السلام عليكم ورحمة الله وبركاته..




أنا رح أوجه السؤال لكل بنوته تأخر زواجها بنظرك ما هو سبب تأخر زواجك ؟؟

وهل تقدم لك شخص وندمتي على رفضك له؟؟


أنا هدفي من هالموضوع هو توعيه البنات خاصه اللي مازالو يدرسون لأن أكثر من يكتب عن أسباب العنوسه هم الرجال وممكن يكون ولا سبب منها متحقق فيك ..


يعني أنا مثلاً ماعندنا شي أسمه غلاء المهور والا لازم قريب أو من القبيله أو أهلي يرفضون أو من هالأسباب...


ورح أبدأ بنفسي أنا ما جاء النصيب يعني مو من كثر اللي يتقدمون لي وإذا تقدمو يجون الحريم وبعد كذا مايرجعون أو إذا سألنا عنه يكون مايصلح يعني ماجاني إلى الآن شخص أندم إني رفضته أو أرجع أفكر فيه..
يمكن واحد تقدم لي ماكان فيه عيب ظاهر إلا إنه مطلق وأنا كنت صغيره يعني 23سنه أو 22 ورفضت لأني كنت مو متقبله هالشي...

والحين أبي أسمع اجاباتكم...

__________________

((رب لاتذرني فردا وانت خير الوارثين))


http://www.tafseer.info/







طريقه سهله ومتوفره للجميع للمحافظه على الاستغفار

هل ترغب في الخير ؟؟هل تريد ميزانك يثقل بالحسنات ؟؟اضغط هنا من فضلك

__________________

ادعولي بالزوج الصالح الي يسعدني ,, جزاكم الله خير

سبحان الله وبحمده عدد خلقه ورضا نفسه وزنة عرشة ومداد كلماته

وعليكم السلام ورحمة الله وبركاته

أنا حبيت أشارك مع إنه عمري 20 بس أحس اني عانس لانه كل ربعي تزوجوا .. وانا ايضا انخطبت بس فسخت الخطبة لانه الرجال طلع عقله صغير ولاتفه الامور يزعل .. وبالاضافة انه باقي الي اخطبوني ماتوفرت فيهم اي صفات من الصفات الي ابيها احس مافي فهالايام واحد يفهم المراة زين الا القليل والنادر ... وشكرا اختي الفاضلة على الموضوع الهام وجزاك الله خير الجزاء ورزقك بالزوج الصالح الي يحبج ويحطج بعيونة والذرية الصالحة ان شاء الله آمين يارب العالمين ... تقبلي تحياتي أختك فجر

__________________

حبيت اشارك بالموضوع للفائده
فيه قريباتي 4 خوات وكبرو والى الان ما تزوجوا اصغرهم عمرها 30 سنه مع العلم انهم مافيهم عيب لكن اعتقد ان السبب في عنوستهم انهم عايشين في جده وهم من نجد ولا تعرفوا على احد ولا اختلطوا باحد فهذا سبب من الاسباب
ادعولهم ان الله يزوجهم وكل بنات المسلمين

انا كنت بنزل موضوع اشكي عن حالي بس خلاص دام الموضوع مفتوح بكتب هنا

انا ماتقدملي حد ابد ولا سمعت ان احد بيتقدملي

والله طرقت كل باب حلال كلمت اكثر من 30 خاطبه ولا زال اتصل واسئل ومنقيتهم من احسن الناس عشان ماحد ينصب علي لكن لا فائده لا فائده

احس بتعب فضيع ويأس تعبت
لا حياه

لا ناس ولا دراسه ولا حتى صديقات لان بكل سهوله ممنوع

والله مافيني شي ينعاب لكن امكن انا شايفه حالي مافي شي يعبني والناس تشوفني كلي عيوب
اروح لزواجات غصب عن امي لانها ماتبغى ولا فائده لا فائده

والله المال الي الناس تتمناه والخدم ماسوتلي شي غير التعاسه

استغرب من الي ما يبغون يطلعون من بيوت اهاليهم ومتمسكين فيها ويقولون انه نعيم واعرف كثير بيكتبلي ان الزواج هم وغم ومشاكل كان اذا تزوجت بيعلق مشنقتي الرجال وان الزواج تعاسه
كاني طلبت حرام او شي ما احله ربي

انا اطوق للخروج من بيت اهلي عشان اعيش حياه طبيعيه بعيده عن مشاكل والنميمه
والله عندي ملابس من 3 و4 سنوات ما لبستها ولسه جده وين بلبسها وعند مين‍ عازلين نفسهم عن الناس ولا يبغونهم
ما اقولكم ماحد يعرفني لالا يعرفوني الناس لكن ما الفائده اذا انا بكل الي عندي ما اهمهم ولا حتى فكرو بتقرب منا

أخواتي العزيزات ..

