السلام عليكم....

بصراحة أخوي غريب قادم أنا قريت هذا الموضوع من أول يوم نزلته في منتدانا اللي أكثر من رائع .... وقلت ليش ما

أجرب قبل ما أشارك برد على الموضوع ..... وذاك اليوم أول ما رجع زوجي من الشغل استقبلته عادي ولا حسسته إنه

في خاطري شئ ناويه أسويه .... عقب ما ارتاح له شوي قال إنه بيطلع عنده شغله بيقضيها .... قبل ما يفتح باب البيت

ناديته وقلت له تعال أبيك ... رجع وقال نعم وش تبين .... رحنا غرفتنا وقلت له أبيك إنت مع بعض النظرات والحركات

اللي تبين له إني أبي( 00000) ....تدري عزز بعمره وثقل ( لأنه يبي يروح يقضي شغلته مثل ما قال ) .... ساعتها أخوي

غريب قادم ما أقدر أوصف لك الشعور اللي حسيت فيه وأنا أحاول معاه وهو يرفض التجاوب معاي .....ويوم قلت له بس

خلاص روح ( لأنها ما هانت علي نفسي أكثر ) .... قال شنو روح خلاص ( طلع هو بعد يبي ) ... وصار اللي خبرك .... بس

تدري ... كانت قوته وحركاته مو مثل الليالي العادية اللي ندري بيصير فيها شئ ... لا وأزيدك من الشعر بيت ... وحتى

بعض الأمور تغيرت بعد اللي صار ، مثل... قام يقعد معانا ( انا والعيال ) أكثر من قبل ، ما قام يعصب على أشياء

(اعتبرها تافهه ) مثل أول ، والأكثر قام يسألني عن بعض المواضيع التاريخية والاسئله العامة اللي مايعرف عنها شئ (

أنا أحب القراءة وأقرأ أي شئ يطيح بإيدي وهو ما تستهويه القراءة ) مع إنه ومن غير ما أحلف ما كان يسويها من

قبل حتى لو يدري إنه ما بيحصل على الجواب إلا عندي إلا نادراً ( يمكن يخاف تهتز صورته لما يسأل ) ... شاقول لك

أخوي غريب قادم تغيرت حياتنا في كم يوم وناويه بإذن الله استمر على هالحركة... ومهما شكرتك ما أوفي حقك . ما

أقول إلا رحم الله والديك وجعله إن شاء الله في ميزان حسناتك ، ولاقطع الله عنا مواضيعك وإبداعاتك المميزة .