الله يكون بعونك اختي والله فعلا مشكلة..

بس حبيبتي شيلي من بالك مرة مرة اي تصرف تخسرين فيه دينك! والله ثم والله لو نزلت خطوة عن الطريق الصحيح فإن الجحيم اللي تعيشينه لا شيء قدام الجحيم اللي بتشوفينه في حال خسرت دينك!
صدقيني احساس الانسان بالطهر غييييييييييير! صدقيني كل النساء كلهم بدون استثناء اللي انحرفوا عن الطريق حتى اللحظات الحلوة اللي كانوا يعيشونها مع اهلهم مع صديقاتهم اي نوع من السعادة افتقدوه بعد الانحراف! صارت حياتهم هم في هم!
الشيء الثاني: اذا هو بيطلقك وش ينتظر؟ اقصد وش سبب تاخيره للطلاق؟ هل هو يشتغل في مكان ويبغى اذا رجع؟ احتمال ظروفه مثلا مأثرة على نفسيته او مشاكل يواجها!
بعدين 6 سنين فترة طويلة اكيد فيها اشياء بينت سبب عجم اهتمامه بالبيت؟ مثلا هلة هو قالك عن سبب مثلا زواج سابق او فتاة يبغاها ونا حصلت او فيه اشياء معينة يبغاك تسوينها وينتقدها الخ!
انا اعرف ان كثير ما يكون الكلام ما هو صحيح يعني يقولك اتهامات ماهي فيك بس سالتك من باب نشوف النقظة اللي ممكن نساعدك فيها ونقرب بينكم؟
الشي الثاني انت وش موقفك؟
يعني هل كنت تحبينه من البداية وضحيت علشانه والا من البداية والحياة باردة ومملة؟
هل انت تحبينه وتبغين تستمرين او انت اصلا خلاص رافضته تماما وتبغين الطلاق وبس
ظروفك كيف هل تعملين؟ ظروف اهلك؟ احيانا وجود حياة لك خراج البيت يعطيك القدرة على مواجهة وتصحيح حياتك..

بس ارجع وأذكرك كثيييييييييييير محرومين من العاطفة وكثييييييييييييير يواجهون مشاكل مثلك وأشد وكثييييييييير عايشين مع جدران مو أزواج بس ما فكروا يخرجون عن خط الطهر والعفاف... لانه عارفين إن فيه جنة وربي بعوضهم وإن فيه نار لو برروا ظروفهم وسقطوا فيها فراح يشوفون عذاب اشد من اللي شافوه بالدنيا..
الله يفرج عنك ....... بانتظار إجاباتك حبيبتي بالتوفيق

مشكوره اختي المخلصه لزوجها على نصائحك القيمه والله يعينني والجميع على اتباعها جزاك الله خيرا...... ومشكوره اختي انكاءةحرف اما بنسبه لاسئلتك فهذي هي الاجابه عليها اولا زوجي كان متزوج وحده ثانيه وتوفت الله يرحمها وله منها اربع اولاد الله يحفظهم عايشين مع امه واصلا الزواج كان تقليدي عن طريق الاهل يعني لا يعرفني ولا اعرفه وفترة الخطوبه كانت قصيره جدا..وبما انه انسان متزوج من قبل فهو اكبر مني بعشيرين سنه مابيني وبينه اي توافق لا في التفكير ولا شي ثاني ....وانا طلبت الطلاق عشان اشوف هل هو يبيني ولا لا ومن اجابته لي عرفت انه حتى هو مايبيني وصرت بعدها جاده في طلبي للطلاق يعني ماابي استمر معه بعدما عرفت انه مايبيني بس انا اخاف على اطفالي يضيعون اوياخذهم مني لانه هددني وهذااللي خلاني افتش عن الحل الانسب غير الحل ذا... طبعا انا ربة بيت غير عامله وانا في مدينه واهلي في مدينه ثانيه ومسائلة عدم تطليقه لي هذي انا بنفسي مااعرفها ليش ما ينفذكلامه مادريالمهم اتمنى اني وضحت اكثر من قبل وجاوبت على اسئلتك انكاءةحرف فارجوكم لا تخلوني بروحي اخواتي ساعدوني قدرما تستطيعون تراي والله محتاجه حيل لمشورتكم انا من يوم ما اتزوجت لهذا اليوم مااتهنيت بحياتي عدل حتى نفسيتي تغيرت زمان كنت اضحك مثل الناس واتكلم زين الحين فقد كل شي فقبل لا افقدعقلي لاسمح الله انقذوني الله يوفقكم ويسعدكم في الدارين ويحقق مرادكم دنيا واخره اميييييين والكل يرد على رسالتي لاتتخلون عشان تقرون وبس ردوا علي ولوبدعوه انا محتاجه لدعواتكم في هذاالشهرالفضيل الله يرحمكم ويغفرلكم ويعتق رقابكم من النار ويجعلكم من الصائمين القائمين ويتقبل منكم صالح اعمالكم...

__________________
قالوا علامك رافعه الراس؟؟؟؟؟؟





ونشوفك قويه!!!!!!!!!!



قلت العفوكلناناس بس انااااا سعوديه!!!!!!!!!!!!!!!!!!!!!!!!!!!!!!