يا اختي خياله والله نفسي اطلع من البيت واغيب عنه لو اسبوع عشان اقدر اخذ قرار يحكم مصير عائله باكملهاا بس الله المستعان مو بيدي والكل يقولي لا تطلعين وتتركين بيتك وتخلين له فرصه يقول هي طلعت من بيتها وانا عشان كذا رحت اتزوجت ولا يختلق اكاذيب من اكاذيبه وهذا انا اعاني الامرين واموت في اليوم الف مره والله نفسي اطلع لو يومين مابي اشوف احد ولا احد يشوفني ودي افكر صح بعيد عن اي ضغوط بس الله المستعان ماباليد حيله

وموضوع الطلاق وربي افكر فيه الف مره بس قلتلك هو مو مصيري لوحدي كان اشتريت نفسي من زمان هو الحين مصير طفل وطفله وشلون راح تكون نفسيتهم بعد الطلاق وخاصه اذا افترقوا يعني تربت البنت عند ابوها والولد عندي وكيف راح يأثر هالشي في تكوينهم النفسي وياترى راح يكونوا ضحايا لنا

يااختي الموضوع اكبر من استيعابي وتفكيري مشلول والطلاق حل لو لم يكن هندي ابناء اما في مثل حالتي فلابد ان استنفذ كل المحاولات والحلول واستشير اهل العلم والخبره ومن هم اكبر مني واكثر تجاربا مني في الحياه واهل الدين حتى يهيأ الله لي من امري يسرا

اختي كل ما اود قوله الله حسبي الله ونعم الوكيل والله يفتح لي ابواب الخير لانه عالك بعجزي كوني امرأه