تدرين ودي اسجل مقطع صوتي واتكلم واتكلم واتكلم من كل قلبي 😂
عارفة ليه ؟ لان اللي مريتي بالضببببط انا مريت فيه 👌🏻

عارفة ايش الحل ؟ الحل ببساطة انك تتنفسييييييين شوي بعيد عن المسؤوليات ..
طيعي شوري وقدمي ع خدامه تكون كبيرة بالعمر وثقة للاطفال + جيبي كاميرا مراقبه وثبتيها ع الجدار وخلي الخدامه تشوفها بعد 👌🏻
وانتي تراقبين عيالك بالكاميرا اون لاين بجوالك تشوفين كل شيء بوضووووح تام وتقدرين حتى تتكلمين معاهم وتعطين الخدامة اقتراحات وتنبيهات 😂👌🏻

عارفة انهم جوا بعد تعب وعارفة انك ماتصبرين عنهم لكن هذي الحياة وصدقيني بتخفين كثيررر بعد ما تنفصلين شووي عنهم .

انتي عاقلة وحكيمة واتذكر كلامك بالمنتدى ونصائحك تبين رجاحة عقلك فماله داعي اني انا انصحك وانتي الخبيرة عن حق الوالد وحق الزوج ، خلك وسط وامسكي العصا من النص وعطي كل ذي حق حقه .

- بعد الاربع اشهر تروح متلازمة موت الرضّع ، فما فيه شيء تخافين منه ان شاءالله لو ناموا بعيد عنك !
- والبطانية اشتري من نكست او من ماماز اند باباز اكياس نوم تكون مررررة متييييينة وتدفيهم ومستحيل ينخنقون منها .

تدرين عاد اعرف واحدة تحمل وتنجب ويموتون بعد الولادة كم مرة .. وانجبت بننت وحدة بعد سنيييييين
وتخاف عليها من نسمة الهواء ، لمن تدرين وش سوت ؟
جابت خدامة متدربة وكاميرا .. والبنت ماااتطلع من غرفتها ابد خصوصا بالبرد تخليها هي والخدامة اما الام تروح دوامها وتروح زياراتها وهي مرتااحة وتراقب بنتها بالجوال
لحد ماكبرت البنت وقوت مناعتها وصارت تستمع بالزيارات 👌🏻


حاجة ثانية جت ببالي ، قد يكون اكتئاب نفاس اللي معاك واستمر ، لان احيانا يجي الاكتئاب على شكل قلق وخوف .

اما بخصوص زوجك من رأيي عالجي السبب وليس ردة الفعل .. ولو عالجتي السبب بيرجع زي ماكان واحسن ان شاءالله ..

طيعي شوري وتوكلي على الله واستودعي اطفالكل يوم وحافظي على الورد اليومي ،
وروحي للمشغل قصي وتعدلي وسوي مساج ودلعي عمرك .. وقوليله يحجز بالويك اند باوتيل راقي بس انتي وهو .. جددوا حياتكم وروقوا واستمتعوا ومنها تكونين قريبة من عيالك بنفس المدينة لو صار شيء لا سمح الله واكيد مارح يصير شيء ..

العيال اضافة حلوة وجميلة بحياتك لكن لا تكونين عايشة لهم هذا موت بطيء .. مارسي حياتك واستمتعي بامومتك واستمتعي مع زوجك واستمتعي مع طالباتك واستمتعي ببرك بوالديك ❤

تمنياتي لك بحياة سعيدة واطفال سعداء بارين يارب

__________________
سبحان الله وبحمده ، سبحان الله العظيم

هلا غاده
مايحتاج تسجلين مقطع صوتي ردك لامس قلبي وحسيته طالع من قلبك
خدامتي زينه مره وكاميرات عندي مركبتهم نص حملي قبل أجيب شغاله حتى

والمشغل أبشرك يجوني البيت خدمات المساج بيوتي والهوم بيوتي ماتقصر
يعني مافيه أمل أطلع من البيت

