يااختي الكريمة:


أولاً طبيعي جدا أن تكون هناك مشاكل في السنة الأولى من الزواج

وهذه المشاكل هي من ستحدد أسلوب التعامل بينكما في بقية حياتكم

أنا ماالومك على إحساسك أبدااااا ولكن أعاتبك على ردة فعلك

والله أنا معاكِ إن الوحدة صعب تمسك نفسها في مثل هذه المواقف

بس زوجك عصبي وعلمك من البداية أن لاتعصبيه أثناء غضبه

وأنتِ للأسف صببتي البنزين على النار وأشعلتيه حريق

وصدقيني يااختي عادة الشخص العصبي يكون طيب القلب

وواضح من كلامك أنه يحبك .....وهذا يكفي

لذا حذاااااري أن تعانديه وقت عصبيته ....وبعد أن يهدأ خذي حقك منه ولكن مع إظهار ضعفك وعتبك الحنون على تصرفه

وصدقيني سيذوب بين يديكِ

ووالله قريبة لنا زوجها عصبي جداااا وكان يغلط عليها أمامنا ويصرخ فيها وكانت تسكت وبعد أن يهدأ وفي البيت لوحدهم تزعل عليه وتوضح له خطأه

وبعدها تغير كثيراً ولله الحمد

وهمسة لك أخيتي : طاعة الله والتقرب إليه أكبر سبب لجعل حياتكم سعيدة فأبتعدوا عن مشاهدة كل مايغضب الله لتحل البركة عليكم.

__________________

السلام عليكم ورحمه الله وبركاته
أختي ام المهدي
أولا:مبروك على الزواج
ثانيا:الله يعينك ياحبيبتي على اللي انتي فيه اذا بغيتي نصيحتي شيلي الدش وبلاش افلام خليعه وقنوات فضائحيه وليست فضائيه لأنها السبب الأول في حدوث المشاكل بين الزوجين .ترضين ياأختي زوجك يطالع وحده كاسيه عاريه ويتلذذفي ذلك المنظر المقزز والعياذ بالله فوالله اننا نحن النساء مسؤولون عن ازواجنا لأننا لم نرشدهم لطريق الخير ونعينهم على فعل الطاعات وترك المعاصي وتذكري قول الرسول"فاظفربذات الدين تربت يداك"
عامليه بالحسنى واذا ضربك وأهان كرامتك أخبري أهلك ليعرف ان وراك احدياخذ حقك مش مقطوعه من شجره ولاتقابلي السيئه بسيئه انا عارفه انك مقهوره منه وتبغين تنتقمين منه عشان كرامتك لكن صدقيني بالمعامله الطيبه تكسبينه

اختك فوووووووووووووووز

الله يعينك اختي...


يقول لك: حيوانة؟؟؟؟


لا والله حرام


ثم يضربك؟؟؟؟


كثييييييييييير



اسمح لي اختي، لكن زوجك جاهل...


والله اكاد اجن لما قرأت موضوعك.... وغضبت من ذلك كثيرااا

الله يصلح زوجك

انا رجل وارى اقوى سلاح للمراه ملاطفتها لزوجها و التغاضي والرجل عادة يخجل حينما تتفوق عليه المراه بالاخلاق والمبادرة والصفح وليعلم كثير من النساء انهم يستطيعون تربية الرجل كيفما يريدون ولكن بذكاء وليس بدهاء
اشعريه برجولته وان كلمته الاولى وتذكرو ان الرجل قوي بطبعه الا امام المراه وليس اي مرأه

قليل من الحكمه معشر النساء فاسلحتكم فتاكه

والله أعلم

__________________

اوافق اخي متفهم جداً في الراي !!

بعدين اختي ام المهدي كلاكما غلطان وغلط زوجك اكبر !!

كلنا صارت معانا هالامور ونسوي غلط غصب عنا وممكن نتهزأ او يفقد الزوج اعصابه بسبب الموقف حتى لو كان تافه !!!

ونزعل منهم وبعدين يراضونا !! لكن الخطأ الاكبر ضرب زوجك لك !!!

مهما توصل المشكله المفروض ماتوصل لدرجة الضرب وعلى سبب تااااااااااااااافه !!

معناته لو كان سبب غير تافه ماراح يضربك وبس!!! راح يذبحك !!

اختي ماقولك اتركي بيتك واطلبي الطلاق ووو..... لا ........ لا تسوينها .

بس بقولك انك اذا سكتي على الضرب فتاكدي انه راح يستمر معاك طول حياتك معاه !!!

وانتي اللي سمحتيله يتمادى وعودتيه !!!


