°¨¨™¤¦ريجيمات لكل الأوقات ¦¤™¨¨° - منتدى عالم الأسرة والمجتمع

24-01-2006, 10:51 PM

princees

من كبار شخصيات المنتدى

تاريخ التسجيل: Mar 2005

المشاركات: 2,815

°¨¨™¤¦ريجيمات لكل الأوقات ¦¤™¨¨°

تقولي لواحدة صحبتك إيه رأيك نتغدي بره ترد تقولك أنا عاملة ريجيم....

تسألي واحدة مالك كده تعبانة تقول لك أنا عاملة ريجيم......

تسألي واحدة رفيعة تقولك أنا عاملة ريجيم..

هو إيه حكاية الريجيم في البلد؟
ريجيم... يعني إيه؟

ريجيم عامة يعنى نظام وريجيم غذائي يعني اتباع نظام معين في الأكل سواء كان في الكمية المأكولة أو الأنواع نفسها أو عدد الوجبات أو مواعيد تناولها.. من الآخر اتباع ريجيم غذائي معناه اتباع نظام معين في التغذية، واللي إنتم ماتعرفهوش إن الريجيم مش شرط يبقى للتخسيس ده ممكن يكون لزيادة الوزن "في حالة إخواتنا النحيفات – اللهم لا حقد ولا حسد"، ومش معناه أبدا إن الواحدة تمارس على نفسها أقصى طرق التعذيب اللي هي طبعا الحرمان من أحلى وألذ متعة أنعم الله بها علينا فاهمينّي طبعا.. "الأكل"، لكن المطلوب منك هو النظام في الأكل.. علشان كده عاوزين نقول ليكِ إن فيه شوية نصائح لازم تتبعيها قبل ما تاخدي القرار "الانتحا...".. إحم إحم "الحكيم" بإنك تعملي ريجيم.. أول حاجة تغيري من عاداتك الغذائية..

ارفعي الشعارات دي

1. لا للرمرمة والتلقيط بين الوجبات.
2. لا للكسل والخمول والرحرحة.
3. لا تراجع ولا استسلام يعني ماتمليش من عدم الوصول للنتيجة اللي إنتِ عايزاها في وقت قليل، بالذمة وزن اكتسبتيه في عشر سنين هتخسريه إزاي في 10 أيام؟

فيه كمان معلومة مهم جدا إنك تعرفيها؛ مش معنى إنك عاملة ريجيم تبقي دبلانة ووشك ضعيف وهتقعي من طولك.. بالعكس المفروض إنك بتاكلي أكل صحي فالطبيعي إنك تبقي في كامل حيويتك ونشاطك، لو حالتك كده واستمرت كده أكتر من أسبوع يبقى إنتِ مابتتبعيش ريجيم مناسب لحالتك الصحية واحتياجاتك الغذائية. آخر حاجة بقى وإنتِ بتنقي الريجيم حاولي تنقي ريجيم تقدري عليه وعلى طعم محتوياته علشان ماتزهقيش؛ لأن ممنوع استبدال حاجة بحاجة في الريجيمات دي إلا فيما ندر. يلاّ هنبدأ الريجيمات.. مستعدة؟
[line]
ريجيم بعد العيد

الهدوم مابتقفلش.. البنطلونات ضاقت والجوب يدوبك بقت على القد.. وده طبعا نتيجة طبيعية بعد مواسم الأعياد ورأس السنة –وبالمناسبة دي كل سنة وإنتم طيبين- وكده يعني علشان كده أنا عارفة الريجيم ده قد إيه إنتِ محتاجاه اليومين دول.. ممكن تنزلي على الريجيم ده من 6 - 8 كيلو جرامات من وزنك في الشهر في حالة التزامك بتطبيقه.. الريجيم ده بيمد الجسم يومياً بـــ750 لـ800 سعر حراري وبيعتمد النظام ده على اتباعك لأسلوب صحي في تناول الطعام.. اتفضلي يا ستي اقري معايا..

الإفطار اليومي

بيضة مسلوقة أو قطعة جبنة قريش 50 جرام أو 3 ملاعق كبيرة فول مدمس+ نصف جريب فروت أو ثمرة خيار أو ثمرة طماطم+ قطعة توست رجيم+ كوب قهوة أو كوب شاي بدون سكر مضاف إليه ربع كوب من اللبن منزوع الدسم.

