بسمة رضا

اشكرك على قراءة المشكله كلها
انا سعيده بصارحتج لاني هنا لاجد الحل وليس لاتخاصم معك..

اولا انا اقدر ان هذي امه وما عندي اعتراض على تعلقه
بس هذا ما يعطيه الحق انه يوصلها كل شي
وهذا ما تعلمناه من يوم كنا صغار ان البيوت اسرار حتى لو كانت امه
ياختي لو تردين تقرين الرد انا قلت انها تقترح عليه حلول او تعطيه حلول مو فصالحي
وهذا اللي عرفته من كلامه وزلاته لما نتهاوش
كأن يقول صدقها امي لما تقول كذا وكذا وكذا!!!!

تدرين انه لما احيانا وبالغلط لما تطلع منها نصيحه حلوه لابنها عني
اشوفه راجع من اهناك وهو شاق الحلج ومستانس لانه وجد الحل

افهموووووووووني زوجي ما زال يعيش بحض امه
ما يجتهد ليجد الحل بل يبحث عن الحلول جاهزه وماله غير امه....

وبالنسبه للساعه ثمان ونص ترى انا حددته لاني اعرف طلعاته ومشاغله
وهو ممكن يخلص الساعه 6 بس باقي الوقت سوالف مع هذا ومسخره مع هذا

ولما يرجع كعادته 9 ولا 10 يكون هلكان
متى اذا اجلس معاه؟!!!!!

انا ما احاول احطه بثكنه عسكريه انا احاول اجبره ان يعطيني حقوقي
ويمكن اسلوبي يكون غلط
بس هذي اخر امالي فعطوني حل غيره.....

مشكلتي اصدق وبسمة رضا

انا بعدني ما طبقت قانون الثمان ونص وحبيت اتشاور معاكم قبل وارجعوا لردودي السابقه
لاني اظن ما عطيتكم فرصه تقرون الردود اللي جت بعدها
مستانسه احد يرد علي عشان جيه ارد بسرعه

اختي مشكلتي اصدق
انا من حملت وانا احس بضيق وكارهه البيت وعلى قولة اهلي يمكن وحام
وسالفة الطلعات هو عنده وقت بس يتعاجز
وانا فعلا محتاجه اطلع واغير جو من يومين طلعنا طلعه حلوه بعد حنه والله استانست عليها
وهو بعد واحس نفسيتي ارتاحت وااااااااااااايد

اختي بسمه
بصارحج بطبع فيني يمكن ما يعجبج وهو سبب عدم زيارتي لهم
انا نفسي عزيزة علي جدا لدرجه التكبر يمكن.... هذا من كلام اهلي...
لما احس انهم يتناوبون واني علة على قلبهم احس بمذله وارضاها على نفسي
والله يخليج لا تقترحين علي اجبر نفسي
ترى نفسيتي حاليا (بالحمل) ما تتحمل....

وبالنسبه للعصبيه انا فعلا اقنع نفسي بهالشيء
عشان جذي اعرض مشكلتي على اثنين من اعز صديقاتي عشان اعرف المشكله من وجهة نظرهم
خاصه انهم صريحات معاي
فيقولون ان صح زوجج غلطان بس اسلوبج هو الغلط الاكبر مع ان كلامج حق
بس بطريقتج وعصبيتج تخربين كل شي!!!!

والله يا بسمه انا سمعت هالحل من احدى صديقاتي
بس انا علاقتي معاها امممممم

يعني علاقه رسميه لما روح عندهم تسأل عن اخباري ولا خلاص
باقي اليوم كله مع اخواته...

يمكن لاني ما تعودت على جلسة الحريم
وخواته قريبات من عمري
انا عمري (21) وهو (24)

وسالفة الهدايا بصراحه ما اتنزل اسويها
هي بتفهم قصدي وبتعرف اني ابى اطيحها بشباكي لانها فطينه

وانا سابقا جربت ادخلها مرتين بمشاكلنا
بس هي دايما تعطي ولدها الحق حتى انه مره مد يده علي
وخبرتها ما علقت على هالشيء بالعكس نطت لولدها ودافعت عنه
وطلعتني انا الغلطانه مع ان هو اللي بدا والله
وهي ما تستحي ولا تحشم كبير فما بالك بي
امي نصحتني بأني ابعدها عن مشاكلنا لانها عرفت هالمرأه من أي طينه
وامي من اللي يوقفون مع الحق وتدافع عن زوجي وتوقف معاه ضد بنتها لو كان الحق معاه
ودايما تقولي اسكتي عن زوجك ومشي معاه لا تعاندين وتنصحني ازور امه
بس قالت مشاكلك لا توصلين لها ابداااااااا

جمر!!!!!!

معقوله هالكلام اجيبك عون تكون لي فرعون
ردك ما زعلني بس كلامك ما فادني بشيء

فهمني الجزء الخطأ من تصرفاتي حتى لو كان الموضوع كله
بس حط الخطوط تحت الغلط عشان اركز واعرف غلطي
يمكن الشيطان اعماني فنورني ....

يمكن لي دفاع عن نفسي
يمكن في اشياء لم اذكرها تبرر خطأي

......

المشاركة الأصلية كتبت بواسطة بسمة رضا * حينما يمد لنا المريض يدا ..طالبا العون منا .. والغوث والرحمه فلا نمد له يد العون .. خير من أن .. نسقيه سما .. فيميته .. وكان بالامكان انقاذه فسيروا علي هدي نبيكم .. وكونوا رحماء بأمته .. وبالاخص العليل منهم .. فهو الضعيف بينهم .. وهو الأحوج إلى عونكم