هنا مربط الفرس الهرمونات اختي
اساليني انا كنت اخذ حبوب منع الحمل كعلاج بعدين كملت عليها لانها امان
صرت ما احتمل برفع الالف
مرات زوجي احبه الصبح اكره المسا
كل شي يثير اعصابي
كل مانتخاصم يمسك العلبة يكرفسها ويرميها
الان وقفتهم
احس حالي احسن

وانت حبيبتي نفس الشي
لانه من سردك زوجك ما يظهر انه يخونك او متزوج عليك
انت تحسين فقط بهذه الاحاسيس


مبروك عليك الالماسات باينة انها لك

لا اكيد مايسالك انت ليشتري لوحدة غيرك ويفتح على نفسه ابواب ماله فيها
يمكن يريد يشتريلك او فضول فقط
اذا انت مريضة او لا هذي مايعرفها الا المختص
طبيعي اذا صار تغيرات بحياة المراة و بتصرفات زوجها يداخلها الشك هذا امر جد.طبيعي بس المو طبيعي الاسترسال و نقاش كل فكرة تجي بالذهن تتعبي اعصابك و تخرجين بدون نتيجة الا النكد و الزعل

صح كلامك
مرررة مريح يعطيك الف عافية اختي
ان شاءالله يكون كلها مجرد شكوك .

__________________
سبحان الله وبحمده ، سبحان الله العظيم

للأسف عدت لأني محملة بقدر عظيم من القهر والعصبية 😔

وضعي الأشهر الماضية عال العال
علاقتي مع زوجي جيدة
ونزلت سقف توقعاتي معاه جدًا
والزعل محيته من قاموسي بصراحة ماعاد يهمني الموضوع ولا أحس يسوى إنه يتناقش فيه..
ايوه وصلت للمرحلة هذي
بدون عتاب بدون شرهة بدون اي شيء
وحياتنا ماشية ..

سافر زوجي انتداب لنفس الدولة اسبوعين
وحطيت ببطني بطيخة صيفي
ولا مرة كلمته ، نتواصل كتابي كل كم يوم
ومريحة راسي من الوساوس والهواجيس..
رجع وانبسطنا سوا ولهينا بحياتنا


اللي استجد ومخليني معصبة جدًا انه استغفلني
ما اعرف ليه هالمرة بس مو راضية امشيها .. ما اقدر
مع اني مشيت مشكلة جدا جدا كبيرة

صارت مشكلة وصرخ علي باعلى صوت وكلام سيء امام اهله
استوعب وحاول بعدين انه يفهمني وجهة نظره - لوحدنا -
ولا اي تعليق مني مشيت وتركته.
كنت مصدومة ومقهورة .. مشاعري حرفيا كانت غضب
من انت ؟ عفوا من انت عشان تعاملني هالمعاملة
طبعا انا افوق زوجي كعائلة، وماديًا اهلي افضل
وجمال
ونسب
وخطبني 3 مرات
كان ميت يبغى يخطبني
وبصراحة وقتها كثير كثير خطبوني بس سبحان الله ما اعرف ليه انا واهلي ملنا له
وظيفيًا جيد لكن مو ممتاز جدا !
كنت طمعانة يكون زي ابوه
ابوه انسان جدا جدا جدا جدا رائع مع عائلته
وكنت متأكدة بيكون زي ابوه
بس للاسف ماطلع زيه.

وصار فيه فرق شاسع بيني وبين اخواتي
ماديًا
يعني لسان حالي يقول وش اللي حادني !
بيني وبين نفسي تجيني هالافكار
لا اسلوب ولا فلوس تقول مغرقني ..
مادري جالسة امشّي
اسلوبه مرة سيء
مرة مايتحمل
ويرفع صوته ع ابسط شيء
بعكسه انا مرة رقيقة وصوتي هادي واحاول انتقي الفاظي انتقاءً .
لما يكون مع اهلي دايم يعلق بمزح عن التعدد عن الزوجات الخ
لما يكون برضو مع اهله
دايم يحاول انه يمدح بهالشي او يمدح نساء معينات وما الى ذلك
عمري ماحسيت بمشاعر انه يتباهى بي انا شخصيا .
بعكس اخواتي
امهات ازواجهم يتصلون ع امي شخصيا يمدحون
ازواجهم يمدحونهم امامهم وامام اهلي
اشوف مشاعر السعادة بعيون امي لما تعلق ايش قال فلان عن اختي تحس بفخر وسعادة
عمري ماحسيت بهالشعور
ما احد ما يبي يسمع كلام حلو
بالعكس ،


