قبل أمس جانا عمي كبير العيلة
دخلت عليه و كلمته بحضور اخواني
قلت له انا قدمت في ابوي بناتي ترحيل
لكن ودي اتنازل لان عندي منه بنتين و بيفقدونه
و انت تعرف وجود الاب مهم حتى لو صورياً
قال انا بكلم ابو البنات
احاول آخذه باللين و بقوله انت مستفيد هنا
انقل كفالتك و عيش زي ما تبي و و ..

اخواني الاثنين كانوا يأشرون لي طول ما انا اتكلم
انو غلط تصرفك

بعد ما خلصت كلامي
اثنينهم تكلموا قدام عمي
انو احنا نشوف الافضل يترحل و و

تفاجئت
من اخوي بالذات اللي يتواصل مع ابو البنات
كان يوجه كلامه لعمي:
يقول لازم تستعجل بهالاجراء و يترحل
لانه ارسل رسايل يتكلم فيها عن اختي و يهددها

!!

انا تفاجئت

انا اعرف عن رسالة وحدة فقط تافهه فعلا و فيها تهديد

حسيت اخوي يخبي عني

..
اخذت انا دفة الحوار
و عمي يسالني عن زواجي
في النهاية حتى عمي اعتذر عن التدخل
قال اشوف تخلين الامور تاخذ مجراها
اشعر انه مو عاجبك الموضوع
يقول لانك تتصرفين بحكمة و تفكرين في بناتك
لكن صدقيني الله عز و جل رتب لك الاحداث بطريقة
تجعلها الافضل لك في كل الاحوال ..

__________________

الحمدلله على قضاء يقربني من الله عز و جل.

طلعنا من عند عمي
ألحيت على اخوي يوريني الرسايل الجديدة
قال لا بتنهارين

قلت لا والله بس ابغى اقرر صح

قريتها و انصدمت

اخوي كاتب له بنروح الامارة نشتكي عليك
كاتب كلام كثير و طويل فحواه :
- ما تهددوني انا ما اتهدد ماتعرفون انا مين وراي صدقوني بتتفاجئون
- انا الدكتور فلان الفلاني انا افضل منك حتى لو كنت سعودي لاتظن لك قيمة
- يطعن ب رجولة اخوي
- اخيرا اختك ( كاتب عني )
صعبة المراس
سيئة الظن
زنانة حنانة منانة
( هذي الصفات اللي رماني فيها يشهد الله ان كان يقول عني عكسها طوال زواجنا )

بعدين كاتب:
مستحيل ارجعها حتى لو بدون مهر او بدون شروط
الحمدلله ان احنا تطلقنا من بعض

__________________

الحمدلله على قضاء يقربني من الله عز و جل.