إكتئاب النفاس ما اعتقد لأني الحمدلله مافيني اكتئاب ولا كرهته ولا كرهت أحد
بس كل مافي الأمر إن فيه فرق بين الشي السهل ياغاده والشي الصعب
بين اللي يجيك عادي واللي تتعبين وتخسرين كثير لين يجيك
أما وسواس الخوف صراحة يمكنه فعلا فيني
أقولك شي بس لا تنصدمين ! أحيان إذا واحد منهم طوّل في النومه أجيه أصحيه اخاف صار فيه شي بعدين اندم اني خربت عليه
وأحيان وهم نايمين اقرب واجد بشوف يتنفسون ويتحركون 😭


أنا مستمتعه فيهم وبوجودهم بس أحتاج وقت عشان أرتب وضعي شوي
اللحين مشكلتي مع الدوام لو عاندت ومارجعت ادري باسه قوي ولانيب خالصه
لكن فعلا خطأ عظيم اني اداوم الآن حتى الطالبات مالهم ذنب اجيهم وانا بهالحالة

__________________
﴿رَبِّ إِنِّي لِمَا أَنْزَلْتَ إِلَيَّ مِنْ خَيْرٍ فَقِيرٌ﴾

‏هُنا دلال ، حيثُ نجد وحيثُ الشمال

ياعمررري الف مبروووك
والله يخليهم لكم ويبرون فيكم
بس حركاتك نفس حركاتي اشوف يتنفس و لا اتفزفز من نومي اشوفهم 😂
معليش المسؤوليه و فطره من ربي
والحرص الزائد كله عادي على قولة امي و اخواتي لانهم الاول
لاتهملينهم بس بعد مو تحبسين نفسك
انا زوجي تغير بعد بعده
وابتعد عني وصار كان فيه كهرباء مني استغربت جدا وكان يستفزني وانا صح واحد لكن ربي يصلحه بكااااي مررره يبي بس اشيله الله يحفظه ويصلحه
بس اشوف بردودك عليه شوي قاسيه
ترا كل الرجال باول طفل يغارون ومايعجبه التغير خاصه انك كنتي معطيته اهتمام زايد هو فقده ويخاول يسترجعه
طمنيه بس طمنيه انك تحتاجين وقت عشان تعرفين لهم
مو تقولين انت ماتدري وانت وانت
انا عشت نفس الكلام لدرجه كان يقول لي وانا تعبانه لانوم ولا راحه انتي اللي بغيتي هالشي <يقصد الطفل بهالوقت
وكنت اقول بنفسي بكره يكبر ونشوف من يبي مين
وفعلا ماصار عمره 5شهور ويتفاعل معه تغيررر زوجي معه ومعي الحمدلله
وتعلق فيه على استحيا
انتي لاتكرهينه فيهم باهتمامك فيهم واهماله سددي وقاربي
انتبهي ابوك مايصير تزعلينه خذي خدامتك وعيالك وزوريهم وش بيصير يعني !
خوفك مبالغ فيه .. ربي اذا كاتب شي بيصير لو انه بين يديك
فتوكلي على الله واستودعيهم اياه وعيشي وعيشيهم خلي ابوك يفرح فيهم صوريهم معهم خلي زوجك يحس انهم عياله مو ضره
انتي انتي تذكري ان لنفسك حق
ابوك اوصليه وفرحيه بعيالك ليه موزيتهم ..
ربي يفرحك فيهم ويصلح مابينكم

__________________
..
‏اللهم يا ولي نعمتي وياملاذ كربتي إكفني ماأهمني ومالم يهمني،واجعل كل ما أخاف وأحذر برد وسلاما كما جعلت النار برد وسلاما على سيدنا إبراهيم .. تولني في من توليت وبارك لي في ما اعطيت وقني شر ما قضيت انك تقضي ولا يقضى عليك..

__________________
اللهم اني استودعك اولادي وبناتي دينهم وآمانتهم اللهم جنبهم الخمر والمسكرات والمخدرات والزنا واللواط والفتن ماظهر منها وما بطن يامن لاتضيع ودائعه