مشكلتي هي اني ما احب ارد على الجوال اذا شفت رقم غريب او مو غريب يصيبني خوف واحيانا ما ارد وبعض الاحيان ارد لكن بعد ما اقووووول اللهم اجعله خير تخيلوا في بعض الاحيان يتصل ابويه ولا ارد عليه واحصل رقمه بمسج خدمة موجود واجمد سواء هوا او غيره والمشكله اذا رقم غريب وكرر الاتصال وانا محول جوالي يصيبني قلق وخوف وافتح جوالي وانا انتضر اتصاله واذا اتصل يوووووووووه اقلب فوق تحت ترى لماذا
مع العلم اني عصبي وهذا ما لاحظه الناس فيني سواء زملاء او اصداقاء بس انا ما احس نفسي عصبي الا في مواقف تستدعي هذا الشي
وثاني شي عملي جدا حساس فيه خدمة الناس بس كونوا متأكدين انه مو هذا السبب نهائيا ولماذا لا حتي ابوي واخواني لم يتصلون اجمد واعطيهم كم يوم واتصل
وللفايده وحل المشكله احول جوالي على مفصول بعد عشان اللي يتصل يتأكد ان مو محول على مفصول
تحياتي فتى عصبي السعوديه جده

انا أحيانا يصيبني توتر لما يرن الجوال

بس أرجع وأقول ايش سويت علشان أخاف، وأتوكل على الله والا ليش مطلع جوال ؟؟

بس في العادة اللي يخاف يكون اما انه مسوي مصيبة ومتهرب أو انه ما يبي أحد يوصيه بخدمة مثلا، أو تلاقيه صارت له قصة في التلفون مثلا جاه خبر مفجع او سووا عليه مقلب فتعقد من التلفونات

نصيحة دق على الناس حاول تكثر من اتصالاتك عليهم وراح بعدين تتعود على التلفون، اتصل بس على الأقل تسأل عن الأحوال وتقفل، بعد كذا راح تتعود تستقبل مكالمات منهم ويصير شيء طبيعي انه يرن جوالك

انا جربت الحركة هذه وخففت معاي كثير