السلام عليكم

هذه الأيام و أنا أعيش فترة الملكة و أحب زوجتي وودي أكلمها كل يوم بس المشكلة لما أكلمها أنسى كل الكلام و ما يبقى عندي غير كيف الحال و وشلون الأهل و خلصتي من المقاضي أو لا

ودي أتكلم بشي ثاني و آخذ و أعطي معاها بس الخجل و الإرتباك يضيع كل شي . . . وودي أقول لها كلمة ( أحبك ) بس أستحي و كلمتها 4 مرات و إلى الآن ما قلتها مع أني بيني و بينها رسائل جوال تصارحني و أصارحها بالحب

وش رايكم ويش أقول لها في المكالمات و كيف أقول لها أحبك . . أخاف تأخذ عني فكرة أني جاف أو غير مقتنع بها مع أني أحياناً نقعد ساكتين ما عندي شي لأقوله

أنجدوني لو سمحتوا

السلام عليكم ورحمة الله وبركاته..
اول شي الف مبروك اخوي LA_AMIRان شاء الله ربي يتمم علي خير:14:
انا من رايي انك ما تستعجل وكل شي في وقته حلو انا بعد صار معي ومع خطيبي نفس الشي مرات تقعد المكالمة ساعات وتمشي كلها اما ساكتين او اني اساله عن اهله او يسالني عن اهلي بس بعدين لقينا طريقة خالتنا نتكلم والطريقة ان كل اتصال يسولف حد انا يوم اتصل اسولف المكالمة كلها وهو يسمع ويشاركني في السوالف ويوم هو يتصل يسولف هو المكالمة كلها وانا اسمع واشاركه والي يتصل هو الي يسولف ....
جرب هل الطريقة يا خوي يمكن تنفع معاك وبعدين انت ابدا سولف سوالف عادية وشوي شوي راح يطلع معاك الكلام الحلو بكل سهولة ...
وان شاء الله بالتوفيق

لا تستعجل على الأمور و أتركها تمشي بطبيعتها ..

وما تمر به شي طبيعي جدا ..

إذهب لزيارتها ..

و أنت في منزل أهلها صارحها بحبك ..

ومن بعد ذلك سيأتي كل شي كما تريد ..

ولكن بشرط .. خفف من خجلك و أظهر قليلا من جرأة الرجال ..

الله يوفقكم و يسعدكم ..

__________________

أستخدم أسلوب التلميح00000000 وحبه حبه بتلقى نفسك تشجعت
مثلا 000
قول لها وبصيغه سؤال بريئ ( ليش يافلانه انا اشتاق لك اذا غبتي ) وش سبب شوقى لك
وطبعا اكيد شوقك لها نابع من حبك

أو ( ليش أنا اذا سمعت صوتك أفرح ) وأستمر معها به الطريقه وخلك على طبيعتك راح تلقى الامور تمشي معك

ومافيها شئ ترا اذا بينت لها انك تبي تتعود وأن الخجل يمنعك

خلك طبيعي وتصرف على راحتك وقلبك هو الى راح يعبر بنفسه

ولاتتستعجل حبه حبه انت لسى توك فى رابع مكالمه الايام جايه وراح تتذكر الموضوع هذا وتضحك


تحيااااااااااتى لك والف مبروك الملكه

اخي العزيز واجهتني نفس مشكلتك فترة طويله حتى بعد الزواج
زوجتي تضايقت مني كثير لكني كنت خجول وقررت فجأة اني لازم اعطيها
حقها حاولت اعود نفسي على الكلمات الحلوة كنت دائما اكررها بيني وبين نفسي
قبل ماأكلمها او ارجع البيت حتى تعود لساني عليها وصرت اقولها لها في اي وقت
اتمنى انك تسويها وصدقني بتنجح

عادي الوضع
أنا لي سنة و7شهور مملكه وبالرسايل افضفض اكثر من المكالمة
بس هي خطوة.........خطوة
وكثيرين من المخطوبين يقولون قبل المكالمةنجهز كلام حلووو وسوالف بس لما اسمع صوتها تضيع كل علومي
استخدم ورقه وقلم اكتب فيها بعض الكلام الرومانسي
ولما تاخذاخبارهاناظر للورقه
وابدأ بأول كلمة حلوة فجأه بتلاقي الكلام يطلع عفوي وتلقائي منك
وإذا كنت تحبها فعلاً راح تبدع
وتستغني عن الورقه وكلما كان الكلام الرومانسي تلقائي كان أفضل
بس خطوة خطوة الأهم والأجمل إنك مهتم وتفكر بإشباع عاطفتها
وراح تلاقيها تردعليك أضعاف مضاعفة من الكلام الرومانسي


كيف تقول لها أحبك؟؟؟؟؟؟؟؟
أنا اقولك تجربتي
أول مره سمعتها من خطيبي كانت فجأة وبدون مقدمات وقربنا نقفل
يعني إذا جيت تقفل اسألها تآمريني على شئ
راح ترد عليك
بعدها قولها أحبك وقفل!!!!11
عاد الله أعلم وش بتكون ردة فعلها لأنها أول مره تسمعها
بس انتظر وابل من الرسايل بعد المكالمه
واغتنم الفرصه وصارحها بإنك تحبها وتبي تفضفض اللي بقلبك وتسمعها كلام رومانسي
يعني صارحها بحقيقة مشاعرك
راح تلاقي تغير بأول مكالمة بعد هذي الرسايل إن شاء الله


