__________________

لا ماابي أحد يعبي رأسي على زوجي .. بس اللي أشوفه إنه عاجبته الجلسة ومرتاح بدل يدور شغل ويشتغل .. عاجبه إنه يأكل ويشرب ويصرف من حسابي .. هذا إللي أشوفه .. في كذا شغله ممكن يسويها أقلها يجلس على اللاب ويسوي تحديث للي يبي ويجيه مبلغ مو بطال ... بس هو مرتاح من وضعه .. اليوم أرسلت له على الواتس إلى متى بيظل هالوضع شكله عاجبك .. حظرني وكمل يومه على مواقع التواصل ويشوف تلفزيون وأنا احترق من جوه .. بصراحة هالوضع أبدا مو عاجبني

انتبهي لاتخربين بيتك بكثر الحنّه

انتي ماقصرتي والله يجزاكِ خير ، بس مو كل شوي تزنين عليه دور شغلدور شغل

معروف الرجال ماتعطينهم اقتراحات مباشره ،، خلاص هو فاهم فكرتك عطيه 70 عذر لقعدته

لاتصيرين انتي والدنيا عليه

الرجال قاعد في امان عليه لاتلحقينه برسايل مالها معنى الا انها تشعره بالعجز والنقص والمنّه ،
لاتقولين انا ماامن عليه يكفي شكلك اذا انتي مقابلته معصبه ومتنرفزه ولا الومك
بس قلت بك لاتصيرين انتي والدنيا عليه ، بس عليك تذكيره بالصلاة والاستغفار وبيرزقكم ربي سبحانه

اتوقع انتي عندك فراغ عاطفي
ويمكن تنتظرين منه الشكر ومالقيتيه ،، خلي صرفك بنية الاجر من الله

لان كل عطاء وله حد الا عطاء وراه احتساب اجر لايتوقف لكن يكون بوعي .


اقولك كلامي هذا لان لي صديقه مرت بنفس تجربتك ،، وكانت 24 ساعه ازعاج وانت ماتجيب وانت ماتسوي (( لا الومها للضائقه الماليه اللي عصفت فيهم وزوجها اصلاً فصلته جهة عمله للتخفيف من المصاريف ))
النهايه كانت رايحه بيت اهلها ولنا رجعت لبيتها بتاخذ اوراق تخص ولدها ( وهي وعلى على بالهاترجع ) اكتشفت ان زوجها جاهز لطلاقها ،، واتصلت علي تبكي ...
طيب انتي بالاول ذليتيه بانك صابره عليه خلاص خليه يطلق ويرتاح منك ومن حنّتك ؟؟! طبعا ماقلت لها هالكلام
بس قلت لها لو اخوي ماراح اقوله طلّق !! لكن ايضاً مااقوله لاتطلق !! <<< وطبعا كلامي لاني اخشى من تبعات حديث لعن الله من خبب امرأه على زوجها ولعن الله من خبب رجل على زوجته بما معنى الحديث .


الخلاصه احياناً امور صغيره توصل لمصيبه كبيره

حتى لو قلتي مايهمني لو اتطلق !!
بقولك عالاقل صيري البلسم لزوجك ،، واصبري والصبر اجره بلا حساب
حاولي تكسبينه وتخلينه يحبك بعيداً عن مو ضوع الماديات والزن والازعاج ،،،
وكل ماضقتي تعوذي من ابليس وصلي ركعتين بهدوء او اقري قرآن بالذات سورة البقره ،،، وتأكدي لاراح يسب ولا يشتم ،، بالعكس بيحس على دمه .


وربي يعينك ويصبرك

لمتى طيب تاكلي بنفسك ..

لا تنتظري منه التغيير ..