بسم اللة الرحمن الرحيم
يا شباب نهاية الاسبوع بروح اخطب وحدة تقرب لي و هم( شبة موافقين انشاء اللة) بس لازم اروح اكلم ابوها

السؤال وش اقولة
هل اقول جاي اخطب و الا اقولة متى الملكة

بعدين ماهي العبارات الجميلة لتعبير عن الرغبة في الزواج

ملاحظة
ابروح لهم لوحدي

يجب أن يذهب معك أحد كبير مثل أبوك أخوك عمك خالك ،،،،،
شخص كبير عنده خبرة في هذه المواضيع

بعد أن تأخذ أهلك معك قول له إني أتيت لأتقدم لخطبة ابنتك وأدعو الله أو يوفقني لأكون الزوج المناسب وسأكون حريصا عليها وأدعو الله بأن توافقوا على خطبتي هذه

ولا تنسى تذكرهم بحديث الرسول صلى الله عليه وسلم من جاءكم ترضون دينه وأمانته فزوجوه

من المفروض أن يذهب معك شخص أكبر منك ليتحدث عنك
وسأقترح عليك مجرد اقتراح لما تقول :
طبعا بعد ماتشرب القهوة تقول يا عمي ابو فلان الواحد في هالزمان يخاف على نفسه ودينه من كثرة الفتن
وأنا بصراحة فكرت إيش الحل فما لقيت إلا إن الزواج هو الحل المناسب وبصراحة انا أعرف طيب أصلكم وزين سمعتكم والواحد يتشرف إنه يناسب ناس مثلكم عشان كذا أنا جيت وكلي أمل في انك توافق على طلبي يد بنتك وأوعدك إني رايح أحاول أسعدها بقدر المستطاع
وسلامتكم
هذا مجرد اقتراح وحاول تجمع عليه ولا تنسى كثر البكش والمديح لأبوها وألف مبروك مقدما
وعقبالنا يارب

__________________

اخوي انت طلبت فزعه الشباب .. بس انا بتدخل..
لان الاصول اصول..
المفروض معاك احد كبير..
سواء الوالد.. او اخوك او عمك او خالك ..
اي احد بالعائلة يكون اكبر منك ولدية خبرة في هلامور ..
وله قدره واحترامه من الجميع..
تحياتي..

__________________

هلا اخوي والف مبروك مقدما...

انا اختلف مع البعض..ممكن تذهب لوحدك ان كنت شخص كبير ومعتمد علي نفسك طبعا في البدايه وبعدين تقول لهم المره الثانيه اذا وافقتوا وشفنا بعض انا والبنت راح اجيب الوالد والوالده ان كانوا موجودين..

طبعا لما تدخل وتسلم وبعد شرب القهوه تدخل بالموضوع ومايكون احد غريب موجودوتقول انا جاي لكم ياعمي وكلي شرف بطلب يد بنتك فلانه وانا والله من طيب اصلكم ومن حسن تربيه البنت طلبتها وكلي عشم انشالله ماتردوني ...

والله يوفقك انشالله

ابن وايل

تميم: السلام عليكم ورحمة الله وبركاته
ابو الفتاه: وعليكم السلام ورحمة الله وبركاته
( يقوم تميم بمصافحة العم ابو الفتاه ويقبل رأسة )
ابو الفتاه : تسلم تسلم يا ولدي
تميم : كيف حالك يا عم
ابو الفتاه : الحمد لله بخير
( يقوم تميم بالسؤال عن احوال العم ابو الفتاه وعن احوال اهل بيته )
ملاحظة/ يجب على تميم ان ان لا يمازح العم ابو الفتاه او يطرح موضوعاً في نكته او ضحك .
تميم : اقول يا عم
ابو الفتاه: تفضل يا ولدي
تميم : ودي تحدثني عن الزواج في ايامكم القديمة كيف كان ومتى تتم مراسم الزفاف هل هي في النهار ام في اليل .......... الخ
ابو الفتاه: هههههه على ايامنا كان الزواج له لذة وطعم لأنه كان بسيطاً ...الخ
تميم : مشاء الله مشاء الله فعلاً كان الزواج في ايامكم له لذة وطعم ، اللهم اجعل زواجي ميسراً يارب العالمين
ابو الفتاه: آمين
تميم : اللهم وفقني ووفق جميع شباب المسلمين
ابو الفتاه: آمين
تميم : انا ياعم اريد إنشاء الله ان اكمل نصف ديني . ما رأيك ؟
ابو الفتاه: وش قصدك
تميم : انا جاي اخطب منك بنتك فلانه على سنه الله ورسولة
ابو الفتاه : ما عندنا بنات للزواج
تميم : ليه . بنتك فلانه مناسبه لي
ابو الفتاه : حنا ما نزوج عاطلين عن العمل ، رح توظف بعدين يكون خير
تميم : بس انا يا عم موظف ودخلي جيد والحمد لله
ابو الفتاه: آه قل كذا من الأول ، قلي انك تقدر تسعد بنتي فلانه
تميم : يعني افهم من كلامك انك موافق
ابو الفتاه : بس بشرط
تميم : اشرط وانا جاهز
ابو الفتاه: المهر يكون كذا وتسكنها في شقة لوحدها وتسوي وتسوي وتفعل وتشيل وتحط وتروح وتجي ............. الخ
تميم: بس هذي الشروط ، غالي والطلب رخيص كل اللي تبيه يصير
ابو الفتاه : اجل مبروك
تميم : الله يبارك فيك ( يقولها وهو مستانس ، ويقول والله ما قصرgohst711 عطاني معلومات مفيدة الله يجزاه خير
ابو الفتاه : وش تقول
تميم : لا لا ما اقول شي
ابو الفتاه : ايه اشو

تقبل مني تحياتي واشواقي واحترامي ،،،،،،،،،، والسلام

السلام عليكم
اشكرك جميع الاخوان على المشاركة
في البداية
والدي رحمة اللة تعالى ولو كان حياً لذهب معي بدون شك ولكن رحمة اللة تعالى واسكنة فسيح جناتة وجمعنا واياة والقراء في الفردوس الاعلى والتي لا فراق فيها ولا حزن

ثانيا
الرجل اذي سوف الذهب لخطبة بنة يصير رجل خالتي و قد صار كلام من فترة وهم شبة موافقين بس لازم التقدم لها رسمي
اسالفة ان (خالي الجديد -ابو المدام المستقبل انشاء اللة- ) مصر على اني اشوف البنت وانا راغب فيها بدون ما اشوف و خايف اذا جبت احد جدي او خالي (القديم ) او احد عماني ما عاد قدر اهون وان يا جماعة الربع ابي البنت من زمان بدون ما شوف بس يقولون لي افضل لانة اذا شفتها وشافتك يصير في نوع من الراحة النفسية الي يمكن توصل الا المحبة وألفة

اخيراً
مع الانتظار الطويل الى هذا اليوم جتني زكمة امس وشكلي بأجل الموضوع اسبوع لين اطيب

والشكر مو صوووووووووووووووول الى الجمييييييييييييييييييييييييع وعقبال العزاب