والأخوة والأخوات بالمنتدى مبدعين أكيد عندهم أفكار وتجارب ويساعدونك

بس حط ببالك إن أوضاعكم الحاليه طبيعيه وكثير يمر فيها بدايات حياتهم
الله يوفقك ويسعدك ويؤلف بين قلوبكم ويصلح ذات بينكم

ادخل في مواضيع عامة وانت باسلوبك حولها لين خاصة
مثلا إذا حرمتك تدرس بالجامعة .. اسألها كيف الجامعة وكيف النظام وهي كيف تنظم عمرها ؟؟
ومنها تعرف شو طبيعتها ومنها تسولف .. وإذا قالتك مثلا و الله متعبتني شوي
عطها بوسة وقولها الله ياخذ هالجامعة اللي متعبة روح عمري .. ولا تتضايقين يا بعد عمري إلا هي كم سنة وتفتكين ..



مثلا قالتلك بروح أتعشى .. قولها تعبي بطنج وتخلي إذني عطشانه .. ودي تشبعينها بحلى صوتج وكلمة أحبك ..
أبا أسمعها الحين قبل لا تروحي تتعشين .. عشان تضمني إني تعشيت بعد ..


مثلا قالتلك أحبك .. قول شو ما سمعت .. عيديها .. عطشان أباها .. أبى أسمعها اليوم وبكرة وكل يوم .. وأوعديني إنج تعوضيني عن حرماني ( تراج ما قلتيلي ياها البارحة )...

مثلا إذا كان التلفون تلفونها وانت متأكد إنها هي اللي بترد عليك .. أول ما تتصل هي بتقول السلام عليكم ,, إنت قولها أحبج .... شوف كيف بتذووووووووووووووووووووووووووووووووووووووووووووووو ووووووووب


هذي أفكار رومنسية .. كنت أسويها حق زوجي اللي رحل وطلقني .. وكنت أنا محتاجة منه يبادلني الحب ...بس حبيت إنك تسعد الحرمة وما تخلي يوم يمر إلا وعالأقل كلمة حلوة ..


إذا كنت تقابها .. لا تجي يوم عندها البيت وما في يدك شي .. أقل شي علبة حلاوة ولا وردة .. وقولها اشتريت وردتين .. وردة حقي ووردة حقج .. بنشوف من بيعتني بحقة .. ومن بتطول أكثر يعني حبه أكثر من بيهتم في الوردة أكثر بياخذ مكافئة .. والمكافئة بووووووووووووووووووووسة بس لا تقولها


وإذا زعلتك قولها في عقاب بس لما أجي .. ولما تجي عطها بوسة أو احظنها .. وقولها هالعقاب .. هي بتتفاجأ لأنها بتحرم تزعلك ثاني مرة ..

وإذا زعلتك ثاني مرة قولها فيه عقاب .. هي بتحسب بوسة وحظن مثل أول بس لا ... قولها هي تحظنك وتبوسك .. وخلي هالعقاب بينكم للأبد .. أحلى عقاب .. صدقني إذا كان هذا عقابكم .. ما تختلفون و الله...





آآآآآآآآآآسفة طولت عليك وعندي الكثير لو تريد ..
نصيحة : حاول تغمرها بحنانك وحبك .. ترى الحرمة إذا فقدت هالشي ما بتقدر تسعدك صدقني ( فاقد الشي لا يعطية)
والسمووووووووووووووووووووووووحة

__________________

مشكورين جدا على تفاعلكم معي


المشكلة أني ما قد كلمت بنات إلى أخواتي ( و الحمد لله ) أو عن الحب و إبداء شعور الحب و الرومنسية و الكلام الجذاب

ما هو الكلام الذي لابد من أن يدور بين المتملكين . . و يحبب بعضهم ببعض


أرجوا من لديه أي شيء أن يسعفنا

زوجي كان نفسك،، وبطبيعة الحال ماكنت راح أبدا بالكلام حتى لو بعد 100 سنة،، كثير ناس نصحوه يتجرأ ويقولي الكلام الحلو،، كان يقولي أحبك وأشتاق لك وكنت أسكت بس كلماته كانت تدخل قلبي،، لاتنتظر منها تبدأ وكلمها بشويش،، يعني لاتدخل عليها عرض أحبك وأموت فيك وكل الكلام الحلو مرة وحدة،، يعني خلال المكالمة 2- 4 كلمات حلوة وشوي شوي إن شاء الله راح تكون سهلة عليك ويمكن تشجعها هي بعد تقولك مثل هذا الكلام،،
وفقنا الله وإياكم لما يحبه تعالى ويرضاه وبالبركة إن شاء الله

__________________

اخي العزيز ،،،،،، اذا كنت تشعر بالخجل من محادثتها بكلام الحب فحاول ان تتحدث معها عن حياتها اليومية ماذا فعلت وماذا تفعل وهكذا وقل لها انك مشتاق لها ولرؤيتها ولسماع صوتها ،،،، وحاول اذا احسست منها خجل كبير الا تزيد في الكلام كثيرا فهذا سوف يربكها خليك هادئ والوقت كفيل بتكسير كل حواجز الخجل