الاخت مريم ماشاء الله عليها ماتركت لي شي


فقط حبيت اظيف انه ما تزعزعين ثقتك بنفسك
ربما زوجك يمر بظروف ماحب يقولك لان نفسية الانسان كالتضريس مرتفعات ومنخفضات كل يوم هو في حال


وماعجبتني يوم قلتي يعاقبني
ما احد يعاقب احد وان كان لابد يصير فانت الي تعاقبيه بعدم القرب مو هو
لانه لويرغب يجي مارغب فلانه عنده شى
واحسني النية في هذا الشئ ربما اثار الكرونا او التلقيح وغيرها


الله يصلح حالكم

للاسف حتى انا ماعجبني اقولها
بس هو قالها بلسانه قبل كنت اعاقبك لمدة 6 شهور 😂 مستوعبة!!
انا ازعل 6 دقايق وانسى اني زعلانه واتكلم معاه
وهو ست شهور !!
ياساتر


انا ثقتي تزلزلت مو بس اهتزت
كنت احوم وادور حول نفسي
احس بالاحباط
واحس بالغبنة ومشاعر كثيرة .
بس الفكرة الاهم كانت اني ابغى اعرف وافهم.
ما احب الاشياء المتكدسة وظاهريا وضعها ممتاز
توترني
ما اقدر

__________________
سبحان الله وبحمده ، سبحان الله العظيم

زوجي فيه طبع مرة مرة صعب ومتعبني واحيانا احس بوصل للنهاية معاه بسبب هالطبع.
هو الغضب المفاجئ
لما يغضب يطلّع غضبه بنفس اللحظة ويرتاح هو بعدين
بس اللي معاه لا .
يعني مايراعي الجو العام مايراعي المناسبات الظروف .. الخ
لا ابدًا

احيانًا نكون طالعين مطعم انا وهو لوحدنا
فجاة يهاوش على موضوع بسيط
يقول كنت معصب وخلاص لا تكبرينها
بس انا نكّد علي !!وخرب جوي

ودايما كذا بكل سفرة له بصمة
وباكثر الطلعات بصمته موجودة.
واحاول. قد قد ما اقدر اتحاشى واتحمل .


لما رجع من السفر
من بكره صار موقف الشباك ، لما دخل للغرفة وحصلني فاتحة الشباك
جلس يهاوش مررة
وانا كنت حرفيا حرفيا مشاعري بالحضيض
الحين لنا اسبوع عن بعض وبعد ثلاث ساعات ماقدرت تمسك نفسك!!
طبعا صرت اتحاشاه واسوي شغلي ولا اجلس معاه
ولما ناموا الاطفال تكلمت معاه
قال انتي مكبرة الموضوع !
قلت لا مو مكبرة انت حرفيا فشلتني توك جاي ورايحة اناديك للغرفة تشوف لبسي اللي انت مشتريه لي
كذا تقوم تهزءني
طيب احشم الملابس الجديدة ع الاقل 😂
ويردد لاتكبرين خلاص مايسوى الموضوع!! تبكين عشان هالموضوع التافه؟!!

بكى ولدي ورحت له لما رجعت حصلت زوجي طالع
وانا رحت انام عشان دوامي مبكر.

ورجعت ومشينا طبيعي.


لما صار موقف الحضن الصباح وصحينا وطلعنا الصالة
انا اخذت ميزان الجسم من الدولاب وقست وزني
ورجعته مكانه .

صحى هو وجاء عندي يصرخ انتي اخذتي الميزان ؟
قلت ايوه
قال مرة ثانية تاخذينه ترجعينه لمكانه! بصراخ .
قلت طيب رجعته مكانه !
واقوم بسرعة بشوف لاني متاكدة اني مرجعته

لما وصلت للدولاب قلت شوفه بالدولاب
قال تستهبلين رجعيه زي ماكان واقف ماتحطينه بالدرج منسدح ويغطي ع شرّابي 😂 ؟!!
وتراك تسوينها كل مرة .

قلت طيب سوري ، وعدلته زي ما يبي .
قلت طيب نغير مكانه .. قال بهواش لا مكانه زي ماخترته !!!
قلت طيب اوكي .

