أخوي عاشق الذوق أنا ما قلت ان المرأة لما تدخل الانترنت تدخل بدون أي ضوابط أنا اللي كنت أقصده ان ليش زوجها بالذات هو اللي يحدد لها هذه الضوابط؟ بمعنى ان هي أعتقد مهي هبله ولا غبيه ولا طفله علشان ما تعرف تحط ضوابط لنفسها و محتاجه لزوجها يحط لها ضوابط لأنها ما تعرف تحمي نفسها
يعني هذه الجوهره يفترض انك اخترتها علشان تكون أم لعيالك فإذا انك ما تثق في قدرتها على حماية نفسها شلون تأمن عليها تربي عيالك؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

عموما أنا ما أقول رأيي هو الصح لأن الناس مو مثل بعض و كل شخص له وجهة نظر مختلفه يعني اللي يمشي علي ما يمشي على غيري و مهما يكون السن والخبرة في الحياة لها دور و هذه الأشياء ممكن تقول مو متوفره عندي
و بالنسبة لسؤالك بس ودي أعرف شي و هو ليش أحس انك تعطي فيه انطباع اني أقوم بأعمال غير شرعيه على الانترنت؟؟؟؟ عموما إذا كان لازم تعرف (مع ان أنا مو ملزمه أجاوب عليك) فأنا معظم استخدامي للانترنت يكون في المراسلات لأن أنا أصلا من الشرقيه بس حاليا ساكنه بالرياض لأن زوجي يشتغل هنا و أنا أدرس في الجامعة هنا المهم معظم الوقت اللي أقضيه على الانترنت يكون في الايميل أو في المسنجر بما ان أهلي كلهم بالشرقيه و صاحباتي كل وحده في مكان بسبب ظروف الدراسه فالانترنت يوفر لي وسيلة اتصال معهم و بالنسبه للمنتديات فربي يشهد ان هذا أول منتدى أشارك فيه يعني علاقتي بالمنتديات كانت مقتصره على ان أحد يرسل لي رابط حق موضوع يقول لي اقرأي هذا ولا شوفي هذا و حتى بالنسبة للمنتدى هذا كنت في البداية مجرد قارئه (المهههههههم ما علينا ما أعتقد أحد يبي يسمع قصة حياتي )

----------------------------
أخوي سيد القصر: ما تظن إن كلامك ممكن ينطبق على الرجال كمان؟؟ (على سبيل المثال أبو علي اللي في مسلسل يوم آخر ) يعني زي ما الرجل يفكر بعقله يفكر بغريزته و زي ما المرأة تفكر بعواطفها "تعرف" تفكر بعقلها

و بشكل عام في رأيي ان المرأه اللي زوجها مشبعها عاطفيا مستحيييييييل تروح تدور على اشباع عاطفي من أي مكان ثاني (سواء انترنت ولا غيره) يعني هي ما راح تتأثر بالكلمات الرنانه إلا إذا كانت هذه الكلمات تملأ فراغ موجود عندها و إذا كان هذا هو الحال فمعناه ان التقصير جاي من ناحية الزوج ولا أنا غلطانه؟