سلام عليكم


اختي وانا مثلك كان عندي حب شباب ،، من انا عمري 16 سنة ، وكل سنة تقريبا اروح للدكتور ،،
ويعطيني كبسولات ومطهر وكريمات ،، واتروح الحبوب في اربع شهور واحيانا 6 شهور ،،،
والحين عمري 20 سنة ،، اخر مرة سرت للطبيبة عمري 19 سنة
من شهر 7/2004 ،، بديت اعالج وخلصت 1/2005 ،،وراحت الحبوب ،، وبقت البقع على ويهي وندوب طفيفة ،، قالت لي الدكتورة انها مع الايام بتروح ،، بس لا تستخدمي المكياج ابدا ،، (ولكن انا ما اقدر استغني عن كريم الاساس واستخدمه بشكل يومي) والحين بعد 5 شهور صارت تظهرلي حبة وتختفي ، والحين طالعتلي 4 حبات في ويهي ،، ومقهورة ما ابا اروح للدكتورة مرة ثانية تعبت ،،،

فقلت خليني استخدم اشياء طبيعية ونصايح من الانترنت والتلفزيون ،، ومن الدكاترة اللي كنت اسيرلهم ،،،والحين ربيعتي اللي الكل كان معجب في بشرتها الصافية ،،صار ويها مليان حب شباب وسارت للدكتورة وعطتها كبسولات ومطهر مع نصايح ان شاء الله اتفيدج ،(لكن الافضل اتروحي للطبيبة بعدين تتبعين هالنصايح)
الدكتورة قالت :
1- امتنعي عن المشروبات الغازية منعا باتا ،
2- ابتعدي عن الحلويات والشوكولاته ،،
3- لا تاكلي جبس(رقائق البطاطس) ابدا،
4- اشربي ماي وايد 6 اكواب في اليوم (وانا ما اقدر صراحة بالكثير يمكن كلاسين وانسى اشرب اكثر)
5-لا تستخدمي مكياج ،،،(ولكن انا اداوم كل يوم الصبح كيف ما احط على ويهي كريم اساس)

نصايح من النت و من الناس ،،
اشربي ثلاثة ايام في الاسبوع كوب صغير ماي البابونج ،، وبخري في الاسبوع مرة ويهج ببخار البابونج ،،
وحافظي على نظافة بشرتج وجسمج ،، لان حتى نظافة الجسم تاثر على بشرة الوجه ،،،
واهم شي قبل لا تسويين اي نصيحة من النصايح فوق اتبعي هالخطوة اللي بقولج وصدقيني باذن الله راح تشفين من حب الشباب ،، ويلزمها قلب صافي
وثقة بالله
اختي الغاليه استمعي للقرآن كثيرا واكثري من الاستغفار والتسبيحات ،، وادي الصلوات في وقتها ،، وما في احسن دواء من كلام الله سبحانه

ولكي مني ارق تحية ودعواتي لكي بالشفاء وادعيلي بالشفاء وهالحبات الاربعة اللي قاهريني يروحوا من ويهي

شكرا لكم على الرد

واتمنى الاقي تعليقات اخرى واجابات اكثر وضوحا على سؤالي

في ملاحظة:

انا شاب مش بنت

وشكرا