السلام عليكم ورحمة الله وبركاته

كنت قد كتبت موضوع عنونانه احترت مع خطيبي

http://www.66n.com/forums/showthread.php?t=74955

وجايتكم اليوم ودموعي على خدي لأنه أمي اتصلت بوالدة خطيبي وأخبرتها انه خلاص نبي نفصخ الخطبة لأنه مستحيل اعيش معاه واهو تفكيرة بهالطريقة وانه حتى مااعتذر الى الان ولا كنه يهمه شي
أنا احمد ربي لاني استخرت وانا راضية بالي الله يكتبة لي لانه اكيد بيكون خير لي ..
أتمنى منكم انكم تدعون لي بالصبر لاني متضايقة حيييل احس مالي نصيب ولا لي حظ بهالدنيا وانه الله يرزقني الزوج الخير الصالح عاجلا غير اجل .. ولكم جزيل الشكر والامتنان .. فجر

__________________

عزيزتي

قولي الحمدلله انج انفصلتي وانت بعدج بنوته حلوه و ما سموج مطلقه

وبعدين قدر الله وما شاء فعل ... وعسى ان تكرهوا شيئا وهو خيرا لكم

عزيزتي لا اتقولين ان مالج حظ بهالدنيا

ليش ما اتفكرين ان انت الله اختارج من بين ملايين وخلاج محظوظه بأنج تكتشفين خطيبج من البدايه

ليش ما اتشوفين اللي مصيبتهم أكبر واتزوجو وبعضهم جابو عيال والحين انفصلو

دائما حبيبتي شوفي الاجانب اللي في صالحج عشان ما تتضايقين وايد

والحمدلله على كل حال.. عزيزتي اقبلي هالموضوع بالحمد عشان الله يرزقج باللي أحسن منه

والله يوفقج في حياتج و الدموع انسيها لأنها ما تنفع

أعرف ان هالشي غصبا عنج ... بس ان شاء الله هاي مرحله وبتمر بسرعه وبتفرحين بعدها

بالتوفيق عزيزتي

اختي العزيزة مادمت قد استخرت الله في امرك فاكيد كان قرارك هو الصحيح

والايام كفيلة بان تنسيك تجر بتك وانت لم تكوني غلطانة ابد بالعكس حاولتي لاخر لحضة ان تصلحي الوضع


مازلت صغيرة و حلوة ورشيقة الف واحد يتمناك وان شاء الله قريبا تبشرينا بخطبتك لشخص يستاهلك

الحمدلله على كل حال
تهوم مصائب الدنيا كلها المهم ان الانسان ماينصاب بدينه

وبيني وبينك احسن

الله يعوضك خير ويصبرك
وعليك بالدعاء عسى ربي يرزقك احسن منه في كل شيء
دينا وخلقا وعقلا

تحياتي

لاحول ولاقوة الا بالله الله يصبرك حبيبتي والله انه مايستاهل دموعك وان شاء الله ربي يعوضك خير ....................

ولايهمك يابعدهم ان شاء الله ربي كاتب لك احسن منه واحمدي ربك انها مجرد خطوووبه لاني انا كنت مملكه واستخرت ربي وصارات مهاوشات بيني وبينه لحد ماربي اختار الفراق بينا وعلى طول صليت ركعتين اخر الليل وقلت يارب انك تعوضني بأحسن منه وبالفعل والله ياعزيزتي ماكملت اسبوووع كامل حتى انخطبت من سبع اشخااااص مره وحده<<<<<<<قولوا ماشاء الله
وتأكدي انه الله كاتب لك احسن منه....

وعسى ان تكرهوا شيئا وهو خير لكم....ابشري بالخير دامك استخرتي ربك...ما بتخسرين شي ......ولكن انتبهي في المرات الجايه.....

__________________
[/IMG]

مشكورة أختي حايرة والله خففتي علي وايد الله يجعلها في ميزان حسناتج يوم القيامة .. مشكورة أختي على المرور لك إحترامي وتقديري

__________________

شكرا جزيلا على كلماتك الراقيه والله يجعلها في ميزان حسناتك خففتي علي وايد .. ربي يوفقج ان شاء الله .. لك احترامي وتقديري

__________________

عزيزتي أم اليمان أشكرك من كل قلبي على كلماتك الراقية والي دخلت قلبي ربي يسمع منج ان شاء الله .. لك احترامي وتقديري

__________________