أختي الي أصغر مني تزوجت قبلي قبل 4 سنوات
وكان عمري وقتها 30 أو 29
وهي أصغر مني ب4 سنوات يعني كان عمرها بالعشرينيات ..
والان عندها طفلتين الله يحفظهم
وأنا للان ماتزوجت ..
فرحت لها وقتها وشاركتها كل تفاصيل زواجها ..
والان بساعدها في بناتها ..
و أبدًا مازعلت لأنها تزوجت قبلي لأنه في العائلة عندنا مافيه الكبيرة تتزوج قبل، اللي يجيها نصيبها تروح .. أما بالنسبة للمجتمع مافتحت أذني لأحد و لا همني كلام أحد .. يمكن عشان حاطة ببالي شيء واحد : إنه الزواج رزق وماله دخل لا بجمال ولا غيره !
مو لأنها تزوجت قبل يعني إنها أجمل مني ولا أحسن مني ولا انا أحسن منها وأكبر و المفروض أتزوج قبلها ، لا أبدًا هو رزق ونصيب وكانت هي قبلي وبس !