الغداء اليومي

ربع دجاجة منزوعة الجلد مسلوقة أو مشوية أو 125 جراما من اللحم الكندوز أو البتلو المشوي أو المسلوق أو 250 جراما من السمك المشوي أو 100جرام من الجبنة القريش أو بيضتان مسلوقتان+ طبق صغير خضار مسلوق أو ني (كوسة أو فاصوليا أو سبانخ)+ طبق سلاطة خضراء (ثمرة خيار وثمرة طماطم+10 عيدان جرجير وربع خساية)+ قطعة توست ريجيم.

وجبة خفيفة

"تصبيرة ممكن كده تتاكل على 5 العصر"

كوباية شاي بدون سكر مضاف إليه ربع كوب من اللبن خالي الدسم أو كوب كركديه مضاف إليه بدائل السكر أو كوب عصير ليمون بدون سكر "مر بس مفيد خصوصا إننا في الشتا وبعدين كله يهون علشان تبقي قمر .

العشا اليومي

كوب زبادي منزوع الدسم أو قطعة جبنة قريش 50 جراما أو قطعة لحم وزنها 125 جراما مثل وجبة الغداء+ ثمرة خيار أو ثمرة طماطم+ قطعة توست رجيم.

الفاكهة

في اليوم كله ممكن تاكلي صنف واحد وحبة واحدة من الفاكهة وخليها بعد الفطار بساعتين مثلاً.. خدي برتقالة أو تفاحة أو جوافة أو نصف فنجان فراولة..

[line]

ريجيم الخمس وجبات

وده برضه نوع تاني من الريجيمات ومن اسمه باين، هتاكلي خمس مرات في اليوم الواحد -يلاّ يا ستي افرحي- بس مش أي أكل لازم الأصناف الموجودة في القايمة دي.. آه قبل ما أنسى؛ الريجيم ده ممكن تنزلي عليه من 3-5 كجم في الأسبوع.. تعالي بقى نبص سوا على الريجيم.

الفطار

بيضة واحدة.
50 جرام من الجبنة القريش.
ربع رغيف خبز صغير.
نصف كوب من عصير البرتقال.
شاي أو قهوة بدون سكر+ قليل من اللبن منزوع الدسم.

الساعة 10-11 صباحا

شاي أو قهوة بدون سكر مع قليل من اللبن منزوع الدسم+3 قطع بسكويت خفيف.

الغداء

قطعة لحم مشوية "أو قطعة دجاج مشوية أو سمك مشوي".
كمية من الخضروات معمولة سوتيه أو بطريقة سلطة الخضراوات "ما عدا البطاطس والبقوليات".
كوباية كبيرة عصير طماطم.
فاكهة طازجة "ما عدا الموز والتين والمانجو والعنب".

الساعة 5-6 مساء

كوب كبير من اللبن الرايب+ شاي أو قهوة بدون سكر مع قليل من الحليب.

العشا

بيضة أو 50 جرام جبنة قريش.
ربع رغيف صغير.
كوباية لبن منزوع الدسم.
فاكهة أو سلطة خضروات.

__________________

24-01-2006, 11:06 PM

دلاال

قلم أسرة مميز

تاريخ التسجيل: Sep 2005

المشاركات: 1,391

مبدعة وراااائعة يا أميررررة

تسلمين على وصفااات الرجيم....معلووومات حلووو ومفيدة

يعطيك العافية حبيبتي

__________________
سكنتي روح أحبابج وصرتي القلب وضي العين..
وكثر ماأعشق ترابج كتبت بدمي البحرين

24-01-2006, 11:16 PM

princees

من كبار شخصيات المنتدى

تاريخ التسجيل: Mar 2005

المشاركات: 2,815

ريجيم الشتاء

والريجيم ده مناسب لجو اليومين دول لأن زي ما هو معروف عن الشتا إن الناس بتلاقيها فجأة قعدت تحت البطاطين وكسلت عن كل حاجة ما عدا التليفزيون اللي يحب التسلية طبعا؛ يعني شوية لب على كوبايتين كاكاو ويا سلام بقى لو كيك مع الشاي.. فيه ناس هتقول طفاسة، بس مش هي دي الحقيقة لأن الجسم علشان يشعر بالدفء بيستغل جزء كبير من السعرات الحرارية علشان يحافظ على درجة حرارته عند 37 درجة فيقوم يحرق كميات من الطعام لتعويض الحرارة المفقودة نتيجة زيادة برودة الجو.

