صراحة أشكركم من كل قلبي على هذا التفاعل وتقديم الحلول ،،وأبي أقولكم إني جربت جميع الحلول دلال ودللته،وحقران وحقرته،وعتاب وعاتبته،وهدايا أهديتله،وحتى إني أقوله للأسف ماأحس إنك أنت المسئول أحس إلى الآن أهلي هم اللي يلبون طلباتي،هم اللي يودوني،والمفروض الوحدة إذا تزوجت يغنيها زوجها عن الناس وهذا اللي أشوفه حولي....
وبالنسبة لكلامك أختي بحر الصبر:إني أروح لأهلي طبعاً هذا حصل لأنه كثير السفر ،كل شوي وأنا نايمة عندهم لأني أخاف أقعد لحالي بالبيت،وبعدين يجي نفس الروتين اليومي مايطلعني ولايقعد عندي..
أما أختي سيدرا :أنا -كما قلت-إن زوجي طموح وهذه نعمة أحسن من اللي يكون لاهي بشئ ثاني لكن انشغاله زائد عن الحد،لكن لنفسك وزوجك عليك حق حتى في العبادة وهي عبادة وشلون شي في الأمور الدنيوية...وبالنسبة لزوجي لايشقى ليريد أن يحصل على المال،فالمال موجود من الوظيفة والحمدلله،ولا أريد الزيادة ولكن حب للعمل،يعني (أناني)يمارس هوايته فقط،والله إني بالغصب كتبت هالكلمة لأني لاأرضى أن أشتمه بأي كلمة ولو من ظهر الغيب ولكن لتتفهموا حالتي..