دايما امشي
وسممحة دايم كل شيء اوكي
ما اعاند
اللي يبيه يصير
احيانا مايمشي زي مايبي
يقول انتي عنيدة!
وين العناد بالضبط


كنت لما يسوي شيء يزعلني او يرفع صوته
كنت ازعل
واجلس بالايام زعلانة
ماكنت وصلت للنضج العقلي الكافي اني اتناقش واخذ واعطي معاه
تزوجته وعمري 19
بعد سنوات صرت ارسل مسج بمشاعري
وايش الاشياء اللي عملها
بالسنوات الاخيرة لا
صرنا نطلع بالسيارة ونتناقش ، زي أي بالغين
بعيد عن الأطفال
نتحيّن وقت ونطلع نتكلم ونبرر ونصفي النفوس ونرجع .

الآن حتى هذا تركته
صرت امشي كل شيء

لما رفع صوته بآخر مشكلة
سكرت علي. غرفتي مو زعل بس ماكنت اصلاً ابغى اشوف وجهه
كنت باجازة ، اودي الاطفال لمدارسهم وانا اطلع
كل يوم اختار لي مقهى اجلس فيه ..
مع جوالي
ارجع اجيبهم اجلس معاهم سوا

قبل وقت رجعته ادخل الغرفة انام شوي
واطلع اذا دخل هو ينام
اذاكرلهم اشتري لهم الناقص نطلع لو فيه موعد لو فيه شيء
اول مايصحى المغرب نبدا نستعد للنوم
يروحون غرفتهم واروح معاهم نسكرّ علينا
اقص لهم ونتكلم ونسولف عن المدرسة
بعدها يأذن العشاء اطلع غرفتي اصلي واسكر علي
وما اخفيك كنت مستمتعة
اشبك سماعاتي و ع جهازي
بديت بمسلسل اللي جديد
اشوفه الى 11 بعدها انام .
ريحته راسي كم يوم
واسترخيت
وبعدها طلعت

هو انصدم لما رجع شافني بالصالة
بس انا كنت مقررة اني امشي
ولا كلمة عتب او شيء
احط الغداء؟
ياللا حطيه

ويحاول يحاول يفتح مواضيع
وانا ارد عادي
كم يوم
ومشت الامور


قبل مانتهاوش الظهر قلت له ابغى مجفف شعر مرة حلو ولايضر الشعر
قال لي لا غالي
كنت متوقعة انه يجيبه بصراحة ، كتعبير الي ن الأسف
بس ماجاب
وانا تقبلت بصراحة

انا مو من اولويات زوجي ، وزعلي ورضاي ما يعني له الشيء الكثير
فقدامي خيارين
اما اني احاول احصل ع الاهتمام والمشاعر بأي طريقة
واستنزف البيت واطفالي واسوي جو سيء بالبيت واهدم ذكريات طفولتهم

او اني اتعايش مع هالشيء ، واترك زوجي مو من اولوياتي ..

وهذا اللي جالسة احاول اني اسويه
نتعامل باحترام
ظاهري وداخلي

احترمني واحترمك ونبني بيتنا بالاحترام ونعيّش اطفالنا حياة طبيعية هادية .

__________________
سبحان الله وبحمده ، سبحان الله العظيم

باخر مشكلة كان يحاول انه يجلس معاي كثير كتعبير عن الأسف
لما اجلس بالغرفة يناديني تعالي اجلس معاي بالصالة
اول ماينامون الاطفال يبغانا نطلع
يتكلم عن الدوام كثير
طول الوقت يتكلم

اعتقد انه كانت هذي طريقته للاعتذار .

