية
واللي عليك انك تعيش لحظة الحزن ولا تكتم في نفسك على الأقل فضفض هنا
وحاول تطرد أفكار الماضي بالتخطيط للمستقبل
وفقك الله لما يحبه ويرضاه
24-10-2017, 08:59 PM
ضوابط المشاركة
العرض الشجري