السلام عليكم بناااات .................................
كيف حااالكم والله اني مشتاقه لكم
وولهانه عليييكم
يا بنات مشكلتي اني سمينه واللبس موحلو علي







وكل ما اعزم اني اسوي رجيم استمر عليييه بس خمس ايام
بعدين ارجع للاكل شوفولي حل ابي البس زي البنات
ابي يطلع شكلي صغير
ابي اتمتع زي خلق الله
الله يعاااافيييكم شوفولي حل
والله الي تساعدني بادعيلها منكل قلبي

انصحك تروحين طبيب او طبيبة تغذية رح تساعدك كثير
واجد من صديقاتي نحفو كذا يعني تشوف انتي وش تحبين وكم تبي تنقصين وتحاليل وكذا وبعدين تعطيك نظام غذائي يناسب لك وفيه الاشياء اللي تحبينها بكميات معقولة يعني احسن من الريجيم المطبوع اللي تلقين فيه اشياء ما تحبينها ويخليك ما تستحملينه اكثر من خمس ايام
بس اهم شي لا تحاولين انك تنحفين عشرة كيلو بشهر مثلا هذا الشي اللي يخليك تزهقين وتوقفين ريجيمك وترجعين تاكلين خوذي نظام يشبعك وحاولي تخففين اكلك بالتدرييييييج لان المعده تبدا تصغر بالتدريج برضوه وبتشوفين بعد فتره شهر تبدين تاكلين نص اكلك العادي وتشبعين وطبعا التزمي بالمشي السريع وذا ممكن شوي رياضه عشان تشد جسمك وتنحفين على سنع
معلومة اخيرة النحف السريع يروح بسرعه والنحف البطئ يروح ببطء يعني ابدي نظامك على رواااق وخليه يشبع وحلو عشان ما تملينه ولو نحفتي كيلوين بالشهر يكفي لانه بعد سنة بتكونين نحفتي حوالي ال 25 كيلو تخيلي!
اللي يسوون ريجيمات قاسيه ومادري وشو اشوفهم طول عمرهم ما تتغير اجسامهم تنحف وتسمن.. اما اللي تسوي تخفيف وحميه ومشي ونظام تنحف ببطء ممكن حتى كيلو بالشهر لكن شوفيها بعد سنة ولا سنتين تلقينها نحيفه ومحافظه على جسمها

ماشاء الله عليك اخت بحله ما قصرتي
بالنسبه لي وحده من اخواتي راحت لخبيره تغذيه واعطتها نظام غذائي كل اسبوع تراجع عندها وتغير لها كل اسبوع نظام_ وما انكر والله ماشالله اختي نحفت مرة وصار شكلها اصغر زي ما تقولين_ لكن الله يهديها كانت تقسى على نفسها مررررة كله عشان تنحف بسرعه وكانت تضغط على نفسها في المشي بقوة _ وماشالله عليها حصلت على اللي تبي_ لكن ؟؟؟؟؟؟؟؟؟ بعد ما وقفت الريجيم خلاص شهرين ثلاثه رجعت زي ما هي ولا كانها سوت حاجه_ وبالعكس مسكينه اشترت ملابس وفساتين بعد ما نحفت ولمن رجعت سمنت مسكينه انقهرت عليها
العبره مو في انك تنحفي بسرعه لالالالالالالالا تاكدي انو اللي تنحف بسرعه راح ترجع تسمن بسرعه
واهم شي لمن تسوي الريجيم وتوصلي للوزن اللي تبينه حاولي انك تحافظين عليه فتره لا تقل عن ست شهور على الاقل عشان يثبت وزنك
بالنسبه لاختي راحت عند مركز الابر الصينيه واخذت الريجيم على يد اخصائيه
طبعا المشي بسرعه يوميا مع شد البطن للداخل حلو مرة يساعد على انقاص الوزن
ولا تنسي اهم شي انك تثبتي وزنك
واهم شي انك لمن تبدأي الريجيم يكون عندك قناعه من الاكل ولو حبيتي تاكلي لا تكثري
اتمنى انك تحصلين على جسم رشيق مثااااااالي وانتى بصحه وعافيه
تحياتي ...... شووووووق

__________________

حبيبتي شوفي حنا يالبنات ناكل ولانسأل عن نوعية الأكل اهم شيئ نملا البطن .واكثر شيئ ناكلة الحلا ولانستطيع الصبرعنة ونموت فيه حتي اذارحناللاسواق لازم نشتري من المحلات ولانصبر .وهذاسبب السمنة لنا وطبيعة البنت انها جالسه في البيت اغلب وقتها ولاتحرك ولاتعمل رياضة في البيت ولو بسيطة . مومثل العيال يتحركون وطلعون ويلعبو على كيفهم .لكن اقولك انتي خفضي وزنك بحالك وتقدرين تضعين برنامج لك وتطبقينة بكل ارادة وعزيمة ولاتكثرين الأكل بين الوجبات وخاصة الاشياء الدسمة المشبعة بالسكر وعير ذلك واستبدلى الاكل بين الوجبات بالفاكهه واكثري منها وخاصة قبل الوجبات الرئيسية . وابشري سوف يهل علينا شهر رمضان المبارك اسأل الله ان نوفق لصيامة وقيامة ونكون من المقبولين . وهوخير وافضل معين يساعدك على انقاص الوزن ان شاء الله 0

صديقتى بنت نجد
لو قلتى كم وزنك علشان نساعدك ونختار الحل المناسب
انا سمعت بربط المعده وينصحون بها الدكاتره
وهى ذات نتائج راائعه يارب تكونى استفتى
ودمتى صديقتى

__________________

وحدي وصلت العـــــــــز لآخر موانيه ***أنثى لكــن عن ألفين رجـــــال

ربط المعدة المفروض يكون اخر حل وما تلجأ له الوحده الا اذا يأست من جميع الطرق يا اختي انتبهي انا اعرف وحده ماتت من ربط المعدة تراها عمليه خطيرة مررررة

مشكورين خواتي على الرد بس المشكلة وين القى دكتورة تغذية ممتازة مع العلم باني من سكان الاحساء
اللي تعرف دكتورة مجربة تقووولي الله يعافيكم