اوريدي مافيه شيء ينزعل منه ع قولتهم هذا حسينوه وهذي خلاقينه 😂
هو كذا اسلوبه من تزوجنا ليه أتوقع انه بيتغير ؟
كنت احاول امام الاخرين ما اسبب شيء يخليه يعصب
بس محاولاتي صح نجحت وقتها بس ماغيرته . هذا طبعه .
الحين او قبل 10 سنوات كان ممكن يصير هالموقف خصوصا ساكنين مع اهله .

__________________
سبحان الله وبحمده ، سبحان الله العظيم

اسفة تكلمت كثير ..

بقول الموقف اللي زعلني

تشوفون بالمشاركات اللي فوق انو صارت وسويتها مشكلة لما حضر ميدل بيست
( لغير السعوديين هي كونسرت غنائي مكشوف واغلب رواده مراهقين ومراهقات وسيئ خلق )
وعدني انه مايحضر مستقبلاً ، وهالموعد أخذه اقتناعًا انه أب وزوج مسؤول عن أسرة وأبناء وهالشيء مايليق له !
وقال لي بالحرف الواحد انا ماتوقعته كذا ومرة سيء وحق مراهقين .

السنة هذي استغفلني وحضر .
مقهورة انه يشوفني بالغباء هذا اني ممكن ما اعرف
وممكن ما اكتشف
اني انت بنظره زي الكنبة اللي جالسة عليها
هذي انا وهذي مكانتي عنده
اللي يقهر انه اكبر مستشرف فوق راسي
لا تلبسين كذا لا تسوين كذا
امسحي مكياجك غيري جزماتك

وهو …. !

كونه مايصلي بالمسجد هذا بينه وبين ربه
كونه ينام ويجمع صلوات برضو بينه وبين ربه
بس اننا نتفق ولا يجي احد فوق راسي ويقول مالك دخل ، الا لي دخل ونص
ماعمري قلت له ليه تسوي كذا ليه تسافر ليه تروح معطيته مساحة حرية هائلة،
بس الشيء الوحيد اللي اتفقنا سوا مايروح له ثاني ويروح !! لا معليش

انا اسوي اشياء ماقتنعت فيها بس عشانه ، لانه زوجي
وهو مطالب بهالشيء .


اللي قهرني انه مستمر بالانكار .
وانا ياللا ماسكة نفسي ما انفجر فيه .
يلق ويدور وباني قصة كاملة محبوكة عشان ما اشك.
وانا ساااكتة انتظره يتكلم
اكره شعور انه يحسني غبية ويقدر يكذب علي .
هالشيء قااااهرني

ومحتارة انفجر او لا .
ومتاكدة لو تكلمت بينكر .
ولا قادر اتحمل
ولا قادرة امشّي ..


شوروا علي

__________________
سبحان الله وبحمده ، سبحان الله العظيم

مارح يتغير شيء لو اعترف ..
ولا راح ارتاح لو انكر ..

كذا والا كذا ما اعرف ليه مصرة ع هالسالفة !
مو راضية تروح من بالي لي اسبوع معصبة جدا ..
وهو حاس ويحاول يكون اليف زيادة ع اللزوم !

طيب اعترف والله ماراح اسويلك شيء 😂

__________________
سبحان الله وبحمده ، سبحان الله العظيم

يارب كلامك صحيح 🥺
والله تعبت مرره خصوصا انو انا اعاني من سنوات من متلازمة تكيس المبيض
ويروح ويجي ويخف ويزيد..
وجاء ببالي انو ممكن يكون رجع ..
لكن ان شاءالله امر طبيبة نساء ولادة اتاكد من هالموضوع .
والله يكون بعوننا احنا النساء نعاني كثير الله يجعله ع اجر 💜

يعطيك العافية حبيبتي

__________________
سبحان الله وبحمده ، سبحان الله العظيم