رد: محتارة اعمل ايه ممكن تساعد
لا حول ولا قوة إلا بالله
تنازل ايه وخيبه ايه
هو انتى طلبت يكتب
الشقة باسمك او يعمل
لك وديعه بنص مليون
ولعلمك ده من حقك
لو كان التقصير بس
فى موضوع الشغل
وفتح البيت
ولكن مصيبة انه مقصر من
كل الجوانب
هو انت من ست ولك احتياجات
عاطفيه ورغبات لازم يلبيها لك
معلش يا بنتى انا مكنتش
عاوز اتكلم فى الجانب ده
بس ده معذرة عبيط واللى
بيستعبط معلش اسف
هو اللى بيعمله ده تصرفات
راجل طبيعى وكمان شاب
سبحان ربى العظيم
انت انثى ولك احتياجات وفى
عز شبابك ولو مكنش زوجك
اللى يلبى لك احتياجاتك
هتروحى فين
لولا انك على دبن وخلق
ومن بيت اصل كان زمانك
رحت فى طريق تانى خالص
وحتى لو هو نجح وجعلك
تزهدى فيما هو شرع الله
اليس من حقك ان تكونى ام
ولك اطفال باذن الله تعالى يملىء
عليك حياتك ويكون لك السند
باذن الله تعالى
وبعدين اكل ايه اللى بيتكلم
عنه هو انت مش هتلاقى رغيف
العيش والجبنة والبيص فى
بيت اهلك
واللى انتى عايشة معاه علشان
مش هتعرفى تشتغلى وتاكلى
نفسك
ده فعلا انسان مريض ومش
طبيعى ابدا ابدا
زى ما قلت لك ابنتى الكريمة
هو عاوز خدامة
ومش بس خدامه ده خدامة
وطباخة وغساله وكل ده ببلاش
ده اقل شغاله اليوم بتاخد
فى اليوم من 300-500 جنية
وزيهم للطباخة وووو
ده عايش فى الوهم
وبعدين يعنى ايه اهلك
من هينفعوك
امال هو اللى هينفعك
اللى عاوز ياكل كل حقوقك
حتى لو فى طلاق فين حقك
من خدمة واستمتاعه بك
عشر سنوات
لا حول ولا قوة إلا بالله
اولا النافع والضار هو الله
تبارك وتعالى
وليس اهلك
ثانيا هو جاهل ومش عارف
فضل الله الواسع
قال سبحانه وتعالي
يغن الله كلا من سعة
هو ناسى انت مين
وانك فى عز شبابك
بسم الله ماشاء الله
لا قوة إلا بالله
وزى ما بيقولوا
حسب ونسب وجمال
ومليون يتمناك بس
ملكة معززة مكرمة
ويحطها على راسه
هو اللى زيك يا غاليه
موجود اليوم
يروح يشوف الستات بتعمل
ايه نسأل الله العفوا والعافية
ربى يستر على نساء المسلمين
واللى يشوف الستات لو جوزها
قصر فى العلاقة واللى عنده
شوية ضعف
مش بتفضحه عند اهلها واهله
لا على العلن فى وسائل
التواصل وبكل عين بجحة
خلاص يا بنتى هو حر
وقدر الله وما شاء فعل
واحنا عملنا اللى علينا
وزيادة وهو اللى بايع
لو سمحتى اقطعى
كلامك معاه
والكلام يبقى مع الرجاله
وكفاية نفسيتك اللى دمرها
واللى محتاجة شهور علشان
ترجعى لطبيعتك
اكثرى من حسبنا الله ونعم الوكيل
وآفوض آمرى إلى الله ان الله بصير بالعباد
لو سمحتى ضمنى
عنك اول باول ان شاء الله
أستودعك الله ألذى
لا تضيع ودائعه
__________________
قال الله تعالى
فَقُلْتُ اسْتَغْفِرُوا رَبَّكُمْ إِنَّهُ كَانَ غَفَّاراً {10}
يُرْسِلِ السَّمَاء عَلَيْكُم مِّدْرَاراً {11} وَيُمْدِدْكُمْ بِأَمْوَالٍ
وَبَنِينَ وَيَجْعَل لَّكُمْ جَنَّاتٍ وَيَجْعَل لَّكُمْ أَنْهَاراً {12}
17-12-2021, 07:04 AM
ضوابط المشاركة
العرض الشجري