اخى الفاضل هذة اول مشاركة لى فى منتداكم الكريم واحببت ان اعلق على موضوعك لان انت حاولت تبذل اقصى جهدك لاسعاد زوجتك ومحاولتك فى اصلاح ما يمكنك ان تراة عيب فى حد ذاتة شىء فى منتهى الكرم والتضحية من اجل الانسانة اللى انت هاترتبط بيها لو استمريت على اسلوبك دا صدقنى الحب بينكم هايدوم للابد لانك بتحاول تعمل كل شىء لاسعادها دا هايخليها تموت فيك وبعدين فى بنات بتتقزز من الشعر وممكن تكون زوجتك من النوع دا وتبقى فى مصلحتك
واخيرا ما فى انسان وصل لحد الكمال ومعنى انك عديم الشعر مش انك مش راجل
ودا مش عيب كبير اوى لدرجة انة يضايقك وكمان خلى بالك زوجتك مش هاتهتم بالشعر قدر اهتمامها بالمشاعر وانا شخصيا اجدك انسان حساس وهاتقدر تلبى لها طلباتها النفسية من حيث الراحة النفسية والتدليل اللى هى هاتتمناه فيك
وخلى بالك حساسيتك دى هاتسعدها لان الزوجة ما بتحبش الراجل الفظ فى التعامل
صدقنى هى هاترتاح لك لانك مشاعرك جياشة وكمان ما بتخجلش من اصلاحك لعيوبك
وربنا يوفقك ويتمم لك بخير
احمد المصرى