المشاركة الأصلية كتبت بواسطة بسمة 111

لا بصراحة مهم يكون لك بيت مستقل فيك
حاولي مع زوجك ان يكون لك على الاقل
شقة منفصلة بنفس البيت
وبكذا تكونو مع بعض بنفسك البيت
وبنفس الوقت لك مكان مستقل فيك

المشاركة الأصلية كتبت بواسطة شاعرة الاحساس

انا وانتي نفهم ونعرف هالشي لكن هم وش يفهمهم
المفروض الواحد من نفسه يحس ويعرف ان كل متزوج يستقر ف بيت بروحه
لانه خلاص كون اسره وظروفه سمحتله
لكن الله كريم

المشاركة الأصلية كتبت بواسطة إستنكار

قبل كنت اقول
لكن الان اتفهم جدا حاجة الاباء لابناءهم بعد الزواج
ينجبون و يربون و ينفقون و بيوم كل واحد يروح برا و تبقى لهم الوحدة !!!
هذا حق من حقوقهم وهم اولى به وهم امه و ابوه من قبل يتزوج
نفس الشي انا اريد حريتي فالبيت اريد اتحرر واخذ راحتي نحن ما نقطعهم ولا نبعد عنهم وايد ونخاف ربنا ف عقوقهم وبنفس الشي هم م بروحهم في اخو زوجي معهم
لكن مسأله ان اخوه ينام جنبكم بالغرفة لا غلط
هم ما قصدهم بنفس الغرفه قصدهم ف نفس القسم يعني انا وش استفدت اذا طلعت بروحي قسم واخو زوجي معنا
من حقك قسم مستقل بنفس البيت وهذا يقدر زوجك يسويه 😊
يعني تتوزع الحقوق و يؤدى حقهم دون ان يطغى حق على حق
وبكذا تبقى لك خصوصيتك و اهله يصير ابنهم واحفادهم يدخلون و يطلعون عليهم

المشاركة الأصلية كتبت بواسطة شاعرة الاحساس

هم م يبون ان نتقسم يبونا ف بيت واحد مشترك لاني انا قلتلهم فكرتي نكون مثل الشقق احنا فوق وهم تحت قالو خلو اخو زوجك معكم ليششش عيل نحن عازلين قلت لزوجي نشتري توين واحد لهم واحد لنا رفضوا يبون بيت واحد يعني الافضل انهم يظلو ف بيتهم معززين مكرمين ونحن نجيهم نزورهم وبنام معهم لكن بس زيارات
وعمي وعمتي لسه شباب لهم حياتهم واشغالهم وسياراتهم يعني مب كبار عشان يحتاجوا مداراه عمتي تشتغل وعمي يشتغل

المشاركة الأصلية كتبت بواسطة إستنكار

مو عن مداراة ،، يبون ولدهم معهم ويبون حسه في البيت طالع داخل من نفس الباب
مايبون كل من فضى جاهم زيارة ،
بس انتي اضمني لك قسم مستقل
وترى الكبار نور البيت والله يؤلف بين قلوبكم 💕

المشاركة الأصلية كتبت بواسطة om omar78

لا أشجع على السكن المشترك..اذكر اني قرأت عن الخليفة عمر بن الخطاب لما صار يأتيه الكثير من الخلافات بسبب المجاورة بين الأقارب أنه كتب إلى احد الأمراء هذه المقولة الرائعة ( قل لذوي القربى أن تزاوروا ولا تجاوروا). يعني لا تقطعون الزيارة اما المجاورة الدائمة فتسبب الكثير من المشاكل...عليك بكثرة الاستغفار جربتها تفتح لك أبواب ما تخطر لك على بال. الله يصبرك ويعينك

المشاركة الأصلية كتبت بواسطة شاعرة الاحساس

للاسف عمي لحاله يقول لاهله زاورهم ولا تجاورهم يعني بروحه يعرف هالمقوله وهوه طلع من بيت اهله واستقل ف بيت بروحه قبل لا يصير معه اولاد طلعو هوه وعمتي ف بيت بروحهم وعاشو لحاله واستقروا والحين نحن ما حاصل لنا هالشي ههه