ليكن لديكن يقين تام بأن الله أعرف بمصلحة العبد و أنه سبحانه أرحم و أكرم على عبده حتى من والديه ،،

لذا لتكن لديكن ثقة بالله و أن لن يفعل شيء إلا و به صلاحكن و منفعتكن ،،

و ما من خير يلحق بالعبد إلا من الله و ما من سوء يصيبه إلا بما كسبت يديه

و أخيرا عليكن بالاستغفار و الدعاء و الصبر و عسى أن يكون الفرج قريب

دمتم بخير

حورية البحر..
حصه الحلوه
فعلاً قلة الاختلاط بالناس ممكن تكون سبب لكن هو بالنهايه شي مقدر ومكتوب..

اختي فجر..
مو مقياس حبيبتي إن كل اللي حولك تزوجو إنك تكونين عانس!!!!! والله أنا أشوفك صغيره بهالعمر على هالتفكير
وبعدين ليه تستخدمين هالكلمه أحس ان اللي نقول عنها عانس مالها أمل تتزوج و في النهايه هذي إرادة الله..
الحين انتي تمتعي بشبابك والله يرزقك باللي يقدرك ويسعدك وصدقيني كل ماكبرتي رح يتغير تفكيرك للأفضل ونظرتك للزواج ولمواصفات زوج المستقبل وفعلأً هالأيام مو كل رجال يعتمد عليه..
اتمنى لك التوفيق وجزاك الله خير على الدعوه..

__________________

((رب لاتذرني فردا وانت خير الوارثين))


http://www.tafseer.info/







طريقه سهله ومتوفره للجميع للمحافظه على الاستغفار

هل ترغب في الخير ؟؟هل تريد ميزانك يثقل بالحسنات ؟؟اضغط هنا من فضلك

ام مزنه..
حاولي ماتشغلين نفسك بالتفكير صحيح هو صعب لكن حاولي وبعدين اطلعي من البيت مو علشان تنخطبين لأ لأن عندك فرص الحين بعد الزواج رح تكون صعبه مثل الدراسه والوظيفه أو أدرسي في دار تحفيظ رح تلاقين جو ثاني ورح تحملين هم الدعوه وتعرفين ان مو كل شي في الدنيا زواج وتكونين صداقات من خيرة الناس..
وبعدين الانسان مايعرف وين الخيره فيه يمكن يكون تأخر زواجنا علشان نحس بهالنعمه مو مثل بعض المتزوجات اللي من تقعدين معها وهي تتشكى ...


أملي بالله..
جزاك الله خير على ماكتبت فعلاً كلامك صحيح الله يرزقنا الصبر و الرضا...

__________________

((رب لاتذرني فردا وانت خير الوارثين))


http://www.tafseer.info/







طريقه سهله ومتوفره للجميع للمحافظه على الاستغفار

هل ترغب في الخير ؟؟هل تريد ميزانك يثقل بالحسنات ؟؟اضغط هنا من فضلك

السلام عليكم
اود المشاركه عن اختي الغاليه ، الى الان لم يجيء نصيبها والحمد لله على كل حال
السبب هناك عدة اسباب منها والاهم كيد النساء ولا حول ولاقوة الا بالله فاختي تعرضت فعلا لكيد النساء ومن المقربين لنا بالذات فهي على قدر من الجمال ما يميزها عن الاخريات في العائله ، والحمد لله مره اخرى على كل حال ولا حول ولاقوة الا بالله.


Smart.Man

والله يأأختي ماأدري وش سبب تأخري

الخطاب وكثير يتقدمون لي إلى الان لكن أول بصراحة كنت ارفض بسبب الدراسة طبعا اهلي هذا رأيهم واقنعوني وانا مخفة مع الخيل ياشقرا

وبعد ماتخرجت كنت بصراحة أرفض لأسباب مهمة بالنسبة لي ومتأكدة انها تافههة بالنسبة لبعض البنات

ولما تنازلت عن اغلب شروطي من سنتين تقريبا تغير الحال كل ماصار لي موضوع فجأة يوقف!!! مدري عقوبة مدري ابتلاء مدري عين والله مااااادري

اللي جدا غريب وعجيب ان المتقدمين لي حاليا أكثر من اللي كانو يتقدمون لي أثناء الدراسة!!!!! لكن ربي مايكتبه

والله شيئ غريب الله يستر وامي طايحة لنا بسالفة جديدة تقول اخاف سحر بسم الله علي




بصراحة اييييييه

__________________
اللهم لك الحمد والشكر
"ولئن شكرتم لأزيدنكم"