آآآآه نزّل دمعة أبوي .. مقهووورة والقهر شين (بنت أخته)

02-12-2005, 05:41 AM

#19

بنت أخته

عضو متألق

تاريخ التسجيل: May 2005

المشاركات: 455

اقتباس:

المشاركة الأصلية كتبت بواسطة الشقه

الأخت الفاضلة بنت أخته، وجميع الأعضاء: أسأل الله جل علاه أن يكون خيارك الأخير الذي ارتحتي إليه هو الخيار الأفضل، والخيار الصحيح.
.

آمين

جزاك الله خير على توضيحك ومتابعتك ..

أحببت فقط أن أخبركم بآخر المستجدات في الموضوع ..

من الكلام اللي قاله زوجي لآبوي وهو معصب :" لييييييش تدخّل أبوي في السالفة "

رد ابوي :" ابوك مو غريب .. "

المهم ... تفاااااااجئت .. البارحة .. بخبر إن المحروس زوجي سبق واتصل على عمي الكبير وأخبره بالموضوع قبل أسبوعين تقريبا من الآن .. مما دفع عمي للاتصال بي ناصحا .. وقتها كنت على نياتي حسبت اتصال عمي من نفسه ..

إضافة إلى أن زوجي لما خرج من عندنا قبل أمس .. اتصل على عمي مره أخرى!!!

سبحاااان الله .. ما هذا التنااااااقض !!! .. يعصب على ابوي ويرفع صوته عليه لأننا دخلنا أبوه .. وهو رايح ومدخل عمي؟؟ .. طيب عمي وش دخله في الموضوع ..؟؟ وأيهما أقرب الأب أم العم!!!!!!؟؟؟؟

المهم جا عمي اليوم .. وجلست معه لوحدنا ..

وقال ان زوجك كلمني كلام طووووووويل .. وأنا بقولك الزبدة .. انه وعدني يفتح صفحة جديدة معك ..
وان زلاته كانت مزح !! وما راح يكرر أي من الأخطاء .. ووو .. من الوعوووووووود ....
وطلب عمي مني ارجع وان الحب يجي مع الوقت ومن هالكلام ..

قلت لعمي: " كلام جميل .. لكني ما صرت أصدق هالرجل .. ووعووده ما تشكل أهمية عندي من ناحية عدم التزامه بالدين وتهاونه بالصلاة .. ومن ناحية مواقف كذبه وآخرها على سبيل المثال:
((لما كان زوجي عندنا قبل البارحة .. قلت له: مو أنت تقول لي لا تنقلين مشاكلنا لاهلك .. طيب ليه اتفاجأ إن أختك لما كلمتني عارفة بعض أسرار حياتنا اللي ما يعرفها إلا أنا وأنت!!؟ .. رد زوجي: بكره بسافر وعسى الطيارة تطيح فيني كاني قلت لها شي .. أصلا لو كنت قايل لها بتقول انت اللي مو رجال لو فيك خير ما جيت تقول لي << شايفين الأسلوب كيف؟ وصلت إنه يدعي على نفسه كذب!!!!! .... بعدين قلت له: أجل كيف عرفت؟ .... قال: مدري عنها يمكن انتي قلتي لها مع السواليف << يشككني في نفسي .. يعني ما اعرف انا وش قلت وش ما قلت؟؟"))

وبعدين قلت .. أما بالنسبة لمشاعري تجااهه .. يا عمي مو بس كره انا اخااااااف وانا معه ما اكون مطمئنة ولا مرتاحة وحاسة بوحشة .. انام على قلق واصحى على قلق .. مدري ليه احس بهالشعور يمكن لأنه إنسان بعيد عن الله .. أو إن فيه شر علي أو فتنة وربي بيصرفه عني ...

فرد عمي: لالالالالالا خلااااااص دام وصلت لكذا لا يهمك .. (من يهن الله فما له من مكرم) وأهم ما علينا إنتي وراحتك ورزقك بيد الله وما راح يضيعك ..

قلت بالأخير بطلب منك طلب .. اتصل على زوجي وقل له (( لا تدخّل فلان ولا علان .. وتوجه لله.. ورح لمكة وخذ عمرة واجلس اسبوع وادع ربك )) .. منها يمكن يصلح الله بيننا .. وإن ما كان فيه نصيب يمكن على الأقل نكون مسكنا بيده لطريق الهداية لأني أحسه يتخبط ولا يدري وش يسوي .. وهذه حال من يكون بعيد عن ربه ..

__________________

اللهم أجرني في مصيبتي واخلف لي خيرا منها

ضوابط المشاركة
لا تستطيع إضافة مواضيع جديدة لا تستطيع الرد على المواضيع لا تستطيع إرفاق ملفات لا تستطيع تعديل مشاركاتك BB code متاحة الابتسامات متاحة كود [IMG] متاحة كود HTML معطلة قوانين المنتدى

روابط سريعه