امممممممممم
بصراحة الموضوع محرج شوي
المرأة دايما تتحسس من اي تعليق سلبي يخص شكلها او جسمها خاصة لو كان هالتعليق من الزوج
لو تبا رأيي ... اول شي اتاكد ان الملاحظات اللي عندك تخص اشياء هي تقدر تتخلص منها او تحسنها .. يعني لا تطلب منها شي هي ما تقدر تسويه .. مثلا مشكلة الوزن الزايد لو انت متاكد ان سبب زيادة الوزن هو الاكل الزايد او عدم ممارسة الرياضة اوكي .. لكن لو كان بسبب مشاكل صحية اة هرمونية او سبب وراثي او حتى ان هذي تكون طبيعة جسمها (لان معدل الايض يختلف من شخص لاخر وممكن بنية جسمها تكون عريضة اصلا) فيكون التخلص من الزيادة في الوزن شبه مستحيل فلا تطبل منها شي ما تقدر تسويه وممكن يهز ثقتها بنفسها و يبني حاجز بينكم..

الشي الثاني .. يوم بتكلمها عن هالملاحظات اللي عندك اختار الوقت المناسب و هي الشي انت اللي تقدر تحدده من شكل علاقتكم و فهمك لشخصية زوجتك ... وبعدين لا تنتقد اكثر من شي في نفس الوقت ... لان هالشي ممكن يحسسها انك مو ملاحظ فيها الا عيوبه .. يعني وحدة وحدة .. و كل ما تنتقد شي امدح الجوانب الثانية في شخصيتها و في شكلها ..

اهم نقطة .. ان هالشي يصير بينك و بينها بس ,.. يعني لا تقولها هالملاحظات قدام اي حد من اهلك او اهلها و الاهم انك ما تقارنها باي حد .. يعني لا تقولها لو جسمج مثل فلانه بتكونين احلى .. ولا حتى فلانه سوت جي فنزل وزنها سوي مثلها .. حتى لو كانت فلانه هاي اختك او اختها او امك او امها ...

حلو انك خايف على مشاعرها ... بس الاحلى لو تحاول تتقبلها مثل ما هي ... يعني لا تخلي هالتغيير شرط في علاقتكم او شكل تعاملك وياها .. و كثر من الكلام الحلو و التصرفات الحلوة (اللي بالي بالك عشان هي ما تحس انك كاره جسمها او تنفر منه)

تحياتي لك وللمدام