اخى تبغى المدان تحمل شيل من بالك فكرة الحمل نهائيا انت وزوجتك لاتفكر فيه وتشحن نفسك وتشحن المدام ويصير عندكم ضغط نفسى ووين الحمل وليش تاخر ابدا لاتفكر بهالطريقه لانه سبحان الله كثرة التفكير بالحمل ممكن تجعل عندم مناعه من الحمل ممكن تحصل لخبطه بالهرمونات عند المدام واسالنى انا شخصيا من كثر تفكيرى بالحمل ارتفع معاى هرمون الحليب وجعل عندى مناعه من الحمل الدكتورة اللى رحت لها قالت لى بالحرف الواحد طول ماانتى تفكرى بالحمل بيصير عندك ضغط نفسى والعلاج ماراح ينفعك علاجك اولا واخيرا بالاسترخاء استرخى وخلى القلق والتفكير وان شاء الله يحصل وتذكرت اختى اول زواجها تاخرت بالحمل 9 شهور وكانت مرة قلقانه ونصحتها زميلتها تكف عن التفكير بالحمل وتشغل بالها بحاجه ثانيه طبقت نصيحتها وماشاء الله حملت من ثانى شهر وبخصوص الحبوب ماادرى اذا تقصد الحبه اللى تجى راسها ابيض وبمجرد الضغط عليها تنفجر وينزل منها صديد وبعده دم اذا كنت تقصدها فهذى موجوده عند العالم كلهم ولاتسبب مشاكل ولاشى وطول مانت رحت لدكتور وطمنك فليش القلق وترى مده زواجك كلها ثلاث شهور مده بسيطه للغايه الوضع اللى يجب القلق عنده هواستمرار العلاقه طبيعيه منتظمه لمده عامين دون حدوث حمل ذاك الوقت نقول يوجد مشكله واسال اى دكتور فى العالم راح يؤكد لك كلامى وفى النهايه تمنياتى لك بالتوفيق وعذرا على الاطاله
16-09-2005, 01:50 AM
ضوابط المشاركة
العرض الشجري