علشان كده الناس بتلجأ لتناول الأطعمة الدسمة اللي فيها سعرات حرارية كتير وده اللي بيهدد خطتك في الريجيم. نصيحتي ليكِ بقى تجربي الريجيم ده اللي هيخليكِ تنزلي حوالي من 5-6 كجم في الشهر وفي نفس الوقت تحسي بالدفء وتقولي لي على النتيجة بس أهم حاجة يكون "العزم شديد والقوة حديد"..

الفطار

الريجيم بيبدأ بثمرة فاكهة "برتقالة أو تفاحة أو ثمرة جريب فروت على الريق" + بيضة مسلوقة وقطعة خبز توست واحدة أو ربع غيف عادي+ فنجان من اللبن الرايب أو كوب شاي مع معلقة سكر أو قهوة مع معلقة سكر و3 معالق كوفي ميت قليل الدسم.

الغدا

شريحة لحم حمراء بتلو أو سمكة واحدة مشوية أو مسلوقة أو علبة تونة مصفاة من الزيت، وممكن تحطي عليها ليمون وملح أو ببيضتين مسلوقتين أو حوالي مائة جرام جبنة قريش + 250 جرام خضراوات مسلوقة أو 250 جرام من الفواكه الطازجة + سلاطة خضراء دون تحديد للكمية.

العشا

شريحة لحم حمراء بتلو أو قطعة دجاج مشوية أو مسلوقة أو سمكة واحدة مشوية أو مسلوقة أو علبة تونة مصفاة من الزيت، يمكنك استخدام الليمون والملح، أو ببيضتان مسلوقتان أو حوالي مائة جرام جبنة قريش + 250 جرام خضراوات مسلوقة أو 250 جرام من الفواكه الطازجة + سلاطة خضراء دون تحديد للكمية.

الممنوعات:

1- الحلويات والبسكويت والبطاطس والبطاطا ومختلف السكريات والنشويات.
2- الصلصات بأنواعها سواء بيضا أو كاتشاب وكمان التوابل.
3- المشروبات الغازية.

ملاحظات:
1. لو لقيتِ نفسك عاوزة حاجة ساقعة استبدليها بالدايت.
2. لو حبيتِ تاكلي قطعة شيكولاتة، كليها الصبح علشان تلحقي تضيعي السعرات الحرارية بتاعتها خلال اليوم.
3. لو بتحبي الآيس كريم زي حالاتي في الشتا ممكن تستبدليه بوجبة الغدا أو العشا.

[line]

ريجيم مايو كلينك

"مايو كلينك" هو واحد من أنظمة الريجيم الشهيرة جدا للتخلص من الوزن الزايد، وبيفضله كتير من خبراء الريجيم، و"مايو كلينك" بيعتمد على العلاقات الكيميائية الموجودة بين الأطعمة المختلفة والاستفادة من هذه العلاقات المتداخلة (يعني بالبلدي فاكرين لما كنا في الحساب بنشيل ده قصاد ده في ابتدائي) علشان تفقدي أكبر قدر ممكن من وزنك.. امشي إنتِ بس على النظام ده بحذافيره وهينقص وزنك خمسة كيلوجرامات في 13 يوم، وبيفضل ممارسة الرياضة معاه لمدة ساعة يوميا، بس فيه حاجة لازم تاخدي بالك منها إن النظام ده ماينفعش غير "للأصحاء فقط" (يعني لا ضغط ولا سكر ولا أي أمراض تانية تأثر على أكلك)، وأهم حاجة بتميز الريجيم ده إنه بيحتوي على قدر كبير من البروتينات، خاصة الحيوانية (ما هو أمريكاني بقى)، والحاجة الوحيدة اللي بتنقص بشدة في الريجيم ده هي النشويات.

