استقباله لي كان جميل < ماتوقعته
دار بييننا الحوار التالي :
هو : فليكا ايش زعلك بالضبط عشان سافرت ؟ طيب انا قلت لك تعالي معي
بعدين عرضت عليك لما رحت انى احجز لك و تلحقينى هناك ورفضتى
انا : انت سافرت شهر كامل وتركتنى ..
هو : بتجننينى انتى ، تدري اني شايف نفسي حنون جدا اني مااجبرتك تجي اجباراً
سكت و انا ساكته ، ثم كمل : رغم حاجتي لك هناك
وتركتك على راحتك ..
انا : مشكور لحنيتك ..
هو : جد فليكا " بعصبية " انا مراعيك لااخر درجة وانتى مستغله هالشيء
قولي ايش زعلك بالضبط .. انى ماخليتك تروحين مع " فلانه" تسافرين
انا ؛ مو هذا السبب بالضبط ..
اللي زعلنى انك مو حاسب لي حساب و لا قيمة و لا خاطر عندك
هو : لك خاطر وقيمتك غالية و لك غلا فوق ماتتصورين
بس انتى فيك دلع وعناد فضيع < زي ماقال ابوك <<< لاحظ هنا هذا كلام ابوي. !! تحريض مدرى ايش اسميه !!
انا : ابوي المفروض ماتدخله بيننا ..
هو : فليكا لا تغيرين الموضوع
ايش طلباتك بالضبط الان ؟
تبغين نسافر تغيري جو !
انا : لا ولا يهمنى السفر اصلا
هو : طيب ايش فيك الحين ليش منكده علينا اجل
انا : انت قلت وقت الخطوبه " قبل العقد " انك انسان متفهم و انك ماعندك تشدد
وان ماراح تمنعنى من شيء لمصلحتى .. وقلت لك نجرب اول سنه وً نشوف نصلح مع بعص او لا
هو : " بعصبيه وصوته ارتفع " صاحية انتي صاحية
انا : ايش فيك ولا تجلس تصارخ كذا
هو : بصارخ و بكسر راسك و بربيك من اول وجديد
انا : مره ثانيه لا تسالني ايش فيك و انت ماتبغى تعرف ايش فينى ولا تبغي تسمع
هو : منعني اطلع و بعصبيه شد يدي قال اجلسي ماخلصنا الكلام
انتى الحين من كل عقلك تبغينا نتطلق !!!
ووش الكلام اللى انا وعدتك فيه و خالفته !! انا وعدتك اتركك سردح مردح مع فلانه و علانه
وعدتك اشوفك تتفصخين قدام خلق الله و تكلمين هذا و هذاك < للحين يصارخ >
صورة انا قدامك !! صورة ولا شايفتنى .....( كلمة مشفرة )
ودام هذا كلامك اجل هذي العلم الزين : سيارة ماراح تسوقينها وانا حي
و سفر والله لو بتموتين ماخليتك تسافرين وانا مو معك حتى اخوك ماعاد فيه سفر معه
وطلعه على الفاضي و المليان مافيه ..
انا : اجل احنا مانصلح لبعض جد ... وهذا الكلام مو علي
هو : عليك و غصب عنك و الدلع الماسخ ماهو عندي
طلعت انا من الغرفه .. كان الوقت المغرب
بعد العشا جهزوا العشا و جت الشغاله مدام يقول بابا تعالي تعشي < كل يتحكم فيه
ماجيت وطنشنى و تعشى هو و جاء يشوف مباراه
ولا وصلنا لحل وسط ..


" بتصريف بعض العبارات للخصوصية "

طيب ..
اذا ما صلحتوا مع بعض أول سنه وش الحل بتطلبي الطلاق ولا بتخلعيه اذا رفض يطلقك ؟
وبعدين هل بتجربي غيره لمدة سنه واذا ما صلحتوا لبعض بتتركون بعض ؟
وكم مره ناويه تجربي ؟

__________________

ماتفرق طلاق او خلع. النتيجة وحده
كم مره اجرب ! لاتسالنى عن شيء في علم الغيب

على فكرة لو كل الناس سووا كذا ماشفنا ضحايا كثيرة

لو كل الناس سووا كذا كان ما انعمرت بيوت وما عاش أحد مع أحد إلا ما ندر
لا تبحثي عن أي شي في الحياة بالمسطره والقلم .. ولا بتعيشي وتموتي وحيده
هي حياة دنيا كل شي فيها فاني وناقص

__________________

شكراً لنصيحتك ..