المشاركة الأصلية كتبت بواسطة عبير الأحلام

ياقلبي انتي يا الحب والحبيب ، وربي انتي شخصيتك سكر ،، من حلاك النمل متجمع عليكي

تعرفي ..

كثير بنات في المنتدى حبييييييتهم .. ونفسي من كل قلبي نجتمع .. لكن مالنا غير الجنة ان شاء الله

والله مرة كنت مسجلة في منتدى ، فلاوي مرة بصراحة ، والشباب اللي فيه اتواعدوا واتقابلوا ، وصاروا اصحاب مرة

بس والله الواحد صار يخاف

وما صار لنا امل الا الجنة ان شااااااااااااء الله

***

يا حبيبتي انا عاااااارفة ضغط الناس لكم لاني جربته ، والحمد لله انو ربي نجاني منه ، فعلاً نظراتهم تقتل ، ما اقولك ..

عمرهم ما يتكلمو بصراحة ، بس تسمعي تلقيح الكلام من ورا ورا ( تلقيح = امممم دق بالكلام من تحت لتحت ) يارب تكون

مفهومة

لا .. ومو بس من الحريم ، حتى الرجال ( اعمام واخوال ) ما يسيبوك في حالك

لكن الشي الوحيد اللي كان يصبرني بصراحة ربنا هو اليقين انو حالي دا حال مؤقت ، وفرج ربنا كريم ، وكنت حاسة

بقرب زواجي ، وكنت ارد عليهم في نفسي واقولهم اصبرو عليا بس شويتين وان شاء الله حأشمت فيكم

وفعلاً يا الحب والحبيب ، والله ما تصدقي اني اتخطبت قبل بنات الحساد ( ما اسميهم الا كدا )

ودحين تعالي شوفي نظرات الحقد والحسد

يعني وربي ما تسلمي من نظرات الناس

ما اتخطبت بدأوا يتكلموا ويقولوا مسكينة حظها مو معاها

اتخطبت ما سلمتي منهم ، اووف انتبهو لا تخلوهم يقعدو مع بعض كثير ، لا تطول الملكة ، شباب اليومين دي مالهم امان ،

يؤؤ ليش الشبكة كانت كبيرة مو لو وفرو الفلوس كان احسن ، اصلا باااين انها كانت تعرفه قبل الزواج ،، اكيد اخدته

عن حب .. وربي كلام كثييير تحسي انه من جد طالع من قلب حاقد

ياقلبي وكلي امرك لله .. كفاية علينا احساسنا الفطري وحاجتنا للزواج .. كمان نبغى نقعد نزود على نفسنا بكلام

الناس ؟

خليهم ينبحو زي الكلاب في ستين داهية ، اهم حاجة اني عايشة حياتي الحمد لله ومبسوطة .. ورضا ربي هو هدفي