و المفروض انك تكلمين اخوك او اي حد من اهلك تثقين فيه انه عاقل وحكيم بحيث يكلمه ويقوله :

اختي كلمتني باللي صار وماودها تكبر الموضوع وليش تمد يدك عليها

ترى انا لو علي ماخليها عندك دقيقه واحده بس هي طلبت تقعد وقالت بتعطيك فرصه ثانيه

ويفهمه ان الزوج مايمد يده على حرمته وان ما يكرمهن الا كريم وما يهينهن او يضربهن الا لئيم

وان الضرب يكون حل لمشكله ويكون اخر الحلول ويكون عباره عن ضرب بالمسواك

ومن هالكلام حتى يعتذر الزوج ويعرف انها ماسكتت وكلمت اهلها بس بدون ماتترك بيتها

وبدون مايعرف الكل وتكبر السالفه وتوغر الصدور ويكرهونه اهلها .

لان سالفة ازعل وماكلمه واحسسه بغلطه تنفع مع كل شي الا مسالة الضرب ماتنفع معاه!!!

لانه بيمد يده عليك حتى وهو غلطان و يدري انه غلطان بس يقول بعدين براضيها وبترضى !!!

وبيكون عارف انك بتسكتين وبتتسترين عليه !!!

اللحين اذا للحين زعلانه وماتراضيتوا فسوي اللي قلته لك لانه لمصلحتك مستقبلا

حتى مايمد يده عليك وتصير عاده عنده .

والمثل يقول زوجك على ماتعوديه وولدك على ماتربيه !!

فعودي زوجك على الصح ولا تساعديه بالغلط وتسكتين عليه حتى تصير عاده عنده وصعب يتخلص منها وبعدين

تشتيكينه وتقولين يضرب ويكسر مع ان انتي اللي سمحتيله من البدايه !!!


اما اذا تراضيتوا فخلاص لا تكلمين اهلك مو حلوه تعتبر خيانه لانه يراضيك وترضين وبعدين تشتكينه لاهلك

مو حلوه بحقك وحقه !!

بس قوليله انا مانسيت هذاك اليوم وكبرت عقلي لاخر لحظه ولو تكرر المره الجايه لاتلومني ماراح اسكت

ولو كنت تحبني مامديت يدك علي ومن هالكلام .


ملاحظـــه !!!!
تقولين ضربني يجي 10 كفوف والم كتفي وشد شعري ومزعه ووو الخ

كــــــــــــــــل هذا !!! وين احنا !! في غابه !!

تبين تستفزينه استفزيه بس مو على حساب نفسك وانك تنضربين !!!

كيف ترضينها لنفسك !!! المفروض تستفزينه بسكوتك وماتردين عليه وتتركين له المكان

وراح ينقهر ويتحقق اللي تبينه !!! بس ماظن راح يمد يده عليك وانتي تتحاشينه !!

شوفي اختي ام المهدي

تزوجت اصغر منك بس مسالة الضرب هذي ماارضاها لنفسي ابداً !!!!!

ورغم اني تزوجت صغيره وبسن يسهل تشكيلي الا ان مسالة الضرب ماتقبلتها ابدا ولو بالتمليح !!!

كان عندي اقتناع ان --الحره لا تضرب -- !! ولا حتى بالتهديد او التلميح باحتمال استخدام الضرب !!!

واللحين صارلي متزوجه اكثر من 15 سنه بس عمره مامد يده علي ابداً !!

وفي الوقت اللي الحريم يشتكون ان ازواجهم استحاله يعترفون بخطئهم وانا مثلهم كنت اشوف صعوبه في ذلك!!

الا انه مع الوقت صار زوجي يعترف بخطاه!!!

مو فقط معاي واحنا بروحنا حتى مع اهلي لو حدث خلاف يقول بالصريح انا اعترف اني غلطت في هالشي

وانا اعتذر وهي كان معاها حق و.....

شفتي شلون !!!

انا في قلبي اقول معقوله قدرت اغيره واخليه يعترف بسهوله انه غلطان بدون مايكابر او تعترض الكرامه عنده !!!

وهو الكبير والفاهم والعاقل !!!!

والسبب يا اختي المبدأ !!!

الواحده اذا تمشي على الصح والصدق وعندها مبداً يحترمها الكل ويمشي على مبدأها

وانتي ان شاء الله بذكائك وحسن تصرفك راح تقدرين تخلين زوجك يحترمك ومايمد يده عليك مره ثانيه





واذا ماعجبك اختي نصيحتي!!!!!!!! بعطيك نصيحه افضل

انك تدخلين نادي كاراتيه وملاكمه وتسوون حلبة مصارعه في بيتكم لك انتي وزوجك للقتال

وتنادونا نتفرج ونشجع

ومالك الا هذول الحلين

وبالتوفيق والله يسعدك

اختك صريحه جداً

__________________