احبائي احد اصدقائي خاطب من بنت خالته ويعرفون بعض من الصغر وعمره 22 وعمرها 19سنه المهم صار لهم 4 شهور من العقد تقريبا ويخرجون مع البعض من دون تعقيدات.........

المهم محور المشكله هو ان صديقي يأتيني دائما ويطلب مني افكار رومانسيه ورسايل جوال غراميه وانا طبعا اسرق الافكار من المنتدى واسوي نفسي فاهم... (لاتلوموني عطيته الموقع) وخطيبة صديقي تدرس في الكليه ودائما يشتكي لي من برودها ويقول انه ارسلها الهدايه ودائما يتصل عليها في الجامعه ويسأل عن اخبارها والرسايل ماشاالله يوميا من 3 الى عشر رسايل ... ويوصف لي خطيبته ويقول انها من النوع الكتوم واكثر وقتها مشغوله بلدراسه وبعض الاحيان تتعذر بلدراسه اذا ماتبغى تخرج معاه وماقد سمع منها كلمة اعجاب وبصراحه البنت على نيتها وطيبه مررره وكل جماعتها يحبونها ومحافظه على دينها .. ومره مرض صاحبي وماسألت عنه البنت الا اليوم الثاني برساله يعني ماتصلت (يمكن لالنها تستحي) وبصراحه الرومانسيه في وادي وهي في وادي ودائما يقول لها اشعار ويتغزل فيها لكن يحس انه يكلم جدار بصراحه يكون واضح على البنت اذا استشعرت الكلام الحلو لكن خطيبته كأنها تسمع كلام عادي ..... وصديقي بدأ يوسوس ويقول يمكن فيه واحد ثاني في قلبها او انها ماتحبني او او او...... وهو يبغى يعرف حاجه وحده بسسسسسسسس كيف يعرف ان خطيبته تحبه؟
اول ماكلمني على المشكله ما اخذت الموضوع على محمل الجديه لكن صديقي واعرف متى يتكلم من قلبه وبصراحه حطيت نفسي مكانه وحسيت اني ما بتحمل وياريت تساعدونه بللي عندكم................. تحياتي

__________________

ياأخي إذا عقد عليها يعني زوجته أرجو الانتباه لهذا الأمر فهناك فرق بين الخطوبة والعقد ( الملكة ) أما بالنسبة للسؤال هل تحبه زوجته أولا ! هذا الأمر هواللي يحس فيه مب أي شخص ! ومب معناة أنها ماتوضح مشاعرها أنها تحب شخص آخر لم سوء الضن! يمكن هي تستحي أو يمكن أنها ماتعرف تعبرعن مشاعرها مافيها شيء لوعلمتها كيف تعبرلكَ عن مشاعرها أويمكن الأخ رومانسي زيادة عن اللزوم
أفضل شيء المصارحة بين الزوجين كلمها بصراحة واسألها ليش تتصرف معاك بهالطريقة وبالتوفيق إن شاء لله.

اهية تستحي و مدام قال انها كتومة خلاص ..

أنا من النوع الكتوم ... و ما ابين مشاعري و لا أحد يقدر يعرف ..

اهية تبي تبين مشاعرها بس ما تقدر صعب حييل .. لازم شوي شوي يشجعها و لا ينسى انه حياة جديدة عليها ..

الله يعطيكم العافيه aloo73 & aishai وقلت لصديقي نفس اللي قلتوه تقريبا لكن الظاهر مثل ماقلت اخوي aloo73 والله يعين زوجته معه والله يوفقهم والله يعطيكم العافيه على تنوير الموضوع

__________________

رفيجك المفروض ما يتوقع منها شي لان مااعتقد بناتنا فيهم الجراءه او متعودين على الرومانسيه والغزل انا بعد والله لما ريلي كان يقولي شي حتى بعد الزواج كنت ارتجف بل يالله تعودت الحين لما كملت شهر وبعدين البنت مسكينه 19 سنه وين تعرف هالاشياء والله ما تنلام.

[[اضم صوتي معكم]