اخوي اقولك نصيحه من القلب اهم شي رضا اهلك اذا بغيت التوفيق من الله، وبما اني بنت اعرف عدل اساليب بعض البنات الخبيثه في اصطياد الشاب وجعله بطريقه غير مباشره التمسك بها ومخالفه الكل علشانها
اخوي اول شي ابي انبهك ان لو البنت تحبك فعلا مستحيل ترضى انك تتزوجها من دون موافقه اهلك
اكرر اهلك، اهم من اي شي بالدنيا، في هالزمن خاصه، الواحد ما يقدر يثق الا باهله ووقت الشدائد ما لك الا هلك
انت لازم تتأكد هل البنت اخلاقها عاليه،مو بس بالسؤال، لكن لازم بعد بمراقبتها ومراقبه تحركاتها،
بعدين هل هي قد المسؤوليه وبتريحك، انا ما اقصد انها تريحك من ناحيه جنسيه، لازم ابنت ما تكون اتكاليه وتتطلب اشياء وايد
اخوي ، لما نحب نعمى عن سلبيات الطرف الثاني ويمكن البعض يوصل حاله يهاجم فيها اهله، ثم يكتشف حقيقة الطرف الثاني

القضيه ترى مو قضيه كلام الناس بسبب اللون، انت لازم تظفر بذات الدين، واحذر من البنت اللي تكلمك من ورا اهلها لان ما منها خير واللي يخون خله يخون بقيه الناس

اللي تقدر تسوي انك تصلي استخاره، وانت لازم تقبل بلي الله كاتبه لك، صدقني احس فيك، ويمكن قسيت عليك، بس اقولك ترى مريت بمواقف اصعب من موقفك وكنت دائما الوم اهلي ،لكن بعد ما الأيام تمر اشكر ربي ان عطاني اهل ينصحوني ويوعوني

لازم تحط في بالك اذا كانت من نصيبك بيصير الشي اللي تبيه، واذا مو مننصيبك ارضى بلي كاتبه الله، والدنيا فيه الحلو والمر والصبر احسن حل

اتمنى لك من قلبي التوفيق وتيسير امورك ، وارد اقولك لا تتعلق وايد حتى ما تنصدم وااسال وراقب البنت عدل واذا هلك ما وافقو اسمع كلامهم، حرام تغضب اللي تعبو عليك

__________________
سبحــــــان الله وبحمده ,,,, سبحــــــان الله العظيم

لا اله الا الله العظيم الحليم ربي اني لما انزلت اليي من خير فقير
دعائكم الصالح لي بالرجل الصالح