اليوم الأول

الفطار: نسكافيه بدون سكر
الغدا: بيضتان مسلوقتان+ سبانخ مسلوقة بالماء+ ثمرة طماطم
العشا: قطعة ستيك كبيرة+ سلطة بالزيت والليمون

اليوم التاني

الفطار: شاي باللبن مع سكر قليل+ قطعة بسكويت بدون سكر
الغدا: قطعة ستيك+ سلطة فواكه
العشا: شوربة خضار

اليوم التالت

الفطار: نسكافيه سكر قليل+ قطعة بسكويت بدون سكر
الغدا: بيضة مسلوقة+ شوية كرفس أو بروكلي مسلوق في الميه مع قليل من الزبد+ ثمرة طماطم+ حبة كلمنتينا (اليوسفي الصغير الأحمر( أو يوسفي
العشا: بيضتان مسلوقتان+ قطعة ستيك صغيرة+ طبق صغير من السلطة

اليوم الرابع

الفطار: شاي باللبن مع سكر قليل+ قطعة بسكويت بدون سكر
الغدا: بيضة مسلوقة+ قليل من الجزر المسلوق أو المطبوخ مع قليل من الزبد والماء+ قطعة سمك صغيرة
العشا: سلطة فواكه+ كوب لبن صغيرة

اليوم الخامس

الفطار: جزر مطبوخ مع قليل من الزبد والماء والليمون
الغدا: قطعة سمك كبيرة مشوية بدون دهن+ ثمرة طماطم
العشا: قطعة ستيك كبيرة+ سلطة بقدونس مع بصل مع ليمون مع زيت

اليوم السادس

الفطار: نسكافيه بقليل من السكر+ قطعة بسكويت بدون سكر
الغدا: قطعة دجاج مشوية أو مسلوقة أو مقلية+ سلطة
العشا: بيضتان مسلوقتان+ سلطانية صغيرة جزر مطبوخ

اليوم السابع

الفطار: شاي بدون سكر
الغدا: قطعة لحم مشوية+ فواكه
العشا: زي ما تحبي لكن من غير سكر

اليوم التامن

الفطار: جزر مطبوخ مع قليل من الزبد والماء والليمون
الغدا: قطعة سمك كبيرة مشوية بدون دهن+ ثمرة طماطم
العشا: قطعة ستيك كبيرة+ سلطة بقدونس مع بصل مع ليمون مع زيت

اليوم التاسع

الفطار: نسكافيه بدون سكر
الغدا: بيضتان مسلوقتان+ سبانخ+ كوب شاي
العشا: لحم مشوي+ خيار+ طماطم+ شاي

اليوم العاشر

الفطار: شاى باللبن مع سكر قليل+ قطعة بسكويت بدون سكر
الغدا: بيضتان مسلوقتان+ سبانخ+ شاي
العشا: بيضتان مسلوقتان+ جبنة قريش+ ربع رغيف+ كرنب

اليوم الـ11

الفطار: قهوة أمريكية (بدليها بنسكافيه ولا تزعلي نفسك) سكر قليل+ قطعة بسكويت بدون سكر
الغدا: بيضتان مسلوقتان+ فاصوليا خضراء+ شاي
العشا: سمك مشوي+ سلطة + ربع رغيف+ جريب فروت

اليوم الـ12

الفطار: شاى باللبن مع سكر قليل+ قطعة بسكويت بدون سكر
الغدا: سلطة+ فواكه طازجة
العشا: لحم مشوي+ طماطم+ خيار

اليوم الـ13

الفطار: جزر مطبوخ مع قليل من الزبد والماء والليمون
الغدا: دجاج+ طماطم+ جريب فروت
العشا: دجاج+ طماطم+ جزر+ كرنب+ جريب فروت

خلّي بالك

لازم توزني نقسك مرة كل أسبوع ولو حسيتِ إنك خلاص مابتخسيش فمعنى كده إن الجسم اتأقلم على الوضع الجديد، وماعادش بيؤثر فيه النظام ده... ولا يكون عندك فكرة برضه الحل عندي... خدي راحة لمدة 48 ساعة، وعيشي حياتك في الأكل (يعني كلي اللي على مزاجك، حتى الحلويات مسموحة ساعتها) وبعدين ابدئيه من جديد.