قسم بالله هذا الحوار اللي صار 🙂 حرفيا .
وانا صرت ما اعرف هل المشكلة فيني انا او فيه هو .
يقول لازم اعيد عليك الكلام كثير .
وتروحين وتسوين نفس الاخطاء ! تعانديني ؟!!
قلت ما اعاند بس اكون ناسية
ولمّح الى اني اعاني من مشكلة بالنسيان . 😂

انا ما اعرف هل الوضع طبيعي لما يكون الزوج دقيق جدا نفس وضعي
وانا اكون انسى .. لاني ام لاطفال وموظفة وعندي مسؤوليات لراسي !

انا ما عندي اخوان
لكن مثلا اشوف ابوي ، عمره مادقق باي شيء بالبيت
امي تسوي كل شيء
من ترتيب وتنظيم ونظام .
مع ان شخصيته قوية بس مايدخل نفسه بالتفاصيل.

زوجي لا ، تفاصيل التفاصيل ، ولو نسيت منها شيء
طلعت انا وحدة من ثنتين
اما اعانده واحط راسي براسه.
او اني فاهية وعقلي مو معاي .


طبعا المهم بعد الموقف هذا اقسسسم بالله العظيم اني ماحسيت بولا شيء
ولا شعور
يعني توني صاحية ويصير هالموقف اللي مايسوى ويصير قدام الاطفال .
ردة فعلي ولا شيء
ولا زعلت ولا تأثرت واول كنت تبدا دموعي تنزل غصب عني
المرة هذي انواع التبلد
رجع سالته عن الغداء
قال ابغى ساندوتش
سويتها زي ما يبغى
وحطيت الاكل واشغل التيفي نتفرج
حرفيا مشاعري كانت زيرو .

وانا احس ان هالشيء مو صحي ولا طبيعي ولا مؤشر مبشر .

__________________
سبحان الله وبحمده ، سبحان الله العظيم

هذا هو المطلوب

__________________

اتهزأ وأسكت؟

__________________
سبحان الله وبحمده ، سبحان الله العظيم

__________________

فهمت عليك ..

طيب ، اذا سمح لك وقتك هل عندك تعليق بخصوص المشاركات الاولى ؟
هل تحس - كونك رجل- الوضع مريب او انا شكاكة وموسوسة؟

__________________
سبحان الله وبحمده ، سبحان الله العظيم

__________________

بصراحة اني اتعامل بندية مع زوجي
ودايما اقارن نفسي فيه واحس اننا متساوين
مع اني احيانا اخضع واطيعه .. لكن بالغالب انا فعلا حاطة راسي براسه .

__________________
سبحان الله وبحمده ، سبحان الله العظيم

امس المساء سألني زوجي عن محل مجوهرات احبه جدا ودايما امدح القطع اللي عنده انها مميزة.
طلع له اعلان تيك توك عن عقد اكسسوار ، لفّ الجوال علي قال شوفي هذا يصلح من محلك اللي تحبينه.. هو ايش اسمه؟؟

قلت لا هذا واضح اكسسوار ، قال طيب وش اسم المحل ..
قلت له اسمه .
وسكتنا


قبل النوم برضو لما جينا ننام انفتح الموضوع
ووقتها كنت فاتحة السناب ، فتحت سناب المخل ووريت زوجي قطعة من قطعهم قلت شوف كيف صفاوة الألماس عندهم
وتحمس مسك الجوال بدأ يشوف قطعهم كلها ويشوف الاسعار
بعدين سأل عن موقعهم وين بالضبط ؟!

سالته بضحكة ناوي تشتري لي هدية منهم؟
مارد علي 🙂 وضيّع السالفة.

طبعا ذكرى زواجنا القادمة سألني ايش تبغين وانا قلت له ايش ابغى. مو مجوهرات 🙂

ومن امس وانا قلبي شاااك
مو متطمنة
فيه شيء مريب بالموضوع

يالله مسكت نفسي مااصريت اعرف ..
والحين مقهورة

لمين بيشتري بالضبط!
مستحيل لي ، لانو مايشتري هدايا الا بذكرى الزواج ، وبميزانية محددة مسبقا


انا عندي حدس ، اقسم بالله
ودايما حدسي يصير صحيح
وانا هالمرة قلبي مو متطمن
ابدا .
وهذي اول مرة اشك بزوجي.

كيف اتاكد ؟ ارشدوني؟!

ما اقدر اسكت لو فعلاً بيشتريه لاحد ثاني
اقسم بالله بتكون نهايتنا .

ما اعرف الباسوورد حق جواله عشان افتحه.
كيف اعرف اذا جالس فعلاً يلعب بذيله ؟

__________________
سبحان الله وبحمده ، سبحان الله العظيم