هلا عزيزتي mayameen

انا عمري 20 سنه وتقريبا من انا عمري 12 سنه فيني شعر ابيض

بس الصراحه معجبه في شعري .. ما احس انه عيب ولا حرام

خلقة رب العالمين ما عليها اعتراض

وانا نفسك عندي الشعر الابيض بالوراثة

واحيانا احني شعري .. ويطلع شكله حلوو كأنه هايلايت

واحيانا اخليه ابيض ب 6 شهور عادي

وزوجي يوم يشوف شعري .. يقول اشوف طلع لك الشعر الابيض

اقوله اي ادري حلو شكله صح؟؟

هني هو يسكت وطبعا مستحيل يقول لا .. يقول اي

طبعا زوجك ارحم الحمدلله لأنه ما يعلق .. اما زوجي فكثير التعليق (انا مش متزوجه بس مالكه)

واذا طلعت سالفه اقوله حلو الشعر الابيض ومخلي شكلي مميز عن غيري

والحين هو ما يتجرأ يقول شي..

وانا من داخلي الحمدلله مقتنعه وصدقيني هذا الشي عادي والكل تقريبا يعاني من الشعر الابيض



وبقولك شي.. دايما افكر بموضوع

اقول الحرمه اذا كبرت وطلع لها الشعر الابيض طبعا زوجها بلاحظ هالشي ويمكن يقول في خاطره زوجتي كبرت او من هذا القبيل

بس انا مستقبلا حتى لو كبرت بالسن زوجي ما بيقدر يلاحظ هالشي على طول.. لأن طبيعة شعري ابيض

شورايك؟

مشكورة اختي ..
بس تصدقي جات على بالي هالفكرة الي اهي انه لما اكبر مابتفرق لانه انا الشعر الابيض يطلع من الحين
يعني لو طلع بعدين ماراح يحس انه شعر ابيض لاني كبرت

بس مع ذلك ودي اشوف حل

شوفي ياعمري انا مثلك شعري فيه شيب وعمري صغير لانه وراثه من الغاليه امييييييييييييي
بس نصيحه لالالالالالالالالالالالالالالالالاتصبغين لانه راح يزيد ولكن عليك بلحناء والله كل من شاف شعري اعجبه اللون
في البدايه الله يسلمك حني الشعر كله وبعدعدةاشهر اذاطلع حني الجذورمن الامام فقط

واناطبعي فوزوعه احب اعطي الكل فاليك خلطة الحناء الخاصة بي
نقعي بابونج في ماءحار+غجر(كركدية)اللي يكون في اوراق زي الليبتون0 واحدة تكفي+عصيرنصف ليمونة+شوي
زعفران لعدة ساعات ثم صفيهم واضيفي الحناء وحني شعرك وادعي لي