__________________

24-01-2006, 11:17 PM

princees

من كبار شخصيات المنتدى

تاريخ التسجيل: Mar 2005

المشاركات: 2,815

ريجيم النحافة

الريجيم ده للنحفاء ققط وماتستغربوش إني باقول ريجيم لأن كلمة ريجيم زي ما قولنا كلمة معناها نظام غذائي بشكل عام مش شرط للتخسيس.

طرق علاج النحافة

فيه طرق كتير لزيادة الوزن أكثرها شيوعا الأعشاب لكن عامة مابننصحش بتناول أي عشب إلا بعد معرفة تامة لمكوناته وجرعته وبنفضل إن الحكاية دي تكون تحت إشراف طبي كامل..

الوصفة الأولى:

هاتي حب العزيز (من عند العطار) ودقيه وانقعيه في المية لمدة ليلة كاملة، ثم اهرسيه وصفيه وضيفي له سكر واشربي منه يوميا لمدة أسبوعين.

الوصفة الثانية:

هاتي تين وينسون وحطيهم مع قليل من الماء في إناء وسيبيه شوية على نار هادية وافطري من الخليط ده لمدة أربعين يوم.

الوصفة الثالثة:

حطي 150 جرام حلبة في كمية من الماء واغليها على النار أربع أو خمس مرات وكل مرة بمية جديدة ثم اطحنيها لغاية ما تنعم وضيفي لها قدها دقيق ناعم وضيفي للعجينة اللبن البقري حتى يتكون شراب ناضج وحطي عليها عسل نحل وحركيها على النار واشربيه وهو سخن.

نظام البروتين البودرة لزيادة الوزن

فيه طرق تانية بتعتمد على دواء على هيئة بودرة بتتميز بغناها بالبروتينات والدهون والفيتامينات وصرح أطباء التغذية باستخدام البودرة دي كغذاء مكمل إضافي للمصابين بالنحافة ولعل أشهر أنواع هذه البودرة الـ"سوستاجين" ودي طبعا من الصيدلية...

الفطار:

جبنة دوبل كريم.
2 معلقة عسل نحل أو مربى بالقشدة.

تصبيرة:
2 معلقة سوستاجين مذابة في كوب ماء.

الغدا:
200 جم من اللحم أو ربع فرخة أو 2 سمكة مقلية.
أرز بالخلطة.
خضروات.
معلقة صغيرة عسل أسود.

ع العصر:

كيك أو بسكويت.
كاكاو باللبن أو حلبة ناعمة.

العشا:
بطاطس بوريه باللحم المفروم.
كوب زبادي بالعسل الأسود.
2 معلقة عسل نحل بغذاء ملكات النحل.

قبل النوم:

كوب لبن + 3 ملاعق سوستاجين.

نصائح عامة لعلاج النحافة

1.ممكن تلجئي للأدوية الفاتحة للشهية واللي بتساعد على تناول الطعام مثل فيتامين ب6.
2. تناول الطعام في أماكن مفتوحة هادئة والأحسن الأكل مع مجموعة.
3.إضافة البهارات والأعشاب للأكل وده بيديه نكهة فاتحة للشهية.
4. البحث عن أي مرض عضوي أو نفسي يسبب سد الشهية وعلاجه، فكثيراً ما يكون سبب النحافة أمراض هرمونية أو عضوية، لذلك:

- لو حسيتِ إن وزنك في نزول مستمر فلازم تروحي للدكتور للفحص والكشف عن الأسباب وغالبا هيطلب منك تحليل لهرمونات الغدة الدرقية ونسبة السكر بالدم وتحليل للديدان المختلفة اللي غالبا بتبقى سبب النحافة.

- السلطات الخضراء بكميات معتدلة لفتح الشهية وإمداد الجسم بالفيتامينات والأملاح الضرورية له.. وفي الوقت نفسه اوعي أنك تزودي منها لأنها ممكن تسبب لك شعور بالامتلاء.

- ممنوع تناول الماء قبل أو أثناء الطعام علشان شهيتك ماتقلش.

- تناول 6 وجبات صغيرة أفضل من وجبتين كبيرتين وده أسهل في عملية الهضم والامتصاص وبيدي فايدة في زيادة الوزن.

- تناول الأطعمة الغنية بالكالسيوم والماغنسيوم فهي تساعد في هدوء أعصابك وتجعلك هادئاً ومطمئناً.

- تناول معلقتين من عسل النحل مع معلقة من خل التفاح قبل النوم تديكي نوم هادئ وبتمنع عنك الأرق قبل وأثناء النوم وده بيساهم في تحسن شهيتك.

سلطات لفتح الشهية

فيه بقي طرق تانية بتعتمد على أكلات هي نفسها تفتح النفس أولها السلاطة لأنها بتحتوي على مواد ذات نكهة طبيعية بتزود إفرازات الإنزيمات الهاضمة فبتساعد على الهضم، ده بجانب احتوائها على عدد كبير من الفيتامينات والأملاح المعدنية الفاتحة للشهية، والمهمة للجسم.

وبتستخدم في إعداد السلطات أنواع كتيرة من الأغذية زي: الطماطم والبصل والثوم والخيار والفلفل الأخضر والبقدونس والجزر والخس، والبنجر والخرشوف والكرنب.. وفي بعض الأحيان بيضاف للسلطة بعض المواد المشهية مثل "الخل، التوابل، الزيوت النباتية، والليمون" وأحياناً بيضاف لها الصلصات المختلفة مثل "الصلصة الحريفة، المايونيز، والصوص المتبل"، كل ده علشان تكون مشهية وتساعد على الهضم.

الطماطم.. هي الحل

بتشكل الطماطم المادة الرئيسية في عمل السلطات والصلصات المشهية.. لأنها بتفيد في هضم الأطعمة النشوية واللحوم وبعض الخضراوات..

هذا بالإضافة إلى إن الطماطم غنية بفيتامين "أ، ج، ب1، ب2"، ومجموعة من الأملاح المهمة للجسم عامة. وبالإضافة لأنواع السلطات التقليدية التي تشارك فيها الطماطم هناك عدة أنواع من الصلصات بتتعمل منها زي:

الصلصة الحريفة

وهي نوع من الصلصة بيتحط على اللحوم المشوية، وبعض الخضروات والأطعمة الأخرى.. فتساعد على فتح الشهية بشكل ملحوظ.

وبيتم إعداد الصلصة كما يلي:
يتم اختيار الطماطم الناضجة، وتغسل جيداً ويزال منها الأجزاء غير المرغوب فيها.. ثم تصفى وتحضر لعمل الصلصة الحريفة.

المقادير:

- كيلو طماطم "وتحضر كما سبق".
- بصلة كبيرة.
- قليل من الملح والشطة.
- معلقة صغيرة فلفل أسود.
- كوب خل.
- 5 فصوص ثوم.
- 3 قرون قرنفل.
- معلقة كبيرة سكر.

الطريقة:

- اخلطي عصير الطماطم بالبصل والثوم الناعم، وترفع على النار حتى يتكون مزيج غليظ.
- صفي الخليط بوساطة مصفاة.

- اغلي الخل مع البهارات لمدة 10 دقائق ثم ضيفي للخليط الطماطم بالبهارات مع السكر.. ثم يرفع على النار حتى يغلظ، ويعبأ في زجاجات معقمة وتحفظ لحين استخدامها لتغطية المأكولات المشوية والأسماك والسلطات فتعطي الشكل والطعم المقبول اللذيذ.
الباذنجان اللذيذ
يتميز الباذنجان بأن له نكهة مرغوبة، ومذاقاً طيباً.. ولكن اللي بيعيب الباذنجان أن سعراته الحرارية منخفضة، وقليل القيمة الغذائية.. لذلك يفضل إنك تضيفي ليه بعض المواد الغذائية الأخرى لتدعيم قيمته الغذائية، والحصول منه على نكهة ألذ وأطعم.. ومن الأكلات الشهيرة واللي لها أثر فعال في فتح الشهية سلطة بابا غنوج، التي بيستخدم فيها الباذنجان مع الطحينة.

البابا غنوج

المقادير:

- نصف كجم باذنجان رومي.
- نصف كوب طحينة بيضاء.
- 4 ملاعق خل.
- قليل من الملح والفلفل والشطة "حسب الطلب".
- 3 معالق زيت.
- بقدونس مفري.
- 3 فصوص ثوم.

الطريقة:

- اشوي الباذنجان واهرسيه لغاية ما ينعم بعد التقشير.
- اطحني الثوم مع الملح والفلفل وضيفي له الطحينة البيضاء.
- ضيفي الباذنجان المهروس للطحينة مع قليل من الشطة.
- قلبي الخليط وزينيه بالبقدونس.
الطحينة.. وصلصات مشهية لعلاج النحافة
ومن الممكن استخدام الطحينة مع الثوم والفلفل والكمون والخل في إعداد صلصات فاتحة للشهية كما يلي:

صلصة الحمص بالطحينة لزيادة الوزن

الحمص من البقوليات التي تحتوي على نسبة 24 % بروتين بالإضافة إلى 9.5 % مواد دهنية، بالإضافة إلى نسبة أملاح الكبريت والفوسفور والفلور والبوتاسيوم والكالسيوم والحديد.
ومائة جرام من الحمص تمد الجسم بما يقرب من 300 سعر حراري.. لذا يفضل تناوله للراغبين في زيادة الوزن.. ومن الممكن استخدام الحمص مع الطحينة في إعداد صلصة فاتحة للشهية، وذات قيمة غذائية عالية.

المقادير:

- ربع كجم حمص حصى.
- كمون، ملح، وبقدونس مفري
- ربع كوب خل.
- 6 فصوص ثوم مهروس.
- نصف كوب عصير ليمون.

الطريقة:

- يتم نقع الحمص بعد التنقية ليلة كاملة في الماء.
- يصفى ثم يضاف إليه ماء جديد ويرفع على النار.
- بعد النضج يهرس الحمص، أو يضرب بالخلاط.
- يضاف الملح والكمون والثوم المدقوق والخل والليمون إلى الطحينة ويتم التقليب جيداً.
- يضاف الخليط السابق إلى الحمص المطحون.
- يوضع الخليط في أطباق، ويزين.

ده عددنا عن الريجيم المرة دي وأي استفسارات انا تحت أمرك..

__________________

24-01-2006, 11:29 PM

مشكلتي اصدق

قلب المنتدى النابض

تاريخ التسجيل: Jan 2006

المشاركات: 3,893

مغريه بس صعبه شوي

26-01-2006, 12:18 AM

princees

من كبار شخصيات المنتدى

تاريخ التسجيل: Mar 2005

المشاركات: 2,815

اقتباس:

المشاركة الأصلية كتبت بواسطة دلاال

مبدعة وراااائعة يا أميررررة

تسلمين على وصفااات الرجيم....معلووومات حلووو ومفيدة

يعطيك العافية حبيبتي

__________________

26-01-2006, 12:19 AM

princees

من كبار شخصيات المنتدى

تاريخ التسجيل: Mar 2005

المشاركات: 2,815

اقتباس:

المشاركة الأصلية كتبت بواسطة مشكلتي اصدق

مغريه بس صعبه شوي

__________________

26-01-2006, 12:49 AM

حبيــ فقط ــبتك

قلم مبدع

تاريخ التسجيل: Feb 2005

المشاركات: 731

جزاك الله الف خير صج محتاجة له وخاصة اني مقبله على الزواج واعاني من زيادة وزني بشكل بسيط ، شكرا لك

__________________

اللهم ارزقني قبل الموت توبة وعند الموت شهادة وبعد الموت جنة

اللهم ارزقني حسن الخاتمة

26-01-2006, 01:01 AM

princees

من كبار شخصيات المنتدى

تاريخ التسجيل: Mar 2005

المشاركات: 2,815

اقتباس:

المشاركة الأصلية كتبت بواسطة حبيــ فقط ــبتك

جزاك الله الف خير صج محتاجة له وخاصة اني مقبله على الزواج واعاني من زيادة وزني بشكل بسيط ، شكرا لك

__________________

26-01-2006, 03:37 PM

#10

غزال الرافدين

عضو جديد

تاريخ التسجيل: Dec 2005

المشاركات: 10

وااااااااااااااااااااااااو
مووووووضوع رووووووووووعه
الله يعطيك العافيه اختي مشكوره

ضوابط المشاركة
لا تستطيع إضافة مواضيع جديدة لا تستطيع الرد على المواضيع لا تستطيع إرفاق ملفات لا تستطيع تعديل مشاركاتك BB code متاحة الابتسامات متاحة كود [IMG] متاحة كود HTML معطلة قوانين المنتدى

روابط سريعه