الله معاك ، نصيحتي إلك انك تحاولي انك تغيري من نفسيتك،يعني تعملي اشياء زوجك بحبها ..وبعدين كيف بتحبو بعض وما عم يألفك؟
وكيف في بشخصيتك ما يريد ولكنه لا يحس بهذه الألفة ..اصلا الحب تآلف بين روحين.( الارواح جنود مجندة ما تآلف منها إئتلف وما تنافر منها إختلف ) ؟ وليش زوجك المتدين ما حس بعدم الألفة إلا بعد سنة يا عيني عليه صابر..
الكلام غير منطقي أساسا وانا برأيي انه مع إحترامي إلك مل وحابب يغير حياته،كلامه غير منطقي غير منطقي ...وبعدين بما إنو مش متآلف معاكي مع الإحترام الشديد إلك كيف خلف منك ؟؟؟؟؟
يعني حدا يقنعني؟؟؟؟ هو بدو يتزوج و فكر كتيير ما لقا فيك عيب فبرر بهالمبرر الفاشل ..
الدين حلل للرجل الزواج بأربعة، في حالة إنو في خلل من عند زوجته اوعيب تستحيل معه الحياة الزوجية أو لأي سبب مقنع ؟؟؟( سمعتي مقنع عزيزتي ) ..فهو ضلوا يدور يدور لحد ما ألف هالمبرر التافه..
وزي ما بتحكي جدتي وجدتك ( الضرة مرة ) وكمان كانوا بيحكوا ولحد هلأ بحكوا ( إلعب وحدك تيجي راضي ) ..يعني كل وحدة في بيت اريح لراسك..
وعلى فكرة هو ذكرني بالحاج متولي كان يتزوج كل عشان مصالح شغله ، وزوجك مسكين حيتزوج التانية عشان ما بألفك وحيتزوج التالتة عشان مش طايق التانية وحيتزوج الرابعة عشان إنشاالله تكون تخينة وتكبس على نفسه ..
ولعلمك بس انو الواحد لما يروح يخطب وحدة في إشي من ربنا بخليه ينجذب للطرف التاني ، يعني ما بتشوفي واحد حلو كتيير ما خد وحدة بشعة كتيييييييييييييييير, بس حالة زوجك غريبة شوي يمكن يوم ما خطبك كان يتخيلك وحدة تانية ؟؟؟؟؟
وتقبليني بصدر رحب ...