اخوي انا معاك في كل كلمة قلتها مع اني مراءة بس جربت العمل مع الزواج والانجاب وحسيت اني ماراح اوفق..يمكن اول الزواج كان الوضع شوي مختلف لان زوجي كان يقول لي خلج في الشغل غشان ماتملين في البيت خصوصا ان احنا ساكنين مع اهل زوجي وام زوجي هي اللي تطبخ وماتحب حد يساعدها...فكنت احس اني مجبورة اقعد في الشغل عشان ماامل...لكن بعد انجابي لطفلي الاول..اخذت اجازة 3 شهور وبعدين داومت شهر وطول الشهر كنت اطلع بدري عشانه وماقدرت التزم وبعدين اخذت اجازة شهر ونص وبعدين رجعت شهر والصراحة ماقدرت اتحمل ابعد عن ولدي مع انه مع ام زوجي بس نفسيتي تعبت وايد...فتركت الشغل وتفرغت لتربية ولدي الحمدلله الحين صار لي سنتين ومش ندملنه ابد اني تركت العمل لان فعلا الزوج والطفل محتاجين لي اكثر من العمل اللي ممكن اي وحدة تسد فراغي...واللي تقول انها توفق بين الشغل والبيت تراها تكذب....لان اغلب اللي اعرفهم يشتغلون يقولون احنا مانشوف اولادنا الا ساعه في اليوم..لان يرجعون العصر ويتغدون وينامون ومايصحون الا لما الطفل يكون خلاص بينام...
واعرف كثير يقولون انا عندي ابني يقعد مع الشغاله على انها توديه بيت ام زوجها اوبيت امها..لان على قولتهم ماراح الطقل يرتاح لانه مش في بيته!!!!!!!!!!!!!!!!!!
بصراحة الله يعين اي متزوج من امراءة عاملة
06-08-2004, 12:48 AM
ضوابط المشاركة
العرض الشجري