أخوي لا تيأس من رحمة الله
الله رحيم بعباده
تدري!! جارتنا الله يذكرها بالخير متزوجة قبل أمي و للحين ما انجبت يعني تقريباً صار ليها 28 او 29 سنة و بعد الفحص تبين ان العلة في زوجها بس كانت تقدر تنجب عن طريق أطفال الأنابيب بس ما رضت المهم قطار العمر يمشي و هي كبرت و زوجها خيرها بأن تقعد معاه او تشوف حياتها حتى ابوها الله يرحمه كان يحاتيها واجد و طلب منها انها تتطلق منه بس ما رضت لانه كان يعاملها معاملة حسنة و يوفر ليها اسباب الراحة و مو حارمنها من اي شي و كل اللي تطلبة يلبيها ليها فهي قالت اعيش مع زوج حتى لو ما عندي أولاد و اني مرتاحة احسن من اتزوج واحد و أصير ام لأطفال بس ما اشوف الراحة وياه هذا كان خيارها
و وحدة بعد كانت محرومة من الذرية 14 سنة و كان تقرير الطب يؤكد ان ما في فايدة في العلاج و بعد حادث لها تبين انها حامل و بعد هالسنين كلها
لا تيأس من رحمة الله ان الله رحيم بعباده و اذا زوجتك ما تبي تتطلق منك على كيفها هي حرة و هذا دليل على حبها ليك
الله يوفقكم و يرزقكم الذرية الصالحة و يرزقني و إياكم